ALMATY. 14 tamyz. Keshe keshilik bastalǵan nóserli jańbyr áli de toqtamaı jaýyp tur. Almatylyqtar úshin búgingi kúnniń basty da eń mańyzdy jańalyǵy osy. Bul týraly egemen.kz habarlady.
Dál mundaı nóserli jańbyrdyń mamyr aıynyń 9-nan keıin bolmaǵanyn qala turǵyndary umytqan joq. Ala jazdaı Alataý munartyp, kún shyjyp, termometr + 40 grdýstyń tóńiretinde turyp alǵan. 27 shilde kúni sońǵy ret jańbyr bir sátke ǵana shań basyp, sebelep qana ótken. Osy eki arada qýyqtaı qana eleýsiz Qarǵaly eshkim kútpegen ózeninen sel júrdi. Sel degen aty bolmasa taý bókterinen bastaý alatyn qalanyń eki shaǵyn aýdandarynyń kóshelerinen qoı tastar aralasqan laı aqty. Áıteýir, adamdar aman. Tabıǵat apatynyń zardabyn joıý áli de qarqyndy júrip jatyr.
Almaty aspanynyń túnerip turǵanyna qaraǵanda jańbyr jýyq arada basylmaıtyn sııaqty... Halyq birden jyly kıinip, qolshatyr ustady.
Talǵat Súıinbaı.
Derek, sýret: egemen.kz.