ALMATY. 14 tamyz. Amerıkalyq CNN telekompanııasy óziniń «Tvıtter»-degi resmı paraqshasynda Tıanszındegi (Qytaı) jarylysqa baılanysty qate taratqan habaryn túzegeni týraly jarııalady. Bul týraly sınhýa habarlady.
Onda Qytaıdyń resmı ókilderi telekompanııa tilshisi Ýıll Rıplıdiń jarylys týraly tikeleı júrgizip jatqan habaryn úzip jiberdi delingen. CNN-niń túzetýinde – tilshiniń reportajyn resmı bılik ókilderi emes, qaıtys bolǵandar men zardap shekkenderdiń jaqyndary toqtatýǵa májbúr bolǵany qaıta habarlandy. Alaıda, telekompanııanyń máseleniń mánine jetpeı taratyp jibergen habarynan keıin áleýmettik jelilerde Qytaı bıligine syn aıtqandar sany kúrt kóbeıip ketken edi.
Degenmen, óreskel qatesin túzegen amerıkalyq telearnanyń, ol úshin Qytaı bıliginen keshirim suramaǵany da jurttyń nazarynda qaldy.
Talǵat Súıinbaı.
Derek:sınhýa.
Sýret: Reuters.