ASTANA. 26 maýsym. Memlekettik hatshy Gúlshara Ábdiqalyqova eldiń úzdik jýrnalısterine Qazaqstan Respýblıkasy Prezıdentiniń buqaralyq aqparat quraldary salasyndaǵy syılyqtary men granttaryn tapsyrdy jáne Alǵystaryn jarııalady. Bul týraly akorda.kz habarlady.
Memlekettik hatshy rásim barysynda syılyq laýreattary men grant ıegerlerin, Memleket basshysynyń Alǵysyn alǵan shyǵarmashylyq ujymdardy, sondaı-aq, Qazaqstannyń barsha jýrnalıster qaýymyn kásibı merekeleri – Baılanys jáne aqparat qyzmetkerleri kúnimen quttyqtady.
«Qazaqstannyń buqaralyq aqparat quraldary azamattyq qoǵamnyń mańyzdy bólshegi retinde bılik organdary men el azamattary arasyndaǵy dáneker qyzmetin atqaryp qana qoımaıdy, sonymen qatar, respýblıkanyń barlyq tabystary men jetistikterine laıyqty úles qosady, ortaq shańyraǵymyzdaǵy tatýlyq pen kelisimdi nyǵaıtady», – dedi G.Ábdiqalyqova.
Memlekettik hatshy Qazaqstan halqyn uıystyrý, patrıotızmge tárbıeleý, elimizdi eń damyǵan 30 memleket qataryna qosý jónindegi strategııalyq mindetterdi júzege asyrý isinde otandyq BAQ qyzmetiniń zor mánge ıe ekenin atap kórsetti.
«Qazaqstannyń buqaralyq aqparat quraldarynyń sapasy men kásibı turǵydan jetilýin yntalandyrý úshin Memleket basshysynyń arnaýly marapattary taǵaıyndalǵan bolatyn. Osy marapattardy tapsyrý arqyly biz eldiń medıakeńistiginiń eń laıyqty, talantyn barynsha jarqyratyp kórsetken ókilderin atap ótemiz, – dedi Memlekettik hatshy.
Memleket basshysynyń О́kimimen Qazaqstan Respýblıkasy Prezıdentiniń syılyqtary Janbolat Álıhanuly Aýpbaevqa – «Egemen Qazaqstan» respýblıkalyq gazetiniń bas redaktoryna Uly Otan soǵysyndaǵy Jeńistiń 70 jyldyǵyna arnalǵan materıaldar toptamasy jáne ulttyq buqaralyq aqparat quraldaryn damytýǵa qosqan zor shyǵarmashylyq úlesi úshin; Alekseı Vladımırovıch Panǵa (marqum) – «Ekspress-K» gazeti redaksııasy» JShS bas dırektoryna eldiń aqparattyq keńistigi deńgeıin óristetýge baǵyttalǵan qyzmeti, otandyq jýrnalıstıkany damytýǵa qosqan úlesi úshin berildi.
Granttar Zarına Georgıevna Esekeevaǵa (Zarına Muhamedálige) – «Arsha» medıastýdııasynyń prodıýserine respýblıkanyń áleýmettik-ekonomıkalyq damýy jáne monoqalalaryn memlekettik qoldaý týraly «24 KZ» telearnasyndaǵy «Bolshıe goroda» – «Darhan qala» atty avtorlyq jobasy úshin; Rınat Dýmanuly Kertaevqa – «Habar» agenttigi» AQ «Habar» telearnasy Baǵdarlamalar óndirisi dıreksııasynyń bas prodıýserine qazaqstandyq televızııany damytýǵa qosqan shyǵarmashylyq úlesi úshin tapsyryldy.
Prezıdenttiń Alǵystary «Dostyq-Drýjba» respýblıkalyq qoǵamdyq-saıası jýrnalynyń shyǵarmashylyq ujymyna qazaqstandyq patrıotızmdi qalyptastyrýǵa, qoǵamdaǵy etnosaralyq kelisimdi nyǵaıtýǵa qosqan eleýli úlesi úshin; «Jetisý» óńirlik qoǵamdyq-saıası gazetiniń shyǵarmashylyq ujymyna óńirde memlekettik baǵdarlamalardyń oryndalý barysyn tereń ári jan-jaqty jarııalap-kórsetkeni úshin; «Qazaqstan» ulttyq telearnasynyń shyǵarmashylyq ujymyna memlekettik saıasattyń júzege asyrylý barysyn belsendi jarııalap kórsetkeni jáne otandyq aqparat keńistigin damytýǵa qosqan zor úlesi úshin; ««Kókjıek» jáne «Ot ı do» radıobaǵdarlamalarynyń shyǵarmashylyq ujymyna Eýrazııalyq ekonomıkalyq odaq jumysy aıasynda mańyzdy memlekettik baǵdarlamalardyń júzege asyrylý barysyn jarııalap-kórsetkeni («Novostı-Kazahstan» aqparat agenttigi men «Astana» radıosynyń birlesken jobasy) úshin; «Qazaqstan Respýblıkasy Prezıdentiniń teleradıokesheni» kommersııalyq emes aksıonerlik qoǵamynyń shyǵarmashylyq ujymyna Qazaqstan týraly ózekti televızııalyq jobalar jasaý arqyly otandyq qujattaný salasyn damytýǵa qosqan eleýli úlesi úshin; «Til» aqparattyq-saraptamalyq jýrnalynyń shyǵarmashylyq ujymyna áleýmettik-ekonomıkalyq reformalardyń júzege asyrylý barysyn, memlekettik tildi jáne ulttyq mádenıetti damytý máselelerin belsendi jarııalap-kórsetkeni úshin; «Vesti.kz» aqparattyq-sport portalynyń ujymyna salamatty ómir saltyn keńinen nasıhattaǵany, Qazaqstannyń sport jýrnalıstıkasyn damytýǵa qosqan úlesi úshin jarııalandy.
Elaman Qońyr.
Derek: akorda.kz.
Sýret: egemen.kz.