QOSTANAI. 14 tamyz. Qostanaı oblysynda qyzylshaǵa qarsy qosymsha taǵy 20 myń adamdy egetin bolady. Olardyń qataryna 15 pen 19 jastaǵy jasóspirimder jatady. Bul týraly alau.kz-ke silteme jasaǵan egemen.kz tilshisi habarlady.
Ústimizdegi jyldyń 1 qazanynan bastap, oblys óńirinde qyzylshaǵa qarsy qosymsha egý jumystary bastalady. Oblysta 20 myń jasqa egý jumysyn júrgizý josparlandy. Sońǵy jyldary elimizde qyzylshaǵa qarsy egý jumystary vaksınanyń sapasyna kúdik kúsheıgendikten toqtatylǵan bolatyn. Bul joly 15 pen 19 jas aralyǵyndaǵy jastar egiledi. Osy toptaǵy adamdardan jyl basynan beri 66 qyzylsha oqıǵasy tirkelgen bolatyn.
Tutynýshylar quqyn qorǵaý departamentiniń basshysy Sáýle Báımenova: «Qyzylshany quryqtaýǵa múmkindik bar. Birinshiden, qyzylshanyń vırýsyn tasıtyn basqa tirshilik ıesi joq, onymen tek adamdar aýyrady. Ekinshiden qyzylshaǵa qarsy óte sapaly vaksına ákelindi», – dedi.
Názıra Járimbetova.
Derek, sýret: alau.kz.