Syn saǵatyna daıyn bolaıyq

Elbasy sózi – eldiktiń kózi

Qazaqstan Prezıdentin saılaýdy kezekten tys ótkizeıik degen jalpy halyq qoldap otyrǵan pikirge biz de ún qosamyz. Saıası, ekonomıkalyq, qaýipsizdik ahýal kúrdelenip ketti. Syn saǵaty keldi. Osyndaı jaǵdaıda el tizginin berik ustap otyratyn basshyny qaýiptiń aldyn ala saılap alýdyń mańyzy zor. Dálirek aıtsaq, álemde ty­nysh­tyq buzyldy, dúrbeleń kóbeıdi. Bir-birimen soǵyspaı, daýlas­paı jatqan elder joqtyń qasy. Úlken qaqtyǵystardyń qaýpi de kórinis berip otyr. Qazaqstan álemdik qoǵamdastyqtyń múshesi retinde kóptegen  eldermen saıası, ekonomıkalyq tyǵyz qarym-qa­tynas júrgizedi. Tatýlyǵy buzyl­ǵan, bir-birimen mámilege kele almaı qylyshyn jalańdatyp, sank­sııalyq soǵys maıdanyn ashyp otyrǵan álem elderiniń yzǵary, teris áseri bizderge de kelmeı qoı­maıdy, kelip te jatyr. Qazaq eli úshin bul úlken qaýip. Odan da saq­tanyp, aldyn almasa bolmaıdy. Álem ekonomıkasy daǵdarystan áli shyqqan joq. Osy daǵdarys, tipti, qoıýlana bastaǵan sııaqty. Álemde taýarǵa suranys azaıdy. Osynyń saldarynan munaı baǵasy eki esege jýyq, ártúrli metall baǵamy aıtarlyqtaı tómendedi. Qazaqstan ekonomıkasyn bul aýyr jaǵdaıǵa ákeldi, óıtkeni, joǵaryda atalǵan taýarlardan alatyn tabys kózi kúrt taryldy. Reseı men Ýkraına arasyndaǵy jaǵdaı da ekeýiniń ekonomıkasyn quldyratý ústinde. Sonyń saldarynan olarmen, ásirese, Reseımen ekonomıkalyq qatynas bizdiń sharýashylyǵymyzdyń jaǵdaıyn burynǵydan da qıyndatatyn túri bar, qıyndatyp ta jatyr. El ekonomıkasyna kelgen osy qaýipti biz barynsha sezinip otyrmyz. Sondyqtan da osy qaýipterdiń aldyn alatyn aýqymdy sharalar júrgizip, óz taǵynda ýaqytyna alańdamaı myqty otyratyn Prezıdent kerek. Kenjeǵalı SAǴADIEV, UǴA akademıgi. ALMATY.ıdenttik saılaýdy bıyl

Shyǵysqazaqstandyq eńbek ujymdary qoldaıdy

Qazaqstan halqy Assam­bleıa­sy Keńesiniń kezekten tys pre­zıdenttik saılaý ót­kizý jónindegi bastamasyna shyǵysqazaqstandyq iri kásip­oryndardyń eńbek ujym­dary da ún qosyp, qoldaý bildirdi. Shyǵys óńirindegi túrli eńbek ujymdary ókilderiniń pikirinshe, prezıdenttik jáne parlamenttik saılaýlardy bir merzimde ótkizý elektoraldyq naýqan úshin qolaı­syzdyq týdyrady. – Qazaqstan halqy Assam­bleıa­sy músheleriniń kezekten tys prezıdenttik saılaý ótkizý jónindegi bastamasyn teledıdar arqyly kórdim. Osy ýaqytqa deıin memlekettik saıasat bar kúsh-jigerin otan­dastarymyzdyń jaqsy ómir súrýi men eldegi beıbitshilikti nyǵaıtýǵa jumsady. Bul baǵytta memleketimizdiń keleshegi úshin kezekten tys saılaý ótkizý etnosaralyq yntymaq­ty kúsheıte otyryp, elimizdiń damýyna serpin beredi degen senimdemiz. Bizdiń 25 myńǵa jýyq adam eńbek etetin kompanııamyz Assambleıa ókilderi­niń bastamasyn tolyǵymen qoldaı­dy. Elimiz úshin saıası máni zor oqı­ǵadan tys qalmaımyz, – dedi «Kazsınk» JShS-niń bas dırektory Iýrıı Gýsev. Atalǵan kompanııa kásipodaq komıtetiniń tóraǵasy Sergeı Sol­datovtyń aıtýynsha, úlken ujym­nyń bul bastamany bir­aýyzdan qoldaýy tegin emes. «Elbasynyń «Nurly Jol» Jańa Ekonomıkalyq Saıasaty otandastarymyzdyń jaǵ­daı­yn jaqsartýǵa baǵyt­talǵan. Jospardy júzege asyrý birsha­ma ýaqytty talap eteri sózsiz. Sondyqtan, barsha qazaq­stan­dyqtar úshin kezekten tys saılaý ótkizýdiń mańyzy zor der edim. Qazirgi álemdik ekono­mı­kadaǵy turaqsyzdyq beleń alǵan ýaqytta, bizge turaqtylyqty saqtaýǵa kepildik qajet», deıdi kásipodaq tóraǵasy. Assambleıanyń bastamasyn atalǵan zaýyttyń barlyq ju­mysshylary da qoldap otyr. «As­sambleıa músheleri eldiń jar­qyn bolashaǵy úshin halyqqa da, bılikke de ortaq usynys tas­tady. Biz 2007-2009 jyldary bolǵan daǵdarys kezeńinde qa­laı ómir súrsek, búgin de, erteń de solaı ómir súrgimiz keledi. О́skemendegi iri kásiporynnyń ókilderi re­tinde Assambleıanyń bastamasyn qoldaımyz. Sebebi, shet mem­leketterdegi qazirgi ahýaldy eskergende, elimizde eń aldymen tu­raqtylyq pen yntymaqtyń saq­­talýy óte mańyzdy ekenin baı­­qadyq. Aldaǵy ýaqytta ót­kizi­­lýi múmkin saılaý eldiń jar­­qyn bolashaǵynyń kepili dep bi­le­min. Biz memlekettiń qara­paı­ym­ azamattary retinde árdaıym atar ta­ńymyzdyń araıly bo­lýy­na senimdi bolýymyz kerek», dedi «Kazsınk» JShS elek­trolız sehynyń sheberi Sergeı Serov. О́skemen tıtan-magnıı kom­bınatynyń ujymy da osy pi­kirdi qýattap otyr. Kásip­oryn­nyń jóndeý sheberi Dmıt­rıı Neskladnyı zaýyt jumys­shy­larynyń pikiri el múddesi men árbir qazaqstandyqtyń paıymymen toǵysatynyn jetkizdi. «Biz tatýlyǵy jarasqan, birligi bekem elde turamyz. Qazaqstannyń ár turǵyny keleshekke senimmen qaraǵysy keledi. Aýyzbirligimiz álemdik daǵdarys oryn alǵan aýmaly-tókpeli kezeńde ishki turaqtylyǵymyzdyń saqtalý­yn jáne elimizdiń odan ári gúl­denýin qamtamasyz etedi», dedi D.Neskladnyı. «О́skemen tıtan-magnıı kom­bınatynda 2,5 myń adam ju­mys isteıdi. Áriptesterimniń áńgi­mesinen baıqaǵanym, Assam­bleıa usynysyn jurt jumyla qoldaýda. Álemdegi ózge elderdiń bir-birimen kelispeýshiligi saldarynan halyqaralyq jaǵdaı­dyń ýshyǵyp turǵanynan habar­darmyz. Sol sebepti elimiz kezekten tys saılaý ótkize otyryp, bolashaqqa nyq qadam basýy kerek dep esepteımin», dedi kásiporyn jumysshysy Talǵat Qumarbekov. О́skemen tıtan-magnıı zaýy­tynyń eńbek ujymy keler jyly prezıdenttik jáne parlamenttik saılaý syndy eki aýqymdy elektoraldyq naýqandy qatar ótkizýdiń kóńilge qonymsyz ekenin jetkizip, prezıdenttik saılaýdy bıyl ótkizgen lázim degen pikirlerimen bólisti. Dýman ANASh, «Egemen Qazaqstan». О́SKEMEN.

Birden-bir durys sheshim

Qazaqstan halqy Assam­bleıa­­sy Keńesi músheleri Qa­zaqstan Res­pýb­lıkasy Prezıdentiniń saılaýyn kezekten tys ótkizý týraly bas­tama kóterip, úndeý jarııalaýyn qýana qarsy aldyq. Qazaqstan halqy Assambleıasy osy mańyzdy másele boıynsha ustanymyn bildirýdi ózde­riniń azamattyq boryshy dep sanaıdy. Jahandyq syn-qaterler kezeńinde elimizdiń Prezı­denti Nursultan Nazarbaevqa Qa­zaq­standy daǵdarystan alyp shy­ǵýy­na múmkindik beretin jańa senim mandaty berilýi qajet. Elbasyna senim mandatyn bildirý arqyly álemdik damýdyń jańa keze­­ńinde halqymyzdy biriktirip, mem­­­le­­­ketti damytýdaǵy mańyzdy má­­se­­­­­­lelerge den qoıýǵa múmkindik alamyz. Búginde «Máńgilik El» ıdeıasyn, «Nurly Jol – bolashaqqa bastar jol» baǵdarlamasyn jáne «Qa­zaqstan-2050» Strategııasyn júzege asyrý úshin Elbasyna únemi senim artýymyz kerek. Memleket basshysy júrgizip otyrǵan saıasat tóńireginde toptasý arqyly eli­mizdiń odan ári qarqyndy damýy men azamattardyń ál-aýqatyn art­tyrýǵa qol jetkize alatynymyzǵa senimdimiz. Sondyqtan biz barsha qazaqstandyqtardy Elbasy N.Á.Na­zarbaevtyń tóńiregine toptasýǵa shaqyramyz. Sonymen qatar, Elbasyna jańa mandat berý arqyly Qazaqstan halqyn onyń tóńiregine tyǵyz toptastyryp, elimizdiń damýyna, memle­kettiligimizdi nyǵaıtýǵa, eldegi turaqtylyq pen beıbitshilikti kúsheıtýge, Nursultan Ábishuly usynǵan «Nurly Jol» – bolashaqqa bastar jol» uzaq merzimdi strategııasyn júzege asyrýǵa qol jetkizetinimiz anyq. Memleket basshysy júrgizip otyrǵan saıasatqa qoldaý bildirý elimizdiń qarqyndy damýyna, halqymyzdyń jaqsy ómir súrýine qoldaý bildirý dep oılaımyz. Táýelsizdik alǵanyna 23 jyl ǵana bolǵan Qazaqstan Res­pýblıkasynyń abyroıyn aspanǵa asqaqtatyp, álemdegi alpaýyt eldermen ıyq tiresetindeı áleýetke jetkizgen Elbasynyń sarabdal saıasatynyń tereńdigin, kóz túgil kóńil jetpes kókjıekti boljaı alǵan kóregendigin, el aldyndaǵy eren eńbegin, otandyq qana emes, jahandyq saıasattaǵy jetekshi ornyn, búkil dúnıejúziniń áıgili saıasatkerleriniń moıyndap otyr­­­ǵanyn biz zor maqtanysh tutamyz. El ekonomıkasynyń gúl­denýine kedergi keltiretin qan­shama qıyn­dyqtardy jeńýge, halqymyzdyń eńsesin kóterip, bolashaqqa nyq senimmen qaraıtyn búgingideı jaǵdaıǵa jetkizýge, ádebıet pen mádenıetin, bilimi men ǵylymyn bıik­tete túsýge, kópultty memleketimizdegi bereke-birlikti nyǵaıtyp, saıası, áleýmettik turaqtylyqtyń berik ornyǵýyna uıytqy bolyp kele jatqan Tuńǵysh Prezıdentke Qazaqstan halqy sheksiz rıza. Onyń Qazaqstan Respýblıkasyn gúldengen elge aınaldyryp, halqymyzdyń qasıet-qutyn barsha álemge tanytyp, elimizdegi ár azamattyń patrıottyq sezimin, ulttyq maqtanyshyn tereńdete túsý maqsatyndaǵy árbir qadamy, jańa bastamalary jarqyn bolashaqqa jeteleıdi. Álemdik órkenıetke týǵan halqyn adastyrmaı aparatyn dana tulǵa, dara azamat ár elge kerek. Sondyqtan qazaqstandyqtar N.Á.Nazarbaevty Elbasy dep bekerden-beker ardaqtap júrgen joq. Bul halqymyzdyń oǵan degen shynaıy qurmeti, sheksiz senimi. Bizde Elbasy bireý, biz oǵan qaı ýaqytta da súıeý bola bilýimiz kerek. Qazaqstan halqy Assambleıasy Keńesi músheleriniń Qazaqstan Respýblıkasy Prezı­dentin saılaýdy kezekten tys ótkizý týraly bastamasyn Jáńgir han atyndaǵy Batys Qazaqstan agrarlyq-tehnıkalyq ýnıversıtetiniń professor-oqy­tý­shylar quramy men stýdentteri tolyq qoldaıdy. Elbasyna senimdi el bolashaǵyna berilgen kepildik jáne oryndy da birden-bir durys sheshim sanaıdy. Menbolat TINÁLIEV, Jáńgir han atyndaǵy Batys Qazaqstan agrarlyq-tehnıkalyq ýnıversıtetiniń aǵa oqytýshysy. ORAL.

Eldiktiń tiregi – til

Jaqynda Almaty qalasyn­daǵy «Dos­tyq úıinde» Halyq­aralyq «Qazaq tili» qoǵamynyń alqa músheleri bas qosyp, barsha qazaqstandyqtardy tolǵandyryp otyrǵan búgingi tańnyń basty máselesi – prezıdenttik saılaý ótkizý bastamasyn talqylady. Qoǵam tóraǵasy, UǴA aka­de­mıgi О́mir­zaq Aıtbaıuly óz sózin­­­de Ulytaý tó­rinde El­ba­symyz Nursultan Ábishuly Na­zarbaevtyń ultymyzdyń tili men dini, mádenıeti men tarıhy týraly aıtqan ulaǵatty sózderin eske salyp, shırek ǵa­syrdan beri memlekettik tilimizdiń damý joldarynyń jetistikteri men kó­leńkeli tustaryn saraptaı kele, ana tilimizdiń birte-birte qarqyndaı damyp, memlekettiń basty uıystyrýshy ne­gizine aınalyp kele jatqanyn atap ótti. Odan keıin de sóz alǵan qoǵam qaırat­kerleri eldiktiń basty tiregi – til ekenin taǵy da bir naq­tylaı túsip, tatýlyq pen bir­liktiń arqasynda ekonomıkamyz ósip-órkendeýmen qatar, ulty­myzdyń rýhanı-mádenı túleýi de eseleı túsetinine senim bildirdi. Til janashyrlary Qazaqstan halqy Assambleıasy Keńesiniń kezekten tys prezıdenttik saılaý ótkizý týraly bas­tamasyn maquldap, munyń ýaqyt talaby ekenin atap kórsetti. Sharafaddın ÁMIROV, «Egemen Qazaqstan». ALMATY.

Qoǵamdy oıatatyn bastama

M.Áýezov atyndaǵy jalpy orta mektep ujymy kezekten tys prezıdenttik saılaý ótkizý jónindegi usynysty biraýyzdan qoldaıdy, muny halyq múddesine saı keletin eń durys sheshim dep sanaıdy. Elbasy Nursultan Nazar­baevtyń «Nurly Jol» Joldaýy elimizdi qazirgi daǵdarysqa uryndyrmaıtyn jaryq jol dep bilemiz. Qazaqstan Prezıdenti «Ár balanyń óz násibi bar», dep halyqtyq paıymǵa jańa uǵym berip, bizdiń kásibı qyzmet órisimizdi keńeıtti. «Bolashaqta eńbek etip, ómir súretinder – búgingi mektep oqýshylaryn muǵalimder qalaı tárbıelese, Qazaqstan sol deńgeıde bolady», dep Elbasymyz aıtqandaı, jappaı bilim men tárbıe jolynda, rýhanı-mádenı maıdanda aıanbaı eńbek etemiz. Osy oraıda, Qazaqstan halqy Assambleıasy Keńesiniń kezekten tys prezıdenttik saılaý ótkizýdi usynǵany quptarlyq jáıt. Bul bizdiń uzaq merzimdi «Qazaqstan-2050» Strategııasy men «Máńgilik El» ıdeıasynyń júzege asyrylýyn qamtamasyz ete otyryp, budan da qýatty, budan da tas túıin bola túsýimizge múmkindik beredi. Qysqasy, barlyq qazaqstandyqtardy Qazaqstan halqy Assambleıasy Kenesiniń úndeýin qoldaýǵa shaqyramyz. Bul qoǵamdy oıatty. Tyń serpin berdi. Aınur ÁLShERI, M.Áýezov orta mektebiniń muǵalimi. Ońtústik Qazaqstan oblysy, Otyrar aýdany.

Salıqaly saıasattyń nátıjesi

Men Qazaqstan halqy Assam­bleıasynyń músheleri Parlament Májilisindegi depýtattyq topqa, saıası partııalarǵa, úkimettik emes uıymdarǵa jáne búkil Qazaqstan halqyna el Prezıdentiniń saılaýyn kezekten tys ótkizýge bas­tama kóterý týraly úndeýin muqııat oqyp shyqtym. Assambleıa músheleriniń bul bastamasyn quptarlyq, qoldaýǵa laıyq bastama dep túsinemin. Shyn máninde qazirgi dúnıe­júzilik ekonomıkalyq daǵda­rystyń tusynda bir jylda, ıaǵnı 2016 jyly prezıdenttik jáne par­lamenttik qos birdeı saılaýdy qatar ótkizý memleketimizdiń bıýd­jetine aýyr salmaq túsiretini anyq. Sondyqtan el Prezıdentin saılaýdy bıyl, 2015 jyly ót­kiz­gen durys. Elimizdi sonaý­ 2007 jyldan bastaý alǵan álem­dik­ qar­jy daǵdarysyna, ót­ken jyl­­dyń­ sońyna qaraı munaı ba­ǵa­sy­nyń quldyraýyna qaramastan, damytyp qana qoımaı, onyń ishin­de áleýmettik salalarda qolǵa alyn­ǵan jumystardy arttyra túsýge baǵyt-baǵdar berip otyr­ǵan eli­mizdiń Prezıdenti Nursul­tan Ábish­uly Nazarbaevqa jańa pre­­zı­denttik mandat berý týraly má­se­le kóterilgeni oryndy dep bilemin. Álemdik ekonomıkalyq daǵda­rystyń jaqyn qalǵanyn sezgen Elbasy onyń aldyn alyp, 2014 jyldyń aıaqtalýyn kútpeı-aq «Nurly Jol – bolashaqqa bas­tar jol» atty Joldaýyn halyq­qa jarııalady. Bul Joldaýda ult­tyq qordan qomaqty qarjy bó­linip, ınfraqurylym salasy­ qolǵa alynatyndyǵy, sóıtip, álem­dik daǵdarys tusyn­da halqymyz turaqty jumystarmen qamtylatyndyǵy týraly naqty kórsetilgen. Mundaǵy aıtpaǵym, osyndaı qıyn-qystaý kúrdeli ke­zeńde, halqyna tuıyqtan shyǵýdyń jolyn nusqap, bolashaqtyń baǵdar shamyn izdestirýmen júrgen Elbasy Nursultan Ábishulynyń qasyna toptasyp, onyń júrgizip otyrǵan ishki, syrtqy saıasatyn qoldaýymyz qajet dep túsinemin. Elimizdiń qazirgi ahýalyna qarap shúkirshilik etemin. Elimiz aman, jurtymyz tynysh jaǵdaıda ómir súrýdemiz. Jumys isteımin, kásipkerlikpen aınalysamyn de­genderge memleket tarapynan qoldaý kórsetilip, qarjysy joq­tarǵa nesıeler berilip jatyr. Osynyń nátıjesinde jumysyn dóńgeletip, óziniń turmys-jaǵ­daılaryn jaqsartyp júrgen azamattar kóptep sanalady. Al zeınet jasyndaǵy biz sııaqtylar, múmkindigi shekteýli adamdar, memlekettik qyzmettiń basy-qasynda júrgen azamattar, ustazdar men dárigerler ózderiniń eńbekaqylary men zeınetaqyla­ryn ýaqtyly alyp otyrýymyz mem­leketimizdiń irgetasynyń myq­tylyǵy, Prezıdentimiz Nur­sultan Nazarbaevtyń júrgizip otyr­ǵan salıqaly saıasatynyń durys­tyǵynyń nátıjesi der edim. Sondyqtan men Qazaqstan halqy Assam­bleıasynyń músheleri usyn­ǵan prezıdenttik saılaýdy kezekten tys, ıaǵnı bıyl ótkizý týraly bastamasyn bar yqyla­symmen qoldaıtynymdy bildi­remin. Osyǵan otandastarymdy da shaqyramyn. Bekturǵan JAMBABAEV, ardager jýrnalıst. Jambyl oblysy, Merki aýdany. Qazaqstan halqy Assambleıasy Keńesiniń ústimizdegi jyly kezekten tys prezıdenttik saılaý ótkizý týraly bastamasy jurtshylyq tarapynan qyzý talqylaný ústinde. Belsendi pikirtalastarǵa qaraǵanda, bul úderis jalpyhalyqtyq qoldaýǵa ıe bolyp otyr. Túrli mamandyq ıeleri – kásiporyn jumysshylary men aýyl eńbekkerleri, muǵalimder men joǵary oqý oryndarynyń oqytýshylary, ǵylymı qoǵamdastyq jáne úshinshi sektor ókilderi, kásipkerler men túrli saıası partııalar músheleri, qysqasy, barsha halyq saılaý ótkizýdi qoldaý týraly ózderiniń pikirlerin bildirip jatyr. Qazaqstandyqtardyń bul ustanymdarynan qoǵamdaǵy turaqtylyq pen kelisim ǵana elimizdi jańa bıikterge bastaıdy degen oı anyq ańǵarylady. Nurıddın KAIýMOV, Tájikstan Respýblıkasy Ǵy­­­­lym akademııasynyń akademıgi, eko­nomıka ǵylymdarynyń doktory: – Búginde álemde qarjy-ekono­mıkalyq daǵdarystyń jańa tolqyny keńinen tarap keledi. Jaǵdaı geo­saıa­sı qysymdarmen de aıtarlyqtaı kúrdelene túsýde. Osy oraıda, tipti, damyǵan elderdiń ózinde kseno­fobııa, dinı tózimsizdik, radıkaldy qozǵalystar ósip otyr. Sondyqtan Qazaqstan halqy Assambleıasynyń Keńesi jarııalaǵan 2015 jyly prezıdenttik saılaý ótkizý týraly bastamasy ýaqtyly jáne oryndy sheshim bolyp tabylady. Qazaqstanda prezıdenttik saılaý ótkizý buǵan deıin belgilengen baǵdarlamalardy júzege asyrýǵa múmkindik berip, el ekonomıkasynyń ósimin odan ári qamtamasyz etetin bolady. Munyń shetel ınvestısııalary úshin de úlken kepildik atqaratyny kúmánsiz. Sonymen qatar, Ortalyq Azııa elderiniń óńirlik yntymaqtastyǵyna da oń yqpal etetin bolady. Sáýirbaı ESJANOV, «Astanaenergoservıs» AQ basqarmasynyń tóraǵasy: – Qazaqstan halqy Assambleıasy Keńesiniń kezekten tys prezıdenttik saılaý ótkizý týraly bastamasy negizsiz emes. Álemde baıqalyp otyrǵan qazirgi kúrdeli jaǵdaı Qazaqstanǵa Memleket basshysy nusqaǵan baǵyttan taımaǵan jaǵdaıda ǵana tıimdi damý múmkindigin beretini aqıqat. Sonymen qatar, qalyptasqan jaǵdaıda ǵana Qazaqstan ósip-órkendep, eldegi turaqtylyq pen kelisimdi tolyq kóleminde saqtaı alady dep bilemin. Al bizdiń kásiporynǵa keletin bolsaq, ol Astanadaǵy kommýnaldyq qyzmet kórsetýde úlken basymdyqqa ıe. Holdıng tabystarynyń mańyzdy qyrynyń biri el Prezıdenti Nursultan Nazarbaevtyń qoldaýy desem, esh artyq aıtqandyq emes. Bul qoldaý ujymymyzdy tek tıimdi jumysqa ǵana yntalandyryp qoımaı, áleýmettik mindettemelerin oryndaýǵa da alǵyshart jasap otyr. Vladımır TOLOKONNIKOV, Qazaqstan orys qoǵamynyń Qyzylorda oblystyq fılıa­ly­nyń dırektory: Qazirgi tańda Qazaqstan – post­keńestik keńistiktegi eń turaqty jáne ornyqty damyp kele jat­­qan res­pýblıka. Biz qalyptasqan naryqtyq ekonomıka quryp, ju­myssyzdyqtyń eń tómengi deńgeıine qol jetkizdik jáne azamattarymyz ómiriniń sapasyn joǵarylata otyryp, áleýmettik salada aıtarlyqtaı bıikterdi eńserdik. Qazaqstan tabystarynyń negizinde Elbasy Nursultan Nazarbaevtyń dana da sara saıasaty jatyr. Mundaǵy eń bas­ty bazısterdiń biri – ulttar dostyǵy men qoǵamdyq kelisim. Osynyń arqasynda elimizde turyp jatqan 130-dan astam ulttar men ulystar Qazaqstandy ózderiniń ortaq Otany sanaıdy. Men kezekten tys prezıdenttik saılaý ótkizý týraly bastama kótergen Qazaqstan halqy Assambleıasynyń Keńesine de úlken rızashylyǵymdy bildiremin. Orys qoǵamynyń Qazaqstandaǵy fılıaly bul usynysty biraýyzdan qoldaıdy. Bekbolat TILEÝHAN, Ulttyq sport túrleri qaýym­das­tyǵynyń prezıdenti: – Qazaqstan Respýblıkasynyń Ulttyq sport túrleri qaýymdastyǵy Qazaqstan halqy Assambleıasy Keńe­siniń kezekten tys prezı­­dent­tik saılaý ótkizý týraly bastamasyn jan-jaqty qoldaıdy. Buǵan naqty se­­bepter bar. Birinshi kezekte bul el­de birlik pen turaqtylyqty qam­ta­­­­masyz etip, Otanymyzdy dáıek­ti­lik­­­pen damytýǵa baǵyttalǵan jumystardy jalǵastyrý úshin qajet. Ulttyq sport túrleri elimizde jaqsy damyp keledi. Buǵan bir ǵana mysal keltireıin. 2014 jyly Túrkistanda ótken álem chempıonatyna Qazaqstannyń barlyq 14 oblysynan, sondaı-aq, Astana men Almatydan qurama komandalar tolyq quramynda qatysty. Bul neni bildiredi? Bul jer-jerlerde dástúrlerimizdi jalǵastyrýǵa jan-jaqty nazar aýdarylyp kele jatqanyn bildiredi. Atap kórsetetin bir jaıt, munda Memleket basshysynyń orasan zor róli bar. Álııa SALIEVA, kásipker, Batys Qazaqstan oblysy: – Prezıdenttik saılaý – búgin­de eń kóp talqylanyp jatqan taqy­ryptardyń biri. Osy usynystyń paıda­syna kóptegen dálel-dáıekter kel­tirýge bolady. Elimiz álemdik qoǵam­dastyqta aıtarlyqtaı joǵary bedel alyp úlgerdi. Onyń ústine, óziniń erekshe damý jolynyń durys­ty­ǵyn árkez aıǵaqtap keledi. Bul – barlyq qazaqstandyqtardyń, birinshi kezekte, halyqty jalpy­ulttyq ıdeıa tóńireginde toptastyra bilgen Prezıdenttiń eńbeginiń nátıjesi. Bıznes-qoǵamdastyqtyń kez kelgen ókili turaqtylyq pen kelisim jaǵdaıynda ǵana tabysty damýǵa qol jetkizýge bolatynyn jaqsy biledi. Otanymyzdaǵy tatýlyqtyń arqasynda qazaqstandyqtar, tipti, táýelsizdiktiń eleń-alańyndaǵy eń qıyn kezderdiń ózinde oǵan tótep berip qana qoımaı, ekonomıkalyq ósimge de berik irgetas qalady. Sondyqtan da QHA Keńesiniń kezekten tys prezıdenttik saılaý ótkizý týraly bastamasy jan-jaqty qoldaý taýyp otyr. Tımýr NAQYPBEKOV, Ońtústik Qazaqstan oblys­tyq kásipkerler palatasy depar­tamentiniń jetekshisi: – Qazaqstannyń álemdik eko­no­mıkadaǵy kúrdeli jaǵdaılardy eń­serýine «Nurly Jol» Jańa Ekonomıkalyq Saıasaty járdem­­desedi. Qazirgi tańda basty maqsaty shıkizattyq ekonomıkadan ketý bolyp tabylatyn ındýstrııalandyrýdyń ekinshi besjyldyǵyn júzege asyrý qatarlasa júrýde. Osy memlekettik baǵdarlamalardy tabysty júzege asyrý úshin Prezıdenttiń jeke baqylaýy men qatysýy aýadaı qajet. О́ıtkeni, olardyń bastamashysy da Elbasynyń ózi bolyp tabylady. Bıznes jaqsy damý úshin turaqty ekonomıkalyq baǵyt pen saıası kepildik qajet. Kóptegen damýshy elderde prezıdenttik saılaýlardyń aldynda ınvestorlar ádette qandaı da bir merzimge taım-aýt alady. Sebebi, eldegi saıası ahýal qaı jaqqa qaraı burylatynyn bil­meıdi. Ústimizdegi jyly saılaý ótkizý ınvestorlarǵa odan ári senimdi túrde jumystaryn jalǵastyrýǵa múmkindik beredi. Rýben ANDRIASIаN, Qazaqstannyń halyq ártisi, Mem­­­­­­­lekettik syılyqtyń laýreaty:­ – Qazirgi kezde álemdegi saıası jaǵ­daı turaqsyz ekendigin kórip otyrmyz. Álemdik daǵdarys óziniń shyńyna qaraı jaqyndap qaldy. Biz daǵdarys kórinisterin qalaı eńserýdi oılastyryp jatyrmyz. Al bizdi asaý tasqynnan Prezıdent N.Á.Nazarbaev bolmasa, kim alyp ótedi? Men eldegi barlyq etnostar ókildik etetin Assam­bleıanyń ­bas­­­­­­­tamasyn tolyq qoldaımyn. О́zgelerdi de qoldaýǵa shaqyramyn. Bizdiń bárimiz el bolyp birigip, alda turǵan birinshi kezektegi mindetterdi sheshýge kirisýimiz kerek. Bul tek saılaý ǵana emes, onda halyq pen ulttyń taǵdyry sheshiletin bolady. Memleket basshysyna senim mandatyn berý halyqaralyq saıasattyń eń bir kúrdeli kezeńinde judyryqtaı jumylýdyń jalǵyz joly bolatyny kúmánsiz. Jeksenbek ÁDILOV, Q.Sátbaev atyndaǵy Qazaq ult­tyq tehnıkalyq ýnıver­sıte­tiniń rektory, Qazaqstan Respýb­lıkasy Ulttyq ǵylym akademııasynyń akademıgi: – Qazaqstan Respýblıkasy Prezıdentiniń basshylyǵymen elimiz naǵyz naryqtyq ekonomıkaly egemen memleket bola otyryp, úlken tabystarǵa qol jetkizdi. Sondyqtan Nursultan Nazarbaevtyń júıeli qaıta jańǵyrtýlardy jalǵastyrǵany bizdiń ortaq múddemizben sáıkes keletinin túsinýimiz qajet. Osymen baılanysty, QazUTÝ-diń san myńdaǵan ujymy ǵylymı keńestiń keńeıtilgen májilisinde Qazaqstan halqy Assambleıasynyń Keńesi men «Nur Otan» partııasynyń kezekten tys prezıdenttik saılaý ótkizý týraly bastamasyna tutastaı qoldaý bildirdi. Elimizdegi ındýstrııalandyrý úderisterin qamtamasyz etý úshin údemeli ındýstrııalyq-ınnovasııalyq damý baǵdarlamasy aıasynda bilikti maman-kadrlar daıyndaýǵa 10 tehnıkalyq JOO iriktep alynǵany belgili. Olardyń arasynda bizdiń ýnıversıtet te bar. QazUTÝ ujymy alǵa qoıylǵan mindetter údesinen shyǵýǵa bar kúsh-jigerin jumsaıtyn bolady. Iýrıı SHAI, Qazaqstan boks federa­sııa­sy­nyń vıse-prezıdenti: – Sońǵy 20 jylda Qazaqstanda sportty damytý úshin kóp jumys jasaldy. Bizdiń Kók baıraǵymyz otandyq sportshylardyń olımpıadalarda, álemdik birinshilikterde qol jetkizgen tabystaryna oraı barǵan saıyn jıi-jıi kóteriletin boldy. Buǵan qosa, elimiz iri halyqaralyq jarystar ótkizetin orynǵa da aınala bastady. Bolashaqta da osylaı bolýy tıis dep oılaımyn. Bul úshin barshamyz el basshylyǵyn qoldaýǵa tıispiz. Bul Qazaqstan baǵyty burynǵysynsha turaqty, jeńisterge bet burǵan qalpynda qalýy úshin kerek. Bizdiń boksshylarymyz álemde jetekshi orynǵa senimdi turaqtaǵan. Qazaqstan boksy qazirgi tańda búkil álem tanıtyn brendke aınalyp otyr. Bizde qashanda áleýet joǵary, ıaǵnı talantty sportshylar kóp. Sońǵy jyldary ol Mem­le­ket basshysynyń sportty damytýǵa jan-jaqty qoldaý kórsetýi­niń arqasynda burynǵydan da tabysty damı tústi. Qysqasy, biz jańa bıikterdi baǵyndyrdyq, alda kezekti shyńdar tur. Roza KÁRIBJANOVA, «Ǵylym ordasy» respýb­­lı­kalyq memlekettik kásiporynnyń bas dırektory: – «Dana memleket myńdaǵan jyl ómir súredi», degen jaqsy támsil bar. Mundaı tabystyń irgetasy damýdyń tereńnen oılastyrylǵan strategııasy ekeni túsinikti. Naq osyn­daı strategııa Qazaqstanda Prezı­dent Nursultan Nazarbaevtyń basshy­lyǵymen jasalyp otyr. Halyq­aralyq sarapshylar búginde tarıhı qysqa merzimde álemdegi asa damyǵan 50 memlekettiń qatarynan oıyp turyp oryn ala alǵan elimizdiń tamasha transformasııasyn oqyp-úırenýde. Elbasy Nursultan Nazarbaevtyń elimizdi dáıekti ilgeriletýiniń algorıtmi «Qazaqstan-2050» Strategııasynda naqty kórinis tapqan. Bul Qazaqstandy ósip-órkendetýge aparatyn jol bolyp tabylady. Bul maqsat qashanda bizdiń ata-babalarymyzdyń basyn biriktirip kelse, qazirgi kezde de Elbasynyń basshylyǵymen osy baǵytty betke alyp júrip kelemiz. Otanymyzdyń bolashaq damýyn da Nursultan Ábishulynyń atymen tikeleı baılanystyramyz. Zarema ShÁÝKENOVA, Ǵylym jáne bilim mınıstrligi Ǵylym komıtetiniń Fılosofııa, saıasattaný jáne dintaný ınstıtý­tynyń dırektory, «Nur Otan» partııasy Almaty fılıaly saıası keńesiniń múshesi: – «Nurly Jol» Jańa Ekonomı­kalyq Saıasaty, sondaı-aq, «Qazaq­stan-2050» Strategııasy – qalyp­tasqan memlekettiń jańa saıası baǵyty» kem degende daǵdarystan keıingi dúnıeniń kontýrlaryn aıqyndap beretindeı. Bul arada men bizderge, barlyq qazaqstandyqtarǵa, balalarymyz ben nemerelerimizge qatysty aıtyp turmyn. Osylaısha Elbasy eshkimde de joq dep aıtsaq qatelespeıtin naqty is-qımyl baǵdarlamasyn belgiledi. Sondyqtan bizge Memleket basshysyna buǵan deıin de talaı márte jasaǵanymyzdaı, senim kórsetip, árkim óz ornynda barynsha kómekteskeni jón. Búgingideı aýmaly-tókpeli zamanda osy kúnge deıin senim údesinen shyǵyp kele jatqan Elbasyna senbegende, kimge senemiz? Biz tarıhı ádilettilik pen ýaqyt baılanysyn qalpyna keltirip, halqymyzdy tatý-tátti tirlikke bastaı bilgen Nursultan Nazarbaevpen birge egemen Qazaqstandy ári qaraı kúsheıtýdi jalǵastyraıyq degim keledi. Anastasııa LÝShPEI, Aqtóbe belgi berý jáne baılanys dıstansııasynyń mehanıgi: – Qazaqstan halqy Assa­mbleıa­sy Keńesiniń bastamasy týraly ótken demalys kúnderi ǵalamtordan oqyp bildim. Bastamashy top Elbasyna senim man­datyn bildirý arqyly álemdik damý­dyń jańa kezeńinde halqymyz­dy biriktirip, memleketti damytý­da­ǵy mańyzdy máselelerge den qoıýǵa múm­kindik ­alamyz dep habarlady. Assam­bleıa ókilde­ri «Nurly Jol – bolashaqqa bastar jol» baǵdarlamasyn jáne «Qazaqstan-2050» uzaq merzimdi Strategııasyn júzege asyrý úshin bar kúsh-jigerimizdi biriktirý kerek degen usynys aıtady. Meniń oıym da osyǵan saıady. Elimizdiń saıası ómirinde nen­deı ózgerister bolsa da, tek optımıstik kózqarastamyn. О́ıt­keni, barlyǵy qarapaıym halyq ıgiligi úshin jasalyp jatyr dep oılaımyn.