PETROPAVL. 13 mamyr. M. Qozybaev atyndaǵy Soltústik Qazaqstan memlekettik ýnıversıtetiniń professory V.Polıakov terek búrshikterinen dári-dármek shyǵarýmen kópten beri aınalysyp keledi. Osy joly oılap tapqan emdik preparattar adam aǵzasyna óte paıdalylyǵymen erekshelenip otyr. Bul týraly ýnıversıtettiń «Parasat» baspasóz ortalyǵy habarlady.
Hımııa ǵylymdarynyń doktorynyń aıtýynsha, Qyzyljar óńirinde ósetin terek búrshikteri negizinde jasalǵan 8 biregeı emdik preparattar sýyq tıgende, kúıik shalǵanda taptyrmaıtyn birden-bir dárý kórinedi. Sondaı-aq, stomatologııada, týberkýlezge qarsy keńinen qoldanýǵa bolady. Osyndaı emdik preparattardy paıdalanýdyń arqasynda 50-ge jýyq naýqas densaýlyǵyn ońaltypty.
«Efır maıy Almatydaǵy týberkýlez ortalyǵy bazasynda ábden zerttelindi. Tamaq býlaý kezinde bul maı týberkýlezdiń mıkrobakterııalaryna áser etip, aýrýdy 2 aıda saýyqtyrady. Basty ózgesheligi sol, ókpedegi jaralar qulan-taza jazylyp shyǵady», deıdi SQMÝ professory Vladılen Polıakov.
Búginde «Qyzyl maı» fırmasymen birlesip jasalǵan preparattardyń patentteri bar. Alaıda medısına salasynda keńinen qoldanýǵa qarajat jaǵy qıyndyq keltirip otyr.
О́mir Esqalı.
Derek: M.Qozybaev atyndaǵy Soltústik Qazaqstan memlekettik ýnıversıteti.
Sýret: egemen.kz