Taıqazan –  Tór Altaıda

Shyǵysqazaqstandyqtar «Qa­zaq­stan halqy Assambleıasy – 20 izgi is» estafetasyn zor qoshe­met­pen qarsy aldy. Oblys ortaly­ǵyna kireberiste qasqaıyp turǵan Qarakereı Qabanbaı batyrdyń ótken jyly ashylǵan záýlim eskert­kishiniń janynda elimizdiń Kók baı­raǵy men Qazaqstan halqy As­sam­bleıasynyń jáne Assam­bleıa jylynyń týlary jelbi­re­gen avtokólik kerýeni atalǵan es­ta­fetanyń basty nyshany – «Taı­qazandy» tóbelerine kótere engende shyǵys óńiriniń aq jaýlyqty ájeleri shashý shashyp, jergilikti ónerpazdar asqaqtata án shyrqap, kúmbirlete kúı shertip, aıryqsha saltanatpen kútip alysty. Budan keıin estafeta músheleri О́skemenniń ortalyq alańyndaǵy Abaı eskertkishine taǵzym etip, gúl shoqtaryn qoıdy. Oblys orta­lyǵynda «Taıqazandy» óńir basshylary, etnomádenı birles­tik­terdiń ókilderi men qala jurt­shylyǵy qarsy aldy. «Subaru club ukg» avtokólik tizbe­gi ári qaraı ózderiniń Uly Otan so­ǵy­sy­nyń ardagerlerine arnalǵan mate­rıaldyq kómekterin jetkizdi. Sodan soń «Dostyq úıinde» bas­pa­sóz ókilderimen kezdesip, máslıhat qurdy. Taıqazan – toqshylyqtyń, be­reke-birliktiń nyshany. Taı­qazannyń kóshirmesi aqpan aıynyń basynda elimizdegi tatýlyq pen kelisimniń kórinisi retinde qasıetti Túrkistannan elordaǵa jetkizilgen bolatyn. Astanadan bastalǵan avtokólik kerýeni Taıqazandy elimizdiń barlyq oblystarymen alyp ótpek. Osyǵan deıin birneshe óńirlerdi aralap úlgergen Taıqazannyń ishin otandastarymyz túrli qaıyrymdylyq ıdeıalary men josparlary jazylǵan jazbalarǵa toltyrady. Bul bastamalar bıylǵy Assambleıa jyly aıasynda júzege asyrylmaq. – Shyǵys Qazaqstan oblysynyń turǵyndary «Taıqazan» estafetasyn qarsy aldy. Ultymyz úshin qasıeti bólek jádiger aldymen Semeı shaharyna jetkizilgen bolatyn. Endi, mine, óskemendik turǵyndar da asyǵa kútken estafetamen qaýyshyp, Taıqazandy kórý baqytyna ıe boldy. Bul jádiger oblys ortalyǵynda biraz kún bolady. Shyǵysqazaqstandyqtar qasıetti jádigerdiń óńirimizge kelýin jaqsylyqqa balap otyr, – dedi oblystaǵy Qazaqstan halqy Assambleıasy hatshylyǵynyń jetekshisi Erkimbek Aıazbaev. Izgi tilekterge toly «Taıqazan» estafetasy kelesi kezekte Almaty qalasyna jetkiziletin bolady. Dýman ANASh, «Egemen Qazaqstan». О́SKEMEN.