ALMATY. 26 maýsym. Alataý aýdanynyń Raıymbek kóshesine ornalasqan «Jibek Joly» bazaryndaǵy atystyń mán-jaıy anyqtaldy. Bul týraly tengrinews.kz habarlady.
Tergeý barysynda Shyǵys-Qazaqstan oblysynyń eki azamaty almatylyq kásipkerge qarýly shabýyl jasamaq bolǵany aıǵaqtaldy. Kúdiktiler mingen avtomobıl dittegen jerine bet alǵan tusta olardyń aldynan polısııa qyzmetkerleri shyǵyp, tosqaýyl qoıady. Alaıda, kúdiktiler izin jasyrý maqsatymen polıseılerge qarsy oq atqan. Qalalyq ishki ister departamenti osyndaı málimet taratty.
«Arlan» toby aralasqan shuǵyl operasııa kezinde Shyǵys Qazaqstan oblysy Aqsýat aýdanynyń 45 jasar turǵyny tutqyndaldy. Al ekinshi kúdikti polısııaǵa qarsylyq kórsetip, atys kezinde oqqa ushty. Tártip saqshylary qylmysty toptyń kóliginen karabın, revolver, travmatıkalyq pıstolet tapty. Qarý-jaraq saraptaý ortalyǵyna jiberildi.
Talǵat Súıinbaı.
Derek, sýret: tengrinews.kz.