Q.Jubanov atyndaǵy Aqtóbe óńirlik memlekettik ýnıversıtetiniń ǵylymı kitaphanasynda «Qazaq ádebıetindegi handyq dáýir kezeńi» atty Qazaq handyǵynyń qurylýynyń 550 jyldyq mereıtoıyna arnalǵan ádebı-tanymdyq kesh ótkizildi. Ony osy joǵary oqý ornynyń fılologııa fakýlteti qazaq ádebıeti kafedrasy uıymdastyrdy. Bul týraly egemen.kz tilshisi habarlady.
Sharaǵa qalanyń zııaly qaýym ókilderi, ǵalymdar, ustazdar, magıstranttar men stýdentter, úzdik oqýshylar qatysty. – Qazaq halqynyń ádebıeti men tarıhy qashannan da egiz uǵym. Ýnıversıtettiń qazaq ádebıeti kafedrasy byltyrdan beri «Ulttyq ádebıet dáristeri» degen taqyrypta leksııalyq kýrstardy bastady.
Bul tek stýdentterge ǵana emes, jalpy qala jastaryna, jergilikti turǵyndarǵa arnalǵan dáris. Mundaı leksııalyq kýrs aıyna bir ret ótkiziledi. Endi sol ǵylymı-kópshilik dáristerdi kafedranyń oqytýshy - ǵalymdary handyq dáýirdiń qazaq ádebıetindegi kórinisterimen baılanystyryp oqıtyn bolady, – deıdi fılologııa ǵylymdarynyń doktory, professor Abat Pangereev. Ádebı-tanymdyq kesh barysynda qazaq ádebıeti kafedrasynyń professory Baıan Borashtyń «Qazaq ádebıetindegi handyq dáýir kezeńiniń beınelenýi» taqyrybynda dárisi tyńdaldy.
Professor óz dárisinde «Máńgilik El» ıdeıasynyń teorııalyq negizderine toqtaldy. Qazaq ádebıetindegi handyq dáýir kezeńine baılanysty oqylǵan dáriske ınterpretasııalyq taldaý jasaldy. Buǵan deıin qazaq ádebıeti kafedrasy ujymy Qazaq handyǵynyń qurylýynyń 550 jyldyq mereıtoıyna oraı qaladaǵy birqatar arnaýly oqý oryndary men mektep oqýshylary arasynda shyǵarmashylyq baıqaý jarııalaǵan bolatyn. Taqyrypqa baılanysty avtorlyq týyndylar jınaqtalyp, ishinen tańdaýlylary iriktelgen.
Ádebı-tanymdyq kesh aıasynda baıqaý jeńimpazdary marapattaldy. Ádebı-tanymdyq keshtiń joǵary deńgeıde ótýine yqpal etip, belsendilik tanytqan qaladaǵy birqatar mektepterdiń ustazdary men kolledj oqytýshylary da nazardan tys qalmady. Keshke qatysýshylar handyq dáýirge baılanysty jazylǵan ǵylymı-tanymdyq eńbekterdiń kórmesin tamashalady.
Satybaldy Sáýirbaı.
Derek: egemen.kz. Sýret: szh.kz.