О́SKEMEN. 26 aqpan. Ońtústik Qazaqstan oblysynyń qurmetti azamaty K.Túlemetovany eske alýǵa arnalǵan halyqaralyq týrnırde shyǵysqazaqstandyq voleıbolshylar 1 orynǵa ıe boldy. Bul týraly egemen.kz tilshisi habarlady.
Aǵymdaǵy jyldyń 18-21 aqpan aralyǵynda Shymkent qalasynda ótken básekege elimizdiń barlyq oblysy men Astana jáne Almaty qalalarynyń komandalary qatysqan bolatyn.
1998-1999 jyldary týǵan jasóspirimder arasynda ótken jarys nátıjesinde Shyǵys Qazaqstan oblysynyń qurama komandasy úzdik nátıje kórsetip, 1 oryndy jeńip aldy. Al 2 orynǵa jarys ıeleri, 3 orynǵa Astana qalasynyń voleıbolshylary, 4 orynǵa Taldyqorǵan qalasynyń oıynshylary turaqtady.
«Osy oraıda oblys quramasynyń ókilderi men jattyqtyrýshylary qataryndaǵy Shyǵys Qazaqstan gýmanıtarlyq kolledjiniń dırektory N.Asketaev, bólim meńgerýshisi B.Daýmov, deneshynyqtyrý pániniń oqytýshysy S.Bekbosynovtyń óńir voleıbolyn damytýǵa qosqan úlesi men eńbegin atap ótken oryndy», – deıdi oblystyq bilim basqarmasynyń baspasóz qyzmeti.
Dýman Anash.
Derek: egemen.kz.
Sýret: ShQO bilim basqarmasynyń baspasóz qyzmeti.