ASTANA. 27 naýryz. Kásipqoı bokstan WBA (Super), WBC (Interim) jáne IBO tujyrymdary boıynsha álem chempıony Gennadıı Golovkın NBC Sports radıosyna suhbat berdi. Áńgime barysynda ol Vıllı Monromen bolatyn jekpe-jek týraly jáne bolashaqtaǵy qarsylastary jaıynda aıtty. Bul týraly boksshynyń Vkontakte áleýmettik jelisindegi resmı toby habarlady.
«Men qarsylastarymdy ártúrli ádis-tásilmen uryp qulatqym keledi. 12 raýndtyq jekpe-jek ótkizsem, tipti qyzyq bolar edi. Monro týraly aıtar bolsam, ol osyǵan deıingi qarsylastarymnyń ishindegi tásili ózgeshe boksshy. Sondyqtan 16 mamyrda bokssúıer qaýym tamasha shoýdyń kýási bolaryna senimim mol», – dedi boksshy.
Sondaı-aq, ol Monrodan keıin Mıgel Kottomen kezdesý úshin áreket etetinin tilge tıek etti. Sóziniń sońynda otandasymyz amerıkalyq Floıd Meıvezermen judyryqtasqysy keletinin taǵy bir aıtyp ótti. Bul jóninde Golovkın: «Qazir Floıdqa qarsy sharshy alańǵa shyǵý arman bolyp tur. Onymen kezdesý úshin jeńil salmaqqa ótýge de daıynmyn», – dedi.
Aıta keteıik, 16 mamyrda Gennadıı Golovkın kezekti ret chempıondyq ataǵyn qorǵaý úshin Vıllı Monromen aıqasqa túsedi. Bul jekpe-jekti HBO telearnasy tikeleı efırde kórsetýdi josparlaýda.
Elaman Qońyr.
Derek: Vkontakte.
Sýret: boxingplanet.ru.