ASTANA. 27 naýryz. Aty álemge áıgili qylqalam sheberi Pablo Pıkassonyń «Aljır áıelderi (Versııa «O»)» degen kartınasy saýdaǵa shyǵaryldy. Bul týraly Bloomberg habarlady.
Polotno 140 mln. dollarǵa baǵalanyp otyr. Eger satyp alýshysy tabylsa, ol tarıhtaǵy eń qymbat baǵaǵa satylǵan óner týyndysy bolǵaly tur.
1955 jyly salynǵan kartına bıylǵy 11 mamyrǵa belgilengen «Alǵa qaraı, ótkenge kózqaras» degen aýksıonnyń sheńberinde saýdaǵa túsetin bolady. Ol munyń aldynda 1997 jyly Vıktor jáne Sallı Gansterdiń jeke kolleksııalaryn satý aıasynda aýksıonǵa qoıylǵan bolatyn. Ol kezde týyndynyń baǵasy 31,9 mln. dollardy qurady. Al erli-zaıypty Ganster ony 1956 jyly sýretshiniń ózinen 212,5 myń dollarǵa satyp alǵan eken.
Sýretshi Ejen Delakrýanyń týyndysymen attas bul kartınada kýrtızankalardyń (jeńil júristi áıelderdiń) bir toby beınelengen. Pıkasso ony Delakrýanyń «Arab áıelderi» ommajyna uqsastyryp dál osyndaı on bes versııa jasaǵan. Olardyń árbiri alfavıttiń A árpinen O-syna deıin jeke-jeke belgilenip salynǵan.
Murat Aıtqoja.
Mánbe, sýret: Bloomberg.