Elbasy Jambyl oblysyna sapary barysynda Taraz hımııa-tehnologııa kolledjinde boldy. Bul týraly akorda.kz habarlady.
Qazaqstan Prezıdenti onda óńirdegi bilim berý salasyn damytý baǵdarlamasynyń júzege asyrylý barysymen tanysty. Sondaı-aq, Memleket basshysy bilim ordasyndaǵy oqytýshylar quramymen jáne stýdentterimen áńgimelesti. Nursultan Nazarbaev tehnologııalar men óńdeýshi salalar esebinen damyp kele jatqan Eýropa men Azııanyń jetekshi memleketteri úlgisimen elimizde balamaly ekonomıka qurýdyń mańyzdylyǵyn atap ótti. «Indýstrııalandyrý baǵdarlamasyn oryndaýdyń alǵashqy bes jylynda 770-teı kásiporyn salyndy. Tek osy jyldyń ózinde 75 nysan iske qosyldy. Innovasııalyq tehnologııalardy damytýǵa arnaıy kóńil bólinetin bolady. Osy kolledj bazasynda qýatty tehnıkalyq klaster damyp keledi. Elimizge ken óndirý kásiporyndarynda da, óńdeý kásiporyndarynda da jumys isteı alatyn hımık-ınjenerler, bilikti mamandar kerek. Qajetti mamandyqqa ıe bolǵan túlekter Qazaqstannyń barlyq jerinde jumys isteı alady», – dedi Nursultan Nazarbaev. Kolledjde 12 mamandyq boıynsha kadrlar daıarlanady. Odan bólek, munda hımııa óndirisi salasynda ashylyp jatqan óndirister úshin qyzmetkerlerdi qaıta daıarlyqtan ótkizý jáne biliktilikterin arttyrý isi júzege asyrylady. Oqý orny 600 adamǵa laıyqtalǵan jáne zamanaýı materıaldyq-tehnıkalyq bazamen jabdyqtalǵan. Kolledj ınfraqurylymy oqý sheberhanalaryn, zerthana bólmelerin, kompıýter synyptaryn, mýltımedııa jáne lıngafon kabınetterin, kompıýter zaly bar kitaphanany, sondaı-aq, 200 oryndyq jataqhanany qamtıdy.
Elaman Qońyr.
Derek: akorda.kz. Sýret: odnoklassniki.ru.