ASTANA. 27 naýryz. Memleket basshysy Jambyl oblysyna sapary barysynda kardıohırýrgııa jáne transplantologııa ǵylymı-klınıkalyq ortalyǵynda boldy. Bul týraly akorda.kz habarlady.
Elbasy mekemeniń jumysymen tanysyp, qyzmetkerlerimen áńgimelesti. Ortalyqtyń jańa ǵımaraty osy mekemeniń óz qarajatyna bes jyl ishinde turǵyzyldy. Ǵylymı-klınıkalyq ortalyqtyń 7 bólimshesi, ota jasaıtyn bólmeleri, zamanaýı qurylǵylarmen jabdyqtalǵan jan saqtaý bólimi jáne jaıly palatalary bar. Munda júrekke jasalatyn otanyń barlyq túrin qamtıtyn keń aýqymdy qyzmet kórsetiledi. Bul mekeme sondaı-aq, eldegi kóptegen medısınalyq oqý oryndary úshin kardıohırýrgııa, kardıoanestezıologııa jáne jan saqtaý salalary boıynsha mamandar daıarlaýǵa arnalǵan klınıkalyq baza qyzmetin atqarady.
Jambyl oblysynyń turǵyndary úshin 2013 jyldan beri tegin medısınalyq kómek kórsetiledi. О́zge óńirlerdiń turǵyndary tegin kómekti gospıtaldaý bıýrosynyń portaly arqyly alýyna bolady. Búginde konsýltatıvtik-emdik kómek alý úshin azamattar eldiń basqa óńirlerinen, sondaı-aq, О́zbekstan men Qyrǵyzstannan kelip, osy ortalyq qyzmetine júginýde.
Elaman Qońyr.
Derek: akorda.kz.
Sýret: ztgzt.kz.