Qazaqstanda azamattar óz zeınetaqy jınaqtarynyń bir bóligin jeke ınvestısııalyq kompanııalardyń basqarýyna berý múmkindigine ıe. Bul tájirıbe boıynsha Ulttyq bank ókilderi qaýipsizdik deńgeıi men táýekelder týraly túsinik berdi, dep habarlaıdy Egemen.kz.
Buǵan deıin, 2013 jylǵa deıin, eldegi zeınetaqy qarajaty jeke jınaqtaýshy qorlarda bolǵan. Alaıda ol kezeńde birqatar qordyń bankrotqa ushyraýyna baılanysty azamattar qarjy joǵaltqan jaǵdaılar tirkelgen. Osydan keıin barlyq zeınetaqy aktıvteri Biryńǵaı jınaqtaýshy zeınetaqy qoryna biriktirildi.
2021 jyldan bastap azamattarǵa óz jınaqtarynyń bir bóligin jeke basqarýshy kompanııalarǵa senip tapsyrý múmkindigi qaıta berildi. Al 2023 jyly bul shekteý keńeıtilip, jınaqtardyń 50%-na deıin jeke basqarýǵa berý quqyǵy qarastyryldy.
Mınıstr: Zeınetaqy shegine qatysty ózgerister aldaǵy aıda bekitilýi múmkin
Ulttyq bank tóraǵasynyń orynbasary Álııa Moldabekovanyń aıtýynsha, qazirgi tańda naryqta 5 jeke basqarýshy kompanııa jumys isteıdi. Olarǵa shamamen 100 mlrd teńge zeınetaqy aktıvteri senip tapsyrylǵan. Al Ulttyq banktiń basqarýyndaǵy aktıvter kólemi 25 trln teńgeden asady.
Onyń sózinshe, jeke basqarýshylarǵa qatań talaptar qoıylǵan. Atap aıtqanda, olardyń eń tómengi menshikti kapıtaly keminde 1,7 mlrd teńgeni quraýy tıis. Sonymen qatar, olardy baqylaý jáne retteý Ulttyq bank pen Qarjy naryǵyn retteý jáne damytý agenttigi tarapynan júzege asyrylady.
Azamattardyń qarajatyn qorǵaý maqsatynda arnaıy ótemaqy tetigi de qarastyrylǵan: eger jeke kompanııanyń tabystylyǵy naryqtyq ortasha kórsetkishten tómen bolsa, aıyrmashylyqty óteý mindetteledi.
Mamandardyń aıtýynsha, jeke basqarýshy kompanııalar keı jaǵdaıda Ulttyq bankke qaraǵanda joǵary tabys kórsetip otyr. Sebebi ortalyq bank zeınetaqy aktıvterin barynsha konservatıvti strategııamen basqarady.
Zeınetaqy jınaǵyn alý tártibi ózgeredi
Qazirgi ýaqytta retteýshi organdar azamattardyń bul quralǵa qyzyǵýshylyǵyn arttyrý jáne ınvestısııalyq múmkindikterdi keńeıtý boıynsha qosymsha sharalardy qarastyryp jatyr.