Prezıdent osyndaı salmaqty delegasııanyń kelýi Ortalyq Azııa men odan tysqary jerlerdegi ekologııalyq máselelerdiń sheshimin tabýdaǵy BUU-nyń rólin talqylaýǵa múmkindik beretinin atap ótti, dep habarlaıdy Egemen.kz.
Qasym-Jomart Toqaev Uıymnyń О́ńirlik ekologııalyq sammıt pen jıynnyń kún tártibin ázirleýge qosqan úlesin joǵary baǵalady.
Memleket basshysy geosaıası turaqsyzdyq beleń alǵan shaqta klımat ózgerisi, qorshaǵan ortanyń nasharlaýy jáne sý resýrstarynyń tapshylyǵy sekildi qazirgi syn-qaterlerge qarsy is-qımyldy úılestirý óte ózekti ekenine toqtaldy.
– Qazaqstannyń tıimdi ári kópjaqty dıplomatııany qoldaıtynyn jaqsy bilesizder. Qarabaıyr kúsh halyqaralyq quqyqqa ústemdik etip otyrǵan, geosaıası ahýal ýshyǵa túsken qubylmaly kezeńde sizdermen jolyǵyp otyrmyz. Keshe osy kúrdeli máseleler jóninde egjeı-tegjeıli baıandadym. Halyqaralyq qoǵamdastyq muny Birikken Ulttar Uıymy men basqa da kópjaqty qurylymdar sheńberinde birlese sheshýi kerek, – dedi Memleket basshysy.
Prezıdent jahandyq máselelerdi sheshýde memleketterdiń kúsh-jigerin jumyldyra alatyn BUU-nyń ámbebap halyqaralyq platforma retindegi balamasyz róline nazar aýdardy. Osy oraıda Uıymnyń tıimdiligi men bedelin kóterýge arnalǵan Bas hatshynyń UN80 baǵdarlamasyn qoldaıtynyn taǵy da atap ótti.
Prezıdent otandastarymyzdy Ulttyq kitap kúnimen quttyqtady
Qasym-Jomart Toqaev BUU delegasııasynyń múshelerine elimizde ádiletti ári ornyqty memleket qurýǵa baǵyttalǵan aýqymdy reformalar iske asyrylyp jatqanyn aıtty.
BUU ókilderi О́ńirlik ekologııalyq sammıttiń joǵary deńgeıde uıymdastyrylǵanyn, Qazaqstan Prezıdenti plenarlyq otyrysta mazmundy baıandama jasaǵanyn oń baǵalady. Olardyń aıtýynsha, Qasym-Jomart Toqaev kótergen ıdeıalar pikirtalasqa negiz bolyp, Qazaqstannyń bastamalary ózekti ekenin kórsetti. Kezdesýge qatysýshylar Memleket basshysyna ózderi jetekshilik etip otyrǵan uıymdardyń qyzmeti jáne klımat, sý qaýipsizdigi, apattardyń qaýpin azaıtý, azyq-túlik turaqtylyǵy baǵyttarynda júzege asyryp jatqan jobalary jaıynda málimet berdi.
Áńgimelesý barysynda Qazaqstannyń jahandyq bastamalaryna aıryqsha mán berildi.
Memleket basshysy BUU aıasynda Halyqaralyq sý uıymyn qurý ıdeıasyn kótergenin jetkizip, Almatyda ashylǵan BUU-nyń Ortalyq Azııa men Aýǵanstanǵa arnalǵan ornyqty damý maqsattary jónindegi ortalyǵy óńirlik yqpaldastyqty ilgeriletýde mańyzdy ról atqaratynyn málimdedi.Prezıdent Qazaqstan ornyqty damý, turaqtylyq pen órkendeý jolynda BUU qurylymdarymen yntymaqtastyqty odan ári damyta beretinin rastady.
Memleket basshysyna Saýd Arabııasy Koroli men Taq muragerinen hat keldi
Kezdesýge BUU Bas hatshysynyń ekonomıkalyq jáne áleýmettik máseleler jónindegi orynbasary Lı Szıýnhýa, BUU Bas hatshysynyń orynbasary – BUU Damý baǵdarlamasy ákimshisiniń orynbasary Haolıan Sıýı, BUU Eýropalyq ekonomıkalyq komıssııasynyń atqarýshy hatshysy Tatıana Molchan, BUU Bas hatshysynyń apattar qaýpin azaıtý jónindegi arnaýly ókili jáne BUU apattar qaýpin azaıtý jónindegi basqarma basshysy Kamal Kıshor, Dúnıejúzilik meteorologııa uıymynyń Bas hatshysy Selesta Saýlo, Klımat ózgerisi boıynsha sarapshylardyń úkimetaralyq tobynyń tóraǵasy Djım Skea, Azyq-túlik jáne aýyl sharýashylyǵy uıymy bas dırektorynyń orynbasary – Eýropa men Ortalyq Azııadaǵy aımaqtyq ókili Vıorel Gýsý qatysty.