2015 jylǵy 11 naýryz, Astana, Úkimet Úıi
Oblystyq bıýdjetterdiń, Astana jáne Almaty qalalary bıýdjetteriniń 2015 jylǵa arnalǵan respýblıkalyq bıýdjetten densaýlyq saqtaýǵa beriletin aǵymdaǵy nysanaly transfertterdi paıdalaný qaǵıdalaryn bekitý týraly
«2015 – 2017 jyldarǵa arnalǵan respýblıkalyq bıýdjet týraly» 2014 jylǵy 28 qarashadaǵy Qazaqstan Respýblıkasy Zańynyń 15-babyn jáne «2015 – 2017 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańyn iske asyrý týraly» Qazaqstan Respýblıkasy Úkimetiniń 2014 jylǵy 11 jeltoqsandaǵy № 1300 qaýlysyn iske asyrý maqsatynda Qazaqstan Respýblıkasynyń Úkimeti qaýly etedi:
1. Qosa berilip otyrǵan Oblystyq bıýdjetterdiń, Astana jáne Almaty qalalary bıýdjetteriniń 2015 jylǵa arnalǵan respýblıkalyq bıýdjetten densaýlyq saqtaýǵa beriletin aǵymdaǵy nysanaly transfertterdi paıdalaný qaǵıdalary bekitilsin.
2. Qazaqstan Respýblıkasy Densaýlyq saqtaý jáne áleýmettik damý mınıstrligi zańnamada belgilengen tártippen aǵymdaǵy nysanaly transfertterdiń bekitilgen somalaryn oblystyq bıýdjetterge, Astana jáne Almaty qalalarynyń bıýdjetterine aýdarýdy qamtamasyz etsin.
3. Oblystardyń, Astana jáne Almaty qalalarynyń ákimderi:
1) aǵymdaǵy nysanaly transfertterdiń bólingen somalaryn ýaqtyly jáne maqsatty paıdalanýdy;
2) esepti aıdan keıingi aıdyń 15-kúnine deıin Qazaqstan Respýblıkasy Densaýlyq saqtaý jáne áleýmettik damý mınıstrligine aǵymdaǵy nysanaly transfertterdiń bólingen somalarynyń paıdalanylýy týraly esepter berýdi qamtamasyz etsin.
4. Osy qaýly 2015 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2015 jylǵy 11 naýryzdaǵy №123 qaýlysymen bekitilgen
Oblystyq bıýdjetterdiń, Astana jáne Almaty qalalary bıýdjetteriniń 2015 jylǵa arnalǵan respýblıkalyq bıýdjetten densaýlyq saqtaýǵa beriletin aǵymdaǵy nysanaly transfertterdi paıdalaný qaǵıdalary
1. Jalpy erejeler
1. Osy Oblystyq bıýdjetterdiń, Astana jáne Almaty qalalary bıýdjetteriniń 2015 jylǵa arnalǵan respýblıkalyq bıýdjetten densaýlyq saqtaýǵa beriletin aǵymdaǵy nysanaly transfertterdi paıdalaný qaǵıdalary (budan ári – Qaǵıdalar) «2015 – 2017 jyldarǵa arnalǵan respýblıkalyq bıýdjet týraly» Qazaqstan Respýblıkasy Zańynyń 15-babyna jáne «2015 – 2017 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańyn iske asyrý týraly» Qazaqstan Respýblıkasy Úkimetiniń 2014 jylǵy 11 jeltoqsandaǵy № 1300 qaýlysyna sáıkes ázirlendi.
2. Osy Qaǵıdalarda paıdalanylatyn negizgi uǵymdar:
1) keshendi jan basyna shaqqandaǵy normatıvtiń yntalandyrýshy komponenti (budan ári – JNYK) – ýákiletti organ aıqyndaıtyn tártippen ındıkatorlardyń negizinde qol jetkizilgen túpkilikti qyzmet nátıjeleri úshin medısınalyq-sanıtarııalyq alǵashqy kómek (budan ári – MSAK) kórsetetin densaýlyq saqtaý sýbektisiniń qyzmetkerlerin yntalandyrýǵa baǵyttalǵan quraýshy keshendi jan basyna shaqqandaǵy normatıvtiń yntalandyrýshy komponenti;
2) densaýlyq saqtaý salasyndaǵy ýákiletti organ (budan ári – ýákiletti organ) – azamattardyń densaýlyǵyn saqtaý, medısınalyq jáne farmasevtıkalyq ǵylym, medısınalyq jáne farmasevtıkalyq bilim berý, dárilik zattardyń, medısınalyq maqsattaǵy buıymdar men medısınalyq tehnıkanyń aınalysy, medısınalyq qyzmetter kórsetý sapasyn baqylaý salasyndaǵy basshylyqty júzege asyratyn memlekettik organ;
3. Osy Qaǵıdalar oblystyq bıýdjetterdiń, Astana jáne Almaty qalalary bıýdjetteriniń respýblıkalyq bıýdjetten densaýlyq saqtaýǵa beriletin aǵymdaǵy nysanaly transfertterdi mynadaı respýblıkalyq bıýdjettik baǵdarlamalar boıynsha paıdalaný tártibin aıqyndaıdy:
1) 004 «Oblystyq bıýdjetterge, Astana jáne Almaty qalalarynyń bıýdjetterine jergilikti atqarýshy organdardyń memlekettik bilim berý tapsyrysy negizinde tehnıkalyq jáne kásiptik, orta bilimnen keıingi bilim berý uıymdarynda bilim alýshylardyń stıpendııalarynyń mólsherin ulǵaıtýǵa beriletin aǵymdaǵy nysanaly transfertter»;
2) 010 «Oblystyq bıýdjetterge, Astana jáne Almaty qalalarynyń bıýdjetterine tegin medısınalyq kómektiń kepildik berilgen kólemin qamtamasyz etýge jáne keńeıtýge beriletin nysanaly aǵymdaǵy transfertter»;
3) 022 «Oblystyq bıýdjetterge, Astana jáne Almaty qalalarynyń bıýdjetterine jergilikti deńgeıde medısınalyq densaýlyq saqtaý uıymdaryn materıaldyq-tehnıkalyq jaraqtandyrýǵa beriletin aǵymdaǵy nysanaly transfertter».
2. Jergilikti atqarýshy organdardyń memlekettik bilim berý tapsyrysy negizinde tehnıkalyq jáne kásiptik, orta bilimnen keıingi bilim berý uıymdarynda bilim alýshylardyń stıpendııa mólsherin ulǵaıtýǵa respýblıkalyq bıýdjetten beriletin aǵymdaǵy nysanaly transfertterdi paıdalaný
4. Oblystyq bıýdjetterge, Astana jáne Almaty qalalarynyń bıýdjetterine beriletin aǵymdaǵy nysanaly transfertter «Bilim berý uıymdarynda bilim alýshylarǵa memlekettik stıpendııalardy taǵaıyndaý, tóleý qaǵıdalaryn jáne mólsherin bekitý týraly» Qazaqstan Respýblıkasy Úkimetiniń 2008 jylǵy 7 aqpandaǵy № 116 qaýlysyna sáıkes jergilikti atqarýshy organdardyń memlekettik bilim berý tapsyrysy negizinde medısınalyq kolledjderde bilim alýshylardyń stıpendııalarynyń mólsherin 10 %-ǵa ulǵaıtý úshin paıdalanylady.
3. Tegin medısınalyq kómektiń kepildik berilgen kólemin qamtamasyz etýge jáne keńeıtýge beriletin aǵymdaǵy nysanaly transfertterdi paıdalaný tártibi
5. Oblystyq bıýdjetterge, Astana jáne Almaty qalalarynyń bıýdjetterine tegin medısınalyq kómektiń kepildik berilgen kólemin (budan ári – TMKKK) qamtamasyz etýge jáne keńeıtýge beriletin aǵymdaǵy nysanaly transfertter:
1) skrınıngtik zertteýler júrgizýge:
balalar men eresekterdiń nysanaly toptary arasynda «V» jáne «S» gepatıtterin anyqtaýǵa;
áıelder arasynda jatyr moıny obyryn anyqtaýǵa;
eresek turǵyndar arasynda kolorektaldyq obyrdy eki kezeńdik ádispen anyqtaýǵa;
erler arasynda qýyqasty bezi obyryn anyqtaýǵa;
turǵyndar arasynda óńesh obyryn, asqazan jáne baýyr obyryn anyqtaýǵa;
sút bezi obyry boıynsha skrınıngtiń ekinshi kezeńin júrgizýge;
2) TMKKK sheńberinde onkologııalyq naýqastarǵa medısınalyq kómek kórsetýge, sondaı-aq Qazaqstan Respýblıkasy Úkimetiniń 2009 jylǵy 30 qazandaǵy № 1729 qaýlysymen bekitilgen TMKKK kórsetý boıynsha dárilik zattardy, profılaktıkalyq (ımmýnobıologııalyq, dıagnostıkalyq, dezınfeksııalyq) preparattardy, medısınalyq maqsattaǵy buıymdar men medısınalyq tehnıkany, farmasevtıkalyq qyzmetterdi uıymdastyrý jáne ótkizý erejesine sáıkes qarjy lızıngi sharttarynda satyp alynǵan medısınalyq tehnıka úshin lızıng tólemderin óteý shyǵystaryna;
3) TMKKK sheńberinde aýdandyq mańyzy bar jáne aýyldyń densaýlyq saqtaý sýbektileriniń medısınalyq kómek (shyǵyndaryn óteý respýblıkalyq bıýdjet qarajaty esebinen júzege asyrylatyn joǵary mamandandyrylǵan medısınalyq kómekti jáne gemodıalız qyzmetterin qospaǵanda) jáne tirkelgen turǵyndarǵa ambýlatorııalyq-emhanalyq kómek kórsetýine, onyń ishinde JNYK tóleý shyǵystaryna jáne Qazaqstan Respýblıkasy Úkimetiniń 2009 jylǵy 30 qazandaǵy № 1729 qaýlysyna sáıkes qarjy lızıngi sharttarynda satyp alynǵan medısınalyq tehnıkany paıdalana otyryp kórsetilgen medısınalyq qyzmet úshin lızıng tólemderin óteý shyǵystaryna;
4) ambýlatorııalyq-emhanalyq uıymdarda onkologııalyq, mammologııalyq kabınetterdi, sondaı-aq onkologııalyq dıspanserlerde (bólimshelerde) ambýlatorııalyq hımıoterapııa kabınetterin, konsýltasııalyq-dıagnostıkalyq emhanalarda (ortalyqtarda), kóp beıindi aýrýhanalardyń bólimshelerinde proktologııalyq kabınet ashýǵa jáne olardyń jumys isteýine;
5) onkologııalyq dıspanserlerde áleýmettik qyzmetkerler men psıhologtar ustaýǵa;
6) dıabetke qarsy preparattardy, týberkýlezge qarsy preparattardy, gematologııalyq naýqastarǵa arnalǵan hımııalyq preparattardy, gemofılııamen aýyratyn naýqastarǵa qan uıytý faktorlaryn, jiti mıokard ınfarkty bar naýqastar úshin trombolıtıkalyq preparattardy, «V» jáne «S» vırýstyq gepatıtterimen aýyratyn balalardy jáne eresekterdi emdeýge arnalǵan dárilik zattardy, AITV ınfeksııasyn juqtyrǵan adamdardy emdeýge jáne baılanysta bolǵannan keıingi adamdardyń profılaktıkasyna arnalǵan retrovırýsqa qarsy preparattardy, mıastenııamen aýyratyn naýqastardy emdeýge arnalǵan preparattardy, renaldyq anemııasy bar búırek fýnksııasynyń sozylmaly jetispeýshiligimen aýyratyn naýqastardy emdeýge arnalǵan preparattardy, mýkovıssıdozben, mýkopolısaharıdozben, Goshe aýrýymen aýyratyn balalardy emdeýge arnalǵan preparattardy, bytyrańqy berishpen aýyratyn naýqastarǵa arnalǵan preparattardy, ambýlatorııalyq deńgeıde onkologııalyq naýqastarǵa arnalǵan dárilik zattardy (targettik preparattar), belgili bir aýrýlary: júrektiń ıshemııalyq aýrýy, arterııalyq gıpertenzııa, júrek fýnksııasynyń sozylmaly jetispeýshiligi, arıtmııa, pnevmonııa, ókpeniń sozylmaly obstrýktıvtik aýrýy, asqazan men ultabardyń oıyq jarasy bar turǵyndardy ambýlatorııalyq deńgeıde tegin qamtamasyz etý úshin dárilik zattar men medısınalyq maqsattaǵy buıymdardy satyp alýǵa paıdalanylady.
6. Osy Qaǵıdalardyń 5-tarmaǵynyń 4) jáne 5) tarmaqshalarynda kórsetilgen shyǵystardy qospaǵanda, oblystardyń, Astana men Almaty qalalarynyń densaýlyq saqtaýdy memlekettik basqarýdyń jergilikti organdary ýákiletti organ bekitken TMKKK kórsetý jónindegi qyzmetter berýshini tańdaý jáne onyń shyǵyndaryn óteý qaǵıdalaryna sáıkes TMKKK kórsetý boıynsha medısınalyq qyzmetter berýshini tańdaý rásimin júzege asyrady.
7. JNYK tóleýge bólinetin nysanaly aǵymdaǵy transfertter túrindegi respýblıkalyq bıýdjet qarajatynyń esebinen kórsetiletin medısınalyq kómektiń kólemi men sapasyna qaraı medısına qyzmetkerlerine eńbekaqy tóleý jáne salalyq kótermeleý júıesiniń tártibi «Salalyq kótermeleý júıesiniń keıbir máseleleri týraly jáne kórsetiletin medısınalyq kómektiń kólemine, sapasyna qaraı medısınalyq qyzmetkerlerge eńbekaqy tóleý jáne salalyq kótermeleý júıesi qaǵıdasyn bekitý týraly» Qazaqstan Respýblıkasy Densaýlyq saqtaý mınıstriniń mindetin atqarýshynyń 2009 jylǵy 10 qarashadaǵy № 689 buıryǵyna sáıkes júzege asyrylady.
8. Tarıfterdi qalyptastyrý jáne JNYK-ty aıqyndaý «Tegin medısınalyq kómektiń kepildik berilgen kólemi sheńberinde kórsetiletin medısınalyq qyzmetterge arnalǵan tarıfter jasaý men shyǵyndardy josparlaý ádistemesin bekitý týraly» Qazaqstan Respýblıkasy Densaýlyq saqtaý mınıstriniń 2009 jylǵy 26 qarashadaǵy № 801 buıryǵymen bekitilgen TMKKK sheńberinde kórsetiletin medısınalyq qyzmetterge arnalǵan tarıfterdi jasaý men shyǵyndardy josparlaý ádistemesine sáıkes júzege asyrylady.
9. Onkologııalyq naýqastarǵa kórsetilgen medısınalyq qyzmetterge aqy tóleý «Onkologııalyq naýqastarǵa tegin medısınalyq kómektiń kepildik berilgen kólemi sheńberinde kórsetilgen medısınalyq qyzmetterge aqy tóleý qaǵıdalaryn bekitý týraly» Qazaqstan Respýblıkasy Densaýlyq saqtaý mınıstriniń mindetin atqarýshynyń 2014 jylǵy 11 aqpandaǵy № 82 buıryǵymen aıqyndalǵan tártippen júzege asyrylady.
Aýdandyq mańyzy bar jáne aýyldyń densaýlyq saqtaý sýbektileriniń TMKKK sheńberinde bekitilgen halyqqa medısınalyq jáne ambýlatorııalyq- emhanalyq kómek kórsetkeni úshin aqy tóleý «Tegin medısınalyq kómektiń kepildik berilgen kólemi sheńberińde kórsetilgen medısınalyq qyzmetter úshin aqy tóleý qaǵıdalaryn bekitý týraly» Qazaqstan Respýblıkasy Densaýlyq saqtaý mınıstriniń 2014 jylǵy 17 aqpandaǵy № 97 buıryǵymen bekitilgen tártippen júzege asyrylady.
10. Ýákiletti organ TMKKK qamtamasyz etý jáne keńeıtý jónindegi is-sharalardy iske asyrý sheńberinde aǵymdaǵy nysanaly transfertterdi tıimdi paıdalanýdy úılestirýdi jáne monıtorıngteýdi júzege asyrady.
11. Dárilik zattardy satyp alý Qazaqstan Respýblıkasy Úkimetiniń 2009 jylǵy 30 qazandaǵy № 1729 qaýlysyna sáıkes júzege asyrylady.
Oblystardyń, Astana jáne Almaty qalalarynyń densaýlyq saqtaýdy memlekettik basqarýdyń jergilikti organdary júzege asyratyn júrektiń ıshemııalyq aýrýy, arterııalyq gıpertenzııa, júrek fýnksııasynyń sozylmaly jetispeýshiligi, arıtmııa, pnevmonııa, ókpeniń sozylmaly obstrýktıvtik aýrýy, asqazan men ultabardyń oıyq jarasy aýrýlarymen aýyratyn turǵyndardy ambýlatorııalyq deńgeıde dárilik zattar men medısınalyq maqsattaǵy buıymdardy qospaǵanda, osy Qaǵıdalardyń 5-tarmaǵynyń 6) tarmaqshasynda kórsetilgen Qazaqstan Respýblıkasynyń Úkimeti aıqyndaıtyn dárilik zattardy satyp alýdy uıymdastyrýshy dárilik zattardy, medısınalyq maqsattaǵy buıymdardy satyp alý jáne olarmen qamtamasyz etý jónindegi biryńǵaı dıstrıbıýtor bolyp tabylady.
12. Oblystardyń, Astana jáne Almaty qalalarynyń ákimderi TMKKK-ny qamtamasyz etý jáne keńeıtý jónindegi is-sharalardy iske asyrý sheńberinde:
1) osy Qaǵıdalarǵa 5-tarmaqta kórsetilgen is-sharalar ótkizýdi;
2) «Bekitilgen halyq tirkelimi» portalynda (budan ári – «BHT» portaly) óńir halqy boıynsha, onyń ishinde bıýdjetti qalyptastyrý úshin derekterdiń durystyǵy men dáıektiligin jáne olardy Qazaqstan Respýblıkasy Densaýlyq saqtaý mınıstriniń mindetin atqarýshynyń 2011 jylǵy 5 qańtardaǵy № 7 buıryǵymen aıqyndalǵan tártippen ózektendirýdi;
3) «Ambýlatorııalyq-emhanalyq kómek»; «Aýyldyq densaýlyq saqtaý»; «Stasıonarlyq naýqastardyń elektrondyq tirkelimi»; «Jan basyna shaqqandaǵy normatıvtiń qosymsha komponenti»; «Onkologııalyq naýqastardyń elektrondyq tirkelimi» aqparattyq júıelerine densaýlyq saqtaý sýbektileri engizgen óńir halqyna kórsetilgen qyzmetter boıynsha derekterdiń durystyǵy men dáıektiligin;
4) MSAK kórsetetin densaýlyq saqtaý sýbektileri qyzmetiniń túpkilikti nátıjelerine qol jetkizgeni úshin TMKKK sheńberinde Aqy tóleý qaǵıdalarymen «Tegin medısınalyq kómektiń kepildik berilgen kólemi sheńberińde kórsetilgen medısınalyq qyzmetter úshin aqy tóleý qaǵıdalaryn bekitý týraly» Qazaqstan Respýblıkasy Densaýlyq saqtaý mınıstriniń 2014 jylǵy 17 aqpandaǵy № 97 buıryǵymen aıqyndalǵan tártippen JNYK tóleýdi;
5) «Qarjy lızıngi sharttarynda satyp alynǵan medısınalyq tehnıka úshin tegin medısınalyq kómektiń kepildik berilgen kólemin kórsetetin densaýlyq saqtaý uıymdaryna lızıng tólemderin esepteý ádistemesin jáne tóleý tártibin bekitý týraly» Qazaqstan Respýblıkasy Densaýlyq saqtaý mınıstriniń 2014 jylǵy 12 jeltoqsandaǵy № 322 buıryǵynda aıqyndalǵan tártippen qarjy lızıngi shartynda satyp alynǵan medısınalyq tehnıkany paıdalana otyryp, kórsetilgen medısınalyq qyzmetter úshin lızıng tólemerin tóleýdi;
6) ýákiletti organmen TMKKK-ni qamtamasyz etýge jáne keńeıtýge aǵymdaǵy nysanaly transfertter boıynsha tikeleı jáne túpkilikti nátıjelerdiń kórsetkishterin kelisýdi;
7) ýákiletti organmen kelisý boıynsha aıqyndalǵan TMKKK-ni qamtamasyz etýge jáne keńeıtýge nysanaly aǵymdaǵy transfertter boıynsha tikeleı jáne túpkilikti nátıjelerge qol jetkizýdi;
8) ambýlatorııalyq deńgeıde dárilik zattarmen jáne medısınalyq maqsattaǵy buıymdardy qamtamasyz etiletin naýqastardyń elektrondyq tirkelimderin qalyptastyrýdy;
9) respýblıkalyq bıýdjetten beriletin aǵymdaǵy nysanaly transfertterdiń esebinen satyp alynatyn dárilik zattardyń jáne medısınalyq maqsattaǵy buıymdardyń paıdalanylýyna monıtorıng júrgizýdi;
10) júrektiń ıshemııalyq aýrýy, arterııalyq gıpertenzııa, júrek fýnksııasynyń sozylmaly jetispeýshiligi, arıtmııa, pnevmonııa, ókpeniń sozylmaly obstrýktıvtik aýrýy, asqazannyń jáne ultabardyń oıyq jarasy aýrýlary boıynsha halyqtyń jekelegen sanattaryna dárilik zattardy jáne medısınalyq maqsattaǵy buıymdardy satyp alýǵa jergilikti bıýdjetten respýblıkalyq bıýdjetten aǵymdaǵy nysanaly transfertterden bólinetin qarajatqa teń mólsherde qarajat bólýdi qamtamasyz etedi.
4. Jergilikti deńgeıde medısınalyq densaýlyq saqtaý uıymdaryn materıaldyq-tehnıkalyq jaraqtandyrýǵa respýblıkalyq bıýdjetten beriletin aǵymdaǵy
nysanaly transfertterdi paıdalaný tártibi
13. Oblystyq bıýdjetterge, Astana jáne Almaty qalalarynyń bıýdjetterine jergilikti deńgeıde densaýlyq saqtaý uıymdaryn materıaldyq-tehnıkalyq jaraqtandyrýǵa beriletin aǵymdaǵy nysanaly transfertter medısınalyq tehnıkany, medısınalyq emes jabdyqtardy, medısınalyq maqsattaǵy buıymdardy satyp alýǵa paıdalanylady.
14. Ýákiletti organ oblystardyń, Astana jáne Almaty qalalarynyń densaýlyq saqtaýdy memlekettik basqarýdyń jergilikti organdarymen kelisý boıynsha «Densaýlyq saqtaýdyń memlekettik uıymdaryn medısınalyq tehnıka jáne medısınalyq maqsattaǵy buıymdarmen jaraqtandyrýdyń mınımaldy standarttaryn (normatıvterin) bekitý týraly» Qazaqstan Respýblıkasy Densaýlyq saqtaý mınıstriniń 2010 jylǵy 27 qazandaǵy № 850 buıryǵymen bekitilgen memlekettik densaýlyq saqtaý uıymdaryn medısınalyq tehnıkamen jáne medısınalyq maqsattaǵy buıymdarmen jaraqtandyrýdyń eń tómengi standarttaryna (normatıvterge) sáıkes jergilikti deńgeıde densaýlyq saqtaý uıymdary úshin satyp alynatyn medısınalyq tehnıkanyń, medısınalyq emes jabdyqtyń, sondaı-aq medısınalyq maqsattaǵy buıymdardyń qajettiligin árbir óńir boıynsha aıqyndaıdy.
Jergilikti deńgeıdegi densaýlyq saqtaý sýbektileri úshin medısınalyq tehnıkaǵa, medısınalyq emes jabdyqqa, sondaı-aq medısınalyq maqsattaǵy buıymdarǵa qajettiliktiń negizinde ýákiletti organ aǵymdaǵy nysanaly transfertter somasyn paıdalaný baǵytyn jáne medısınalyq uıymdardy materıaldyq-tehnıkalyq jaraqtandyrýǵa oblystyq bıýdjetterge, Astana jáne Almaty qalalarynyń bıýdjetterine beriletin aǵymdaǵy nysanaly transfertterdiń sheńberinde satyp alynatyn medısınalyq tehnıkanyń, medısınalyq emes jabdyqtyń, medısınalyq maqsattaǵy buıymdardyń tizbesin aıqyndaıdy.
15. Medısınalyq emes jabdyqty, medısınalyq maqsattaǵy buıymdardy satyp alýdy uıymdastyrýdy oblystardyń, Astana jáne Almaty qalalarynyń densaýlyq saqtaýdy memlekettik basqarýdyń jergilikti organdary memlekettik satyp alý týraly zańnamaǵa sáıkes, medısınalyq tehnıkany – Qazaqstan Respýblıkasynyń Úkimeti aıqyndaǵan zańdy tulǵa Qazaqstan Respýblıkasy Úkimetiniń 2009 jylǵy 30 qazandaǵy № 1729 qaýlysyna sáıkes ýákiletti organ aıqyndaǵan somalardy paıdalaný baǵyty men satyp alynatyn medısınalyq tehnıkanyń, medısınalyq emes jabdyqtyń, medısınalyq maqsattaǵy buıymdardyń tizbesi sheńberinde júzege asyrady.
5. Nysanaly aǵymdaǵy transfertter boıynsha qarajatty paıdalaný, eseptilik
16. Ýákiletti organ oblystyq bıýdjetterge, Astana jáne Almaty qalalarynyń bıýdjetterine tólemder boıynsha tıisti bıýdjettik baǵdarlamany qarjylandyrýdyń jeke josparynyń negizinde nysanaly aǵymdaǵy transfertter aýdarýdy júrgizedi.
17. Aǵymdaǵy nysanaly transfertterdi paıdalaný kezinde únemdeý paıda bolǵan jaǵdaıda oblystyń, respýblıkalyq mańyzy bar qalanyń, astananyń jergilikti atqarýshy organdary ýákiletti organmen kelisý boıynsha únemdeý somasyn bıýdjettik baǵdarlamalar nátıjeleriniń kórsetkishterin jaqsartýǵa paıdalanady.
18. Qandaı da bir oblys, Astana jáne Almaty qalalary bólingen qarajatty tolyq ıgermegen jaǵdaıda, ýákiletti organ zańnamada belgilengen tártippen Qazaqstan Respýblıkasynyń Úkimetine nysanaly transfertterdiń somalaryn oblystardyń jáne Astana men Almaty qalalarynyń arasynda qaıta bólý týraly usynys engizedi.
19. Ýákiletti organ Qazaqstan Respýblıkasynyń bıýdjet zańnamasynda belgilengen tártippen jáne merzimde Qazaqstan Respýblıkasy Qarjy mınıstrligine eseptilik beredi.