2015 jylǵy 11 naýryz, Astana, Úkimet Úıi
Qazaqstan Respýblıkasynyń Úkimeti men Qazaqstan Respýblıkasy Ulttyq Bankiniń 2015 jyly óńdeý ónerkásibinde kásipkerlik sýbektilerin qarjylandyrýdy qamtamasyz etý jónindegi birlesken is-qımyl
josparyn bekitý týraly
Qazaqstan Respýblıkasynyń Úkimeti qaýly etedi:
1. Qosa berilip otyrǵan Qazaqstan Respýblıkasynyń Úkimeti men Qazaqstan Respýblıkasy Ulttyq Bankiniń 2015 jyly óńdeý ónerkásibinde kásipkerlik sýbektilerin qarjylandyrýdy qamtamasyz etý jónindegi birlesken is-qımyl jospary (budan ári – Jospar) bekitilsin.
2. «Báıterek» ulttyq basqarýshy holdıngi» aksıonerlik qoǵamy (kelisim boıynsha) «Damý» kásipkerlikti damytý qory» aksıonerlik qoǵamymen (kelisim boıynsha) jáne «Qazaqstannyń Damý banki» aksıonerlik qoǵamymen (kelisim boıynsha) birlesip:
1) Jospardyń ýaqtyly oryndalýyn qamtamasyz etsin;
2) jarty jylda bir ret, jartyjyldyqtyń alǵashqy aıynyń jıyrmasynshy kúninen keshiktirmeı Qazaqstan Respýblıkasy Ulttyq ekonomıka mınıstrligine Jospardyń oryndalýy týraly aqparat bersin.
3. Qazaqstan Respýblıkasy Ulttyq ekonomıka mınıstrligi 2015 jylǵy 30 jeltoqsanǵa deıin Qazaqstan Respýblıkasynyń Úkimetine Jospardyń oryndalýy týraly jıyntyq aqparat bersin.
4. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń
2015 jylǵy 11 naýryzdaǵy №124 qaýlysymen bekitilgen
Qazaqstan Respýblıkasynyń Úkimeti men Qazaqstan Respýblıkasy Ulttyq Bankiniń 2015 jyly óńdeý ónerkásibinde kásipkerlik sýbektilerin qarjylandyrýdy qamtamasyz etý jónindegi birlesken is-qımyl jospary
Aǵymdaǵy jaǵdaıdy taldaý
Ekonomıkany ártaraptandyrý jáne onyń básekege qabilettiligin arttyrý arqyly turaqty jáne teńgerimdi ósýin qamtamasyz etý maqsatynda 2010 jyly Údemeli ındýstrııalyq-ınnovasııalyq damý jónindegi 2010 – 2014 jyldarǵa arnalǵan memlekettik baǵdarlama (budan ári – ÚIIDMB) qabyldandy. ÚIIDMB aldyn ala qorytyndysy onyń eldiń áleýmettik-ekonomıkalyq damýyna oń áser etkenin aıǵaqtaıdy. 2008 – 2013 jyldar aralyǵynda óńdeý ónerkásibiniń jalpy qosylǵan quny kóleminiń ósýi 25,8 %-dy qurady (1,8 den 3,8 trln. teńgege deıin). Uqsas kezeń ishinde óńdeý ónerkásibinde eńbek ónimdiliginiń ósýi 158,5 %-dy qurady, 37,3-ten 57,5 myń AQSh doll/adam. deıin1. Bul rette 2013 jyly óńdeý ónerkásibiniń óndiris kólemi 5 852,6 mlrd. teńgeni qurady, onyń ishinde tamaq ónerkásibi 1 172,6 mlrd. teńge (20 %), mashına jasaý – 859,2 mlrd. teńge (14,5 %), hımııa ónerkásibi – 185,9 mlrd. teńge (3 %)2.
О́ńdeý ónerkásibiniń Qazaqstannyń JIО́ qurylymyndaǵy
JQQ naqty ósýi óńdeý ónerkásibiniń úlesi
Áleýmettik-ekonomıkalyq damýdyń joǵary kórsetkishterine qol jetkizý tabıǵı resýrstarmen qamtamasyz etilý, qolaıly makroekonomıkalyq orta jáne saıası turaqtylyq sııaqty básekege qabilettiliktiń negizgi faktorlarynyń arqasynda oryn aldy. Bul rette perspektıvada el ekonomıkasy básekege qabilettiligin joǵaltýy jáne «ortasha tabys tuzaǵynda» qalýy múmkin3. Aıtalyq, oń úrdisterge qaramastan, óńdeý ónerkásibiniń ósý qarqyny tómendeýde (2013 jyly – 1,9 %, al 2010 jyly – 13,9 %). JIО́-niń ozyńqy ósýi esebinen onyń qurylymyndaǵy óńdeý ónerkásibiniń úlesi 2008 jyly 11,8 %-dan 2014 jyldyń birinshi jartyjyldyǵynyń qorytyndylary boıynsha 10,7 %-ǵa deıin tómendedi. Budan basqa, shıkizattyq emes ónimniń eksport qurylymyndaǵy úlesi uqsas kezeńde 28 %-dan 24 %-ǵa deıin qysqarǵan.
О́ńdeý ónerkásibi óniminiń ósý qarqynynyń baıaýlaýy eldegi ınvestısııalyq belsendiliktiń tómendeýimen birge júrdi. Aıtalyq, sońǵy bes jyl ishinde negizgi kapıtalǵa ınvestısııalardyń jyldyq ósý deńgeıi 14,8 %-dan 6,9%-ǵa deıin qysqardy4. Bul rette 2013 jyly ınvestısııalyq salymdardyń eń kóp kólemi ótken jyldardaǵydaı taý-ken óndirisine tıesili (negizgi kapıtalǵa barlyq ınvestısııalardyń 29 %-y). Negizgi kapıtalǵa ınvestısııalardy qarjylandyrýdyń negizgi kózi kásiporynnyń menshikti qarajaty bolyp otyr (59 %), al naryqta uzaq merzimdi qorlandyrý kózderiniń jetispeýshiligi baıqalady.
Qazaqstan Respýblıkasynyń Úkimeti 2014 jyldyń birinshi jartysynda qabyldaǵan sharalar óńdeý ónerkásibi sektorynda jaǵymdy ózgeristerge áser etti. Osylaısha, Qazaqstan Respýblıkasy Ulttyq Bankiniń (budan ári – UB) resmı málimetteri boıynsha 2014 jyldyń jaz kezeńinde óńdeý ónerkásibine berilgen kredıtterdiń kólemi ótken jyldyń uqsas kórsetkishinen 2,8 %-ǵa artty. Sonymen qatar, 2014 jylǵy maýsym – tamyzda berilgen óńdeý ónerkásibiniń uzaq merzimdi kredıtteri ótken jylmen salystyrǵanda 2,2 esege asyp tústi5. Degenmen, jalpy kredıt qorjynynyń qurylymyndaǵy óńdeý ónerkásibiniń úlesine tek 6,8 % tıesili, al QR UB zertteýiniń derekteri boıynsha óńdeý ónerkásibiniń kásiporyndarynda kredıtke degen qajettilik tutastaı ekonomıka boıynsha alǵanda joǵary. Tutastaı alǵanda, Qazaqstan Respýblıkasyn údemeli ındýstrııalyq-ınnovasııalyq damytý jónindegi 2010 – 2014 jyldarǵa arnalǵan memlekettik baǵdarlama sheńberinde óńdeý ónerkásibi úshin ınvestısııalarǵa boljamdy qajettilik shamamen 6,6 trln. teńgeni quraıdy.
О́ńdeý ónerkásibiniń jumys isteýine qoldaý kórsetin qyzmetter kórsetý salalaryn damytý máselesi de mańyzdy bolyp tabylady. Oǵan kólik jáne logıstıka, kommýnıkasııa, tehnıkalyq synaqtar jáne ǵylymı zertteýler, mamandandyrylǵan tehnıkany jaldaý, býyp-túıý jáne t.b. jatady. 2014 jylǵy 9 aıdyń derekteri boıynsha bul sektorlarda negizgi qarajatqa ınvestısııa salýdyń teris qarqyny baıqalady (kólik jáne qoımaǵa jınaý boıynsha – 15 %, aqparat jáne baılanys boıynsha – 17 %).
Osylaısha, óńdeý ónerkásibi jáne óńdeý ónerkásibi úshin qyzmet kórsetetin sektorlar úshin ulttyq valıýtada kredıt qarajatynyń qoljetimdiligin arttyrý qajettiligine baılanysty kásiporyndardyń aınalym kapıtalyn tolyqtyrý jáne negizgi qorlardy jańartý qajettiligin eskeretin qarjy quraldaryn bólý boıynsha memlekettiń qosymsha sharalar qabyldaýynyń qajettigi baıqalady.
Osy Qazaqstan Respýblıkasynyń Úkimeti men Qazaqstan Respýblıkasy Ulttyq Bankiniń óńdeý ónerkásibinde kásipkerlik sýbektilerin qarjylandyrýdy qamtamasyz etý jónindegi birlesken is-qımyl jospary (budan ári – Jospar) 2015 jyly kásipkerlik sýbektilerine mynadaı baǵyttar boıynsha qoldaý kórsetýge baǵyttalǵan sharalar keshenin aıqyndaıdy:
birinshi baǵyt: «Damý» kásipkerlikti damytý qory» aksıonerlik qoǵamy (budan ári – «Damý» KDQ» AQ) Qazaqstan Respýblıkasynyń ekonomıkasyn jańǵyrtý máseleleri jónindegi memlekettik komıssııa tizbesin maquldaǵan ekinshi deńgeıdegi bankterge (budan ári – EDB) óńdeý ónerkásibindegi shaǵyn jáne orta kásipkerlik sýbektilerin (budan ári – ShOKS) qarjylandyrý, onyń ishinde óńdeý ónerkásibinde orta jáne shaǵyn kásipkerlik sýbektilerine berilgen EDB qaryzdaryn qaıta qarjylandyrý, EDB qaryzdary boıynsha aınalym qarajatyn tolyqtyrý, óńdeý ónerkásibinde jańa jobalardy qarjylandyrý úshin kredıt beredi (budan ári – birinshi baǵyt);
ekinshi baǵyt: «Qazaqstannyń Damý Banki» aksıonerlik qoǵamynyń (budan ári – «QDB» AQ) óńdeý ónerkásibinde iri kásipkerlik sýbektilerin (budan ári – IKS) qarjylandyrý, onyń ishinde óńdeý ónerkásibindegi iri kásipkerlik sýbektilerine berilgen EDB qaryzdaryn qaıta qarjylandyrý, óńdeý ónerkásibindegi iri kásipkerlik sýbektilerine berilgen EDB qaryzdary boıynsha aınalym qarajatyn tolyqtyrý, óńdeý ónerkásibindegi jańa jobalardy qarjylandyrý úshin EDB-ǵa bankaralyq kredıt berýi (budan ári – ekinshi baǵyt).
Qazaqstan Respýblıkasynyń ekonomıkasyn jańǵyrtý máseleleri jónindegi memlekettik komıssııa (budan ári – Memlekettik komıssııa) shaǵyn, orta jáne iri kásipkerlik sýbektileriniń jobalaryn qarjylandyrý úshin óńdeý ónerkásibi salalarynyń tizbesin aıqyndaıdy.
Jalpy erejeler
Maqsatqa qol jetkizý jáne qoıylǵan mindetterdi iske asyrý tetikteri
Qazaqstan Respýblıkasy Úkimetiniń 2014 jylǵy 14 sáýirdegi № 354 qaýlysymen bekitilgen Qazaqstan Respýblıkasynyń Úkimeti men Qazaqstan Respýblıkasy Ulttyq Bankiniń óńdeý ónerkásibindegi shaǵyn jáne orta kásipkerlik jobalaryn qarjylandyrýdy qamtamasyz etý jónindegi birlesken is-qımyl josparyn jáne Qazaqstan Respýblıkasy Úkimetiniń 2014 jylǵy 5 jeltoqsandaǵy № 1276 qaýlysymen bekitilgen Qazaqstan Respýblıkasynyń Úkimeti men Qazaqstan Respýblıkasy Ulttyq Bankiniń óńdeý ónerkásibinde kásipkerlik sýbektilerin qarjylandyrýdy qamtamasyz etý jónindegi birlesken is-qımyl josparyn iske asyrýdy jalǵastyra otyryp, Qazaqstan Respýblıkasynyń Úkimeti, QR UB, «Báıterek» ulttyq basqarýshy holdıngi» aksıonerlik qoǵamy (budan ári – «Báıterek» UBH» AQ) óńdeý ónerkásibinde ShOKS-ty jáne IKS-ti keıinnen qarjylandyrý, onyń ishinde buryn berilgen EDB qaryzdaryn qaıta qarjylandyrý, ShOKS-tyń jáne IKS-tiń aınalym quraldaryn jáne jańa jobalaryn qarjylandyrý úshin EDB qarjylandyrý boıynsha qosymsha sharalar qabyldaıtyn bolady.
2015 jyly Qazaqstan Respýblıkasy Ulttyq qorynyń (budan ári – QR UQ) qarajatynan joǵaryda atalǵan sharalardy iske asyrý úshin ShOKS-ty jáne IKS-ti qosymsha qarjylandyrýdyń jalpy kólemi 100 mıllıard teńgeni quraıdy.
Jyl ShOKS jobalary IKS jobalary
2015 50 mlrd. teńge 50 mlrd. teńge
Osy maqsattar úshin «Báıterek» UBH» AQ mynadaı sharttarda 100 mlrd. teńge somasyna oblıgasııalar shyǵarý arqyly QR UQ-dan qaryz alýdy júzege asyrady:
Shyǵarý jyly 2015
QR UQ qarajatynan ornalastyrý kólemi 100 mlrd. teńge
Kýpon mólsherlemesi jyldyq 0,1%
О́teýdiń kiristiligi jyldyq 0,1%
Oblıgasııalardyń aınalys merzimi oblıgasııalardyń aınalysy bastalǵan kúnnen bastap 20 jylǵa deıin
Oblıgasııalyq qaryzdy óteý merzimi emıtenttiń bastamasy boıynsha merziminen buryn óteý quqyǵymen aınalys merziminiń sońynda
Oblıgasııalardy ornalastyrǵannan keıin «Báıterek» UBH» AQ birinshi baǵyt boıynsha sharalardy iske asyrý úshin «Damý» KDQ» AQ-pen Qazaqstan Respýblıkasynyń azamattyq zańnamasyna sáıkes kredıttik shart jasasady jáne «Damý» KDQ» AQ-na mynadaı sharttarda kredıt beredi:
1) kredıt somasy – 50 mlrd. teńge;
2) merzimi – kredıttik shartqa qol qoıylǵan kúnnen bastap 20 jylǵa deıin;
3) syıaqy mólsherlemesi – jyldyq 0,15 %;
4) «Damý» KDQ» AQ bastamasy boıynsha merziminen buryn óteý quqyǵymen jasalǵan kredıttik shart jaǵdaılaryna sáıkes merzimniń aıaǵynda qarajatty bir somamen óteý.
Oblıgasııalardy ornalastyrǵannan keıin «Báıterek» UBH» AQ ekinshi baǵyt boıynsha sharalardy iske asyrý úshin «KDB» AQ-pen Qazaqstan Respýblıkasynyń azamattyq zańnamasyna sáıkes qaryz shartyn jasasady jáne «QDB» AQ-na mynadaı sharttarda kredıt beredi:
1) kredıt somasy – 50 mlrd. teńge;
2) merzimi – kredıttik shartqa qol qoıylǵan kúnnen bastap 20 jylǵa deıin;
3) syıaqy mólsherlemesi – jyldyq 0,15 %;
4) «QDB» AQ bastamasy boıynsha merziminen buryn óteý quqyǵymen jasalǵan qaryz sharty jaǵdaılaryna sáıkes merzimniń aıaǵynda qarajatty bir somamen óteý.
Qarajatty ekinshi deńgeıdegi bankterde shartty
ornalastyrýdyń talaptary men tetikteri
1. Memlekettik komıssııa 2015 jylǵa EDB tizbesin jáne olardyń lımıtteri somalaryn birinshi jáne ekinshi baǵyttar boıynsha maquldaıdy.
2. «Damý» KDQ» AQ, «QDB» AQ jáne EDB osy Jospardy iske asyrý sheńberinde QR UQ-dan bólinetin qarajattan tólemder júrgizý úshin QR UB-da jeke banktik shottar ashady.
3. «Báıterek» UBH» AQ «Damý» KDQ» AQ-nyń jáne «QDB» AQ-nyń QR UB-daǵy jeke banktik shotyna jasalǵan kredıttik sharttyń jáne qaryz shartynyń talaptaryna sáıkes qarajat somasyn ornalastyrady.
4. «Damý» KDQ» AQ Qazaqstan Respýblıkasynyń azamattyq zańnamasyna sáıkes EDB-men mynadaı sharttarda kredıttik kelisimder jasasady:
1) Memlekettik komıssııa maquldaǵan lımıtter sheginde qamtamasyz etýsiz QR UB-da EDB-nyń jeke banktik shottarynda kredıt qarajatyn ornalastyrý;
2) syıaqy mólsherlemesi – jyldyq 2 %-dan aspaıdy;
3) EDB-nyń kredıt berý merzimi – 20 jylǵa deıin;
4) qarajat EDB shotyna túsken kúnnen bastap EDB-nyń kredıttik qarajatty ıgerý merzimi:
ınvestısııalyq maqsattarǵa beriletin kredıtter boıynsha – 12 aı;
aınalym qarajatyn tolyqtyrý jáne buryn berilgen EDB qaryzdaryn qaıta qarjylandyrý maqsattaryna beriletin kredıtter boıynsha – 6 aı.
5) EDB-ǵa kredıt berý valıýtasy – teńge;
6) EDB úshin «Damý» KDQ» AQ-dan qarajat tartý mólsherlemesi men ShOKS-qa kredıt berý mólsherlemesi arasyndaǵy aıyrma jyldyq 4,0 %-dan aspaýy tıis;
7) «Damý» KDQ» AQ men EDB arasynda jasalǵan kredıttik kelisim sheńberinde:
Memlekettik komıssııa maquldaǵan EDB lımıtiniń 25 %-dan aspaıtyn úlesin ShOKS-qa berilgen qaryzdardy qaıta qarjylandyrý úshin EDB baǵyttaıtyn qaryzdardyń úlesi quraıdy;
Memlekettik komıssııa maquldaǵan EDB lımıtiniń 25 %-dan aspaıtyn úlesin ShOKS-tyń aınalym qarajatyn tolyqtyrý maqsattary úshin EDB baǵyttaıtyn qaryzdardyń úlesi quraıdy;
Memlekettik komıssııa maquldaǵan EDB lımıtiniń 50 %-dan aspaıtyn úlesin ShOKS-tyń jańa jobalaryn qarjylandyrý úshin EDB baǵyttaıtyn qaryzdardyń úlesi quraıdy;
Bul rette, Memlekettik komıssııa maquldaǵan EDB lımıtiniń keminde 25 %-yn ShOKS-tyń tamaq ónerkásibindegi jobalaryn qarjylandyrý jáne qaıta qarjylandyrý úshin EDB baǵyttaıtyn qaryzdardyń úlesi quraıdy.
5. «QDB» AQ Qazaqstan Respýblıkasynyń azamattyq zańnamasyna sáıkes EDB-men mynadaı sharttarda banktik qaryz shartyn jasasady:
1) Memlekettik komıssııa maquldaǵan lımıtter sheginde qamtamasyz etýsiz QR UB-da EDB-nyń jeke banktik shottarynda kredıt qarajatyn ornalastyrý;
2) syıaqy mólsherlemesi – jyldyq 2 %-dan aspaıdy;
3) EDB-nyń kredıt berý merzimi – 20 jylǵa deıin;
4) qarajat EDB shotyna túsken kúnnen bastap EDB-nyń kredıttik qarajatty ıgerý merzimi:
ınvestısııalyq maqsattarǵa beriletin kredıtter boıynsha – 18 aı;
aınalym qarajatyn tolyqtyrý jáne buryn berilgen EDB qaryzdaryn qaıta qarjylandyrý maqsattaryna beriletin kredıtter boıynsha – 6 aı.
5) EDB-ǵa kredıt berý valıýtasy – teńge;
6) EDB úshin «QDB» AQ-dan qarajat tartý mólsherlemesi men IKS-ke kredıt berý mólsherlemesi arasyndaǵy aıyrma jyldyq 4,0 %-dan aspaýy tıis;
7) «QDB» AQ men EDB arasynda jasalǵan banktik qaryz shartynyń sheńberinde:
Memlekettik komıssııa maquldaǵan EDB lımıtiniń 25 %-dan aspaıtyn úlesin IKS-ke berilgen qaryzdardy qaıta qarjylandyrý úshin EDB baǵyttaıtyn qaryzdardyń úlesi quraıdy;
Memlekettik komıssııa maquldaǵan EDB lımıtiniń 25 %-dan aspaıtyn úlesin IKS-tyń aınalym qarajatyn tolyqtyrý maqsattary úshin EDB baǵyttaıtyn qaryzdardyń úlesi quraıdy;
Memlekettik komıssııa maquldaǵan EDB lımıtiniń 50 %-dan aspaıtyn úlesin IKS-tyń jańa jobalaryn qarjylandyrý úshin EDB baǵyttaıtyn qaryzdardyń úlesi quraıdy;
6. EDB ornalastyrylǵan kredıt qarajatyn maqsatty paıdalaný jáne ıgerý boıynsha «Damý» KDQ» AQ men «QDB» AQ aldynda esep beredi.
EDB-nyń esepter berý tártibi, nysany jáne merzimdiligi, sondaı-aq osy Josparda kózdelmegen EDB-nyń kredıtter berýiniń ózge sharttary tıisti kredıttik kelisimmen, banktik qaryz shartymen belgilenedi.
EDB-ǵa bólinetin qarajatty Memlekettik komıssııa aıqyndaǵan ShOKS jáne IKS jobalaryn qarjylandyrý úshin óńdeý ónerkásibi salalarynyń tizbesine enbeıtin jobalardy iske asyrýǵa jiberýge tyıym salynady.
EDB-ǵa bólinetin qarajatty qarjy quraldaryna ınvestısııalaýǵa jáne/nemese olarmen operasııalar júrgizýge, sondaı-aq sheteldik valıýtany satyp alý úshin valıýta naryǵyna baǵyttaýǵa tyıym salynady.
EDB aı saıynǵy negizde kásipkerlik sýbektileriniń buryn berilgen qaryzdaryn óteý esebinen bosatylǵan qarajatty QR UB-daǵy óziniń jeke banktik shottaryna esepke jazýdy júzege asyrady.
EDB kásipkerlik sýbektilerin qarjylandyrýdy, onyń ishinde kredıttik kelisimniń, banktik qaryz sharttarynyń jáne Jospardyń osy bóliminiń 8 jáne 9-tarmaqtarynyń talaptaryna sáıkes kásipkerlik sýbektilerine buryn berilgen qaryzdar boıynsha qaıtarylǵan qarajat esebinen qarjylandyrýdy júzege asyrady.
7. ShOKS jáne IKS jobalaryn qarjylandyrý sheńberinde jyldyq tıimdi syıaqy mólsherlemesi QR UB talaptaryna sáıkes aıqyndalady.
Kásipkerlik sýbektileriniń qaryz boıynsha mindettemelerdi buzý sebebinen alyp qoıylatyn komıssııalardy, alymdardy jáne/nemese basqa tólemderdi qospaǵanda, kásipkerlik sýbektisiniń qaryzyna baılanysty komıssııalar, alymdar jáne/nemese ózge tólemder alynbaıdy.
ShOKS jáne IKS múlikti baǵalaý jáne saqtandyrý boıynsha shyǵystardy tóleıdi.
8. EDB bólingen qarajatty maqsatsyz paıdalanǵan jáne/nemese ýaqtyly ıgermegen jaǵdaıda, «Damý» KDQ» AQ jáne «QDB» AQ tıisti kredıttik kelisimdi, banktik qaryz shartyn merziminen buryn buzýǵa jáne joǵaryda atalǵan buzýshylyqtar anyqtalǵan ornalastyrylǵan qarajatty keri qaıtaryp alýǵa quqyly. Bosatylǵan jáne keri qaıtarylyp alynǵan qarajatty EDB arasynda qaıta bólý boıynsha másele Memlekettik komıssııanyń qaraýyna shyǵarylady.
9. Damý» KDQ» AQ men EDB arasynda jasalǵan kredıttik kelisimder, «QDB» AQ men EDB arasynda jasalǵan banktik qaryz sharttary boıynsha qaryzdardy EDB merziminen buryn ótegen jaǵdaıda, atalǵan qarajatty qaıtalap paıdalaný Memlekettik komıssııanyń tıisti sheshiminiń negizinde júzege asyrylady.
О́ńdeý ónerkásibinde shaǵyn jáne orta kásipkerlik
sýbektilerin qarjylandyrý sharttary
1. Nysanaly top – birinshi baǵyt boıynsha óńdeý ónerkásibinde jobalardy iske asyratyn ShOKS.
2. Mynalar:
1) aksızdeletin taýarlardy shyǵarýdy kózdeıtin jobalardy iske asyratyn;
2) quryltaıshylary ulttyq basqarýshy holdıngter, ulttyq holdıngter, ulttyq kompanııalar jáne aksııalarynyń (jarǵylyq kapıtalǵa qatysý úlesteriniń) elý jáne odan kóp paıyzy tikeleı nemese janama túrde memleketke, ulttyq basqarýshy holdıngke, ulttyq holdıngke, ulttyq kompanııaǵa tıesili ShOKS, sondaı-aq kommersııalyq emes uıymdar qatysýshylar bola almaıdy.
3. ShOKS-tyń maquldanǵan ótinimderine kredıt berý maqsatynda EDB QR UB-daǵy EDB-nyń jeke banktik shotynan qarajatty esepten shyǵarý úshin qajetti somalardy «Damý» KDQ» AQ-men aldyn ala kelisýdi júzege asyrady.
4. Kredıtter ShOKC-qa maqsatty paıdalaný, aqylylyq, merzimdilik, qaıtarymdylyq jáne qamtamasyz etilý sharttarymen beriledi, onyń ishinde:
1) QR UQ qarajatynyń esebinen berilgen barlyq kredıtter úshin bir ShOKS-qa beriletin qarjylandyrýdyń eń joǵary lımıti – 1850000000 teńge;
2) kredıt berý merzimi:
jańa jobalarǵa jáne ShOKS-tyń qoldanystaǵy ınvestısııalyq qaryzdaryn qaıta qarjylandyrýǵa – 10 jyldan aspaıdy;
aınalym qarajatyn tolyqtyrýǵa jáne aınalym qarajatyn tolyqtyrý maqsatynda berilgen qoldanystaǵy qaryzdardy qaıta qarjylandyrýǵa – 5 jyldan aspaıdy;
1) ShOKS úshin nomınaldy syıaqy mólsherlemesi – jyldyq 6,0 %-dan aspaıdy;
2) kredıt berý valıýtasy – teńge.
О́ńdeý ónerkásibinde iri kásipkerlik sýbektilerin qarjylandyrý sharttary
1. Nysanaly top – ekinshi baǵyt boıynsha óńdeý ónerkásibinde jobalardy iske asyratyn IKS.
2. Mynalar:
1) aksızdeletin taýarlardy shyǵarýdy kózdeıtin jobalardy iske syratyn;
2) quryltaıshylary ulttyq basqarýshy holdıngter, ulttyq holdıngter, ulttyq kompanııalar jáne aksııalarynyń (jarǵylyq kapıtaldaǵy qatysý úlesteriniń) elý jáne odan kóp paıyzy tikeleı nemese janama túrde memleketke, ulttyq basqarýshy holdıngke, ulttyq holdıngke, ulttyq kompanııaǵa tıesili IQS qatysýshylar bola almaıdy.
3. IKS-tiń maquldanǵan ótinimderine kredıt berý maqsatynda EDB QR UB-daǵy EDB-nyń jeke banktik shotynan qarajatty esepten shyǵarý úshin qajetti somalardy «QDB» AQ-men aldyn ala kelisýdi júzege asyrady.
4. Kredıtter IKC-ke maqsatty paıdalaný, aqylylyq, merzimdilik, qaıtarymdylyq jáne qamtamasyz etilý sharttarymen beriledi, onyń ishinde:
1) QR UQ qarajatynyń esebinen berilgen barlyq kredıtter úshin bir IKS-ke beriletin qarjylandyrý lımıti – 200000000 teńgeden 5000000000 teńgege deıin;
2) kredıt berý merzimi:
jańa jobalarǵa jáne IKS-tyń qoldanystaǵy ınvestısııalyq qaryzdaryn qaıta qarjylandyrýǵa – 10 jyldan aspaıdy;
aınalym qarajatyn tolyqtyrýǵa jáne aınalym qarajatyn tolyqtyrý maqsatynda berilgen qoldanystaǵy qaryzdardy qaıta qarjylandyrýǵa – 5 jyldan aspaıdy.
3) IKS úshin nomınaldy syıaqy mólsherlemesi – jyldyq 6,0 %-dan aspaıdy;
4) kredıt berý valıýtasy – teńge;
5) ınvestısııalarǵa kredıt berý boıynsha negizgi qaryzdy tóleý boıynsha jeńildikti kezeń – túpkilikti qaryz alýshynyń kredıtti ıgerýdi bastaǵan kúninen bastap 24 aıdan aspaıdy.
Ekinshi deńgeıdegi bankterge qoıylatyn talaptar
1. Halyqaralyq reıtıng agenttigi bergen kredıt reıtınginiń «V–» tómen bolmaýy.
2. Qazaqstan Respýblıkasynyń keminde 5 óńirinde fılıaldar jelisiniń bolýy.
3. Negizgi qaryz jáne (nemese) qaryz qarajatyn berý kúnine eseptelgen syıaqy boıynsha 90 kúnnen astam merzimi ótip ketken bereshegi bar kredıtter deńgeıi 15 %-dan joǵary EDB úshin QR UB-men jeke kelisim jasasý talaby qosymsha belgilenedi. Jeke kelisimde EDB-nyń negizgi qaryz jáne (nemese) eseptelgen syıaqy boıynsha 90 kúnnen asyp ketken bereshegi bar kredıtter deńgeıin QR UB belgilegen merzimde 15 %-ǵa deıin tómendetý mindeti kózdeletin bolady. EDB jeke kelisimniń sharttaryn oryndamaǵan jaǵdaıda, qarajatty «Damý» KDQ» AQ-ǵa jáne «QDB» AQ-ǵa qaıtarý kózdeledi.
Monıtorıng
1. «Damý» KDQ» AQ jáne «QDB» AQ osy Jospardy iske asyrýǵa qatysatyn EDB qarjylyq-ekonomıkalyq jaǵdaıyna taldaýdy turaqty negizde júzege asyratyn bolady.
2. «Damý» KDQ» AQ jáne «QDB» AQ:
1) EDB-nyń qarajatty maqsatty paıdalanýy men ýaqtyly ıgerýine;
2) ShOKS jáne IKS alǵan qarajattyń maqsatty paıdalanylýyna monıtorıngti júzege asyratyn bolady.
3. EDB «Damý» KDQ» AQ-ǵa, «QDB» AQ-ǵa qarajatty ıgerý týraly esepterdi turaqty negizde jiberetin bolady. Esepti berý nysany men merzimderi tıisti kredıttik kelisimde, banktik qaryz shartynda kórsetiledi.
«Damý» KDQ» AQ jáne «QDB» AQ osy tarmaqtyń talaptaryna sáıkes EDB-den alynǵan aqparatty Qazaqstan Respýblıkasy Prezıdentiniń 2014 jylǵy 18 sáýirdegi № 281 ókimimen qurylǵan QR UQ-dan bólingen qarajattyń jumsalýyn baqylaý jónindegi komıssııaǵa (budan ári – Komıssııa) jáne «Báıterek» UBH» AQ-ǵa beredi.
4. EDB qarjylandyrylǵan sýbektilerge monıtorıng júrgizedi. Bul rette kásipkerlik sýbektisiniń qarjylandyrylǵan árbir jobasy boıynsha jeke kredıt dereknamasy júrgiziledi, onda kásipkerlik sýbektisiniń qarajatty maqsatty paıdalanǵanyn rastaıtyn qujattar saqtalýy tıis.
5. «Damý» KDQ» AQ jáne «QDB» AQ osy Jospar sheńberinde bólinetin qarajat boıynsha EDB-nyń tólem tártibin qadaǵalaıtyn bolady.
6. «Damý» KDQ» AQ jáne «QDB» AQ Komıssııaǵa Qazaqstan Respýblıkasynyń qoldanystaǵy zańnamasyna qaıshy kelmeıtin kólemde QR UQ-nyń EDB-daǵy qarajaty esebinen qaryzdar alǵan túpkilikti qaryz alýshylar, sondaı-aq EDB-ǵa kredıt alý úshin ótinish bildirgen kásipkerlik sýbektileri jáne EDB-dan kredıt berý týraly oń sheshim alǵan kásipkerlik sýbektileri týraly aqparat beredi.
------------------------------------
1 «Qazaqstan Respýblıkasyn údemeli ındýstrııalyq-ınnovasııalyq damytý jónindegi 2010 – 2014 jyldarǵa arnalǵan memlekettik baǵdarlamanyń kórsetkishteri» statıstıkalyq bıýlleteni (http://www.stat.gov.kz/faces/wcnav_externalId/publicationsGPFIIR)
2 «Qazaqstannyń jáne onyń óńirleriniń ónerkásibi» statıstıkalyq jınaǵy (http://www.stat.gov.kz/faces/wcnav_externalId/publicationsCompilations)
3 Qazaqstan Respýblıkasyn ındýstrııalyq-ınnovasııalyq damytýdyń 2015 – 2019 jyldarǵa arnalǵan tujyrymdamasy
4 «Qazaqstan Respýblıkasyndaǵy ınvestısııalyq qyzmet týraly» statıstıkalyq bıýlleteni (http://www.stat.gov.kz/faces/wcnav_externalId/homeNumbersInvestment)
5 UB statıstıkalyq bıýlleteni (http://www.nationalbank.kz/?docid=310)