2014 jylǵy 24 jeltoqsan, Almaty qalasy
Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttigi Basqarmasynyń «Baǵaly qaǵazdarmen jáne ózge qarjy quraldarymen saýda-sattyq uıymdastyrýshylardyń qyzmetin júzege asyrý erejesin bekitý týraly» 2008 jylǵy 29 qazandaǵy № 170 qaýlysyna ózgerister engizý týraly
Qazaqstan Respýblıkasynyń normatıvtik quqyqtyq aktilerin jetildirý maqsatynda Qazaqstan Respýblıkasy Ulttyq Bankiniń Basqarmasy qaýly etedi:
1. Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttigi Basqarmasynyń «Baǵaly qaǵazdarmen jáne ózge qarjy quraldarymen saýda-sattyq uıymdastyrýshylardyń qyzmetin júzege asyrý erejesin bekitý týraly» 2008 jylǵy 29 qazandaǵy № 170 qaýlysyna (Normatıvtik quqyqtyq aktilerdi memlekettik tirkeý tiziliminde № 5406 tirkelgen, 2009 jylǵy 14 qańtarda «Zań gazeti» gazetinde № 5 (1428) jarııalanǵan) mynadaı ózgerister engizilsin:
kórsetilgen qaýlymen bekitilgen Baǵaly qaǵazdarmen jáne ózge qarjy quraldarymen saýda-sattyq uıymdastyrýshylardyń qyzmetin júzege asyrý erejesinde:
2-tarmaq mynadaı redaksııada jazylsyn:
«2. Baǵaly qaǵazdar naryǵynyń kásibı qatysýshylary jáne Qazaqstan Respýblıkasynyń zańnamasyna sáıkes baǵaly qaǵazdardy qospaǵanda, ózge qarjy quraldarymen mámilelerdi júzege asyrýǵa quqyǵy bar ózge zańdy tulǵalar qor bırjasynyń músheleri bolyp tabylady.
Olar úshin Normatıvtik quqyqtyq aktilerdi memlekettik tirkeý tiziliminde № 3916 tirkelgen Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttigi Basqarmasynyń «Qor bırjasyna múshelik úshin sheteldik zańdy tulǵalarǵa qoıylatyn talaptar týraly» 2005 jylǵy 30 qyrkúıektegi № 360 qaýlysymen jáne qor bırjasynyń qaǵıdalarymen bekitilgen talaptarǵa sáıkes keletin sheteldik zańdy tulǵalar qor bırjasynyń músheleri bolyp tabylady.
Baǵaly qaǵazdar naryǵynyń kásibı qatysýshylary ǵana baǵa belgileý uıymynyń klıentteri bola alady.
Qor bırjasynyń múshesi bolý (baǵa belgileý uıymynyń klıenti bolyp qabyldaný) sharttary men tártibi onyń qaǵıdalarymen aıqyndalady.»;
9-tarmaq mynadaı redaksııada jazylsyn:
«9. Qor bırjasynyń múshesi – broker jáne (nemese) dıler qor bırjasyn ýákiletti organ osy brokerge jáne (nemese) dılerge jáne (nemese) onyń qyzmetkerlerine qatysty qabyldaǵan kez kelgen sanksııalar men shekteýli yqpal etý sharalary týraly habardar etedi.»;
34-1-tarmaq mynadaı redaksııada jazylsyn:
«34-1. Qazaqstan Respýblıkasynyń memlekettik baǵaly qaǵazdarymen (Qazaqstan Respýblıkasynyń jergilikti atqarýshy organdarynyń oblıgasııalaryn qospaǵanda) saýda-sattyqqa olardy bastapqy ornalastyrý kezinde qor bırjasynyń tıisti múshelik sanatyndaǵy músheleri qatysady.
Ekinshi deńgeıdegi bankter bolyp tabylmaıtyn brokerler jáne (nemese) dılerler kórsetilgen saýda-sattyqqa óz klıentteriniń esebinen jáne múddesi úshin, básekeli (lımıt berilgen) jáne básekeli emes ótinimder berý arqyly ǵana jáne osyndaı ótinimderdi qor bırjasynyń ishki qujattaryna sáıkes qamtamasyz etken jaǵdaıda ǵana qatysady. Bırja brokerler jáne (nemese) dılerler bergen ótinimderde baǵanyń qamtamasyz etilýi men bolýyn baqylaý, sondaı-aq Qazaqstan Respýblıkasynyń memlekettik baǵaly qaǵazdarymen saýda-sattyq júrgizý kezinde manıpýlıasııalaýǵa jol bermeý maqsatynda onyń ishki qujattarynda kózdelgen tártippen baqylaý júrgizedi.
Osy tarmaqtyń talaby Qazaqstan Respýblıkasy Ulttyq Bankiniń brokerlik qyzmet kórsetý týraly ne senimgerlik basqarý sharttary jasalǵan klıentterdiń esebinen jáne múddesi úshin ǵana, Qazaqstan Respýblıkasynyń memlekettik baǵaly qaǵazdarymen saýda-sattyqqa olardy bastapqy ornalastyrý kezinde qatysý jaǵdaılaryna qoldanylmaıdy.»;
37-tarmaqtyń 4) tarmaqshasy mynadaı redaksııada jazylsyn:
«4) qor bırjasynyń resmı tizimine engizilgen Qazaqstan Respýblıkasynyń jáne basqa memleketterdiń zańnamasyna sáıkes Qazaqstan Respýblıkasynyń rezıdenti-uıymdar shyǵarǵan, mynadaı talaptarǵa saı keletin memlekettik emes boryshtyq baǵaly qaǵazdar boıynsha:
boryshtyq baǵaly qaǵazdar emıtentiniń memlekettik tirkeýi onyń baǵaly qaǵazdaryn qor bırjasynyń resmı tizimine engizý týraly ótinish berilgen kúnge deıin keminde eki jyl buryn júzege asyrylǵan;
boryshtyq baǵaly qaǵazdar emıtenti qarjylyq eseptilikti halyqaralyq qarjylyq eseptilik standarttaryna (International Financial Reporting Standards - IFRS) (budan ári - HQES) nemese Amerıka Qurama Shtattarynda qoldanylatyn qarjylyq eseptilik standarttaryna (General Accepted Accounting Principles - GAAP) (budan ári – AQSh QES) sáıkes jasalǵan;
boryshtyq baǵaly qaǵazdar emıtentiniń qarjylyq eseptiliginiń aýdıtin qor bırjasymen tanylatyn aýdıtorlyq uıymdardyń tizilimine kiretin aýdıtorlyq uıymdardyń biri júrgizgen;
boryshtyq baǵaly qaǵazdar emıtentiniń aýdıtorlyq eseppen rastalǵan qarjylyq eseptiligi keminde aıaqtalǵan eki qarjy jyly buryn berilgen;
boryshtyq baǵaly qaǵazdar emıtentiniń menshikti kapıtaly aýdıtorlyq eseppen rastalǵan sońǵy esepti kúnine jasalǵan qarjylyq eseptilikke sáıkes, tıisti qarjy jylyna respýblıkalyq bıýdjet týraly zańda belgilengen aılyq eseptik kórsetkishtiń keminde eki mıllıon elý myń eselik mólsherine balamaly somany quraıdy;
boryshtyq baǵaly qaǵazdar emıtentiniń taza paıdasy sońǵy eki jyldyń birinde aýdıtorlyq eseppen rastalǵan sońǵy esepti kúnine jasalǵan qarjylyq eseptilikke sáıkes, tıisti qarjy jylyna respýblıkalyq bıýdjet týraly zańda belgilengen aılyq eseptik kórsetkishtiń keminde seksen bes myń alty júz eselik mólsherine balamaly somany quraıdy;
lızıngilik uıymdy jáne kredıttik seriktestikti qospaǵanda, qarjy uıymy bolyp tabylmaıtyn uıym - boryshtyq baǵaly qaǵazdar emıtentiniń árbir sońǵy eki jyl úshin negizgi qyzmeti boıynsha satý kólemi aýdıtorlyq eseppen rastalǵan jasalǵan qarjylyq eseptiliktiń derekteri boıynsha tıisti qarjy jylyna respýblıkalyq bıýdjet týraly zańda belgilengen aılyq eseptik kórsetkishtiń keminde eki mıllıon elý myń eselik mólsherine balamaly somany quraıdy;
boryshtyq baǵaly qaǵazdar emıtenti aksıonerleriniń jalpy jınalysynda bekitilgen korporatıvtik basqarý kodeksiniń bolýy;
boryshtyq baǵaly qaǵazdar qor bırjasynyń resmı tiziminde bolǵan kezde osyndaı baǵaly qaǵazdar boıynsha market-meıkerdiń bolýy;
boryshtyq baǵaly qaǵazdar emıtentiniń quryltaı qujattarynda jáne (nemese) baǵaly qaǵazdar shyǵarylymy prospektisinde baǵaly qaǵazdardyń menshik ıesiniń olardy ıeliginen alý (berý) quqyqtaryna qysym jasamaıtyn nemese shektemeıtin normalardyń bolmaýy;»;
50-tarmaqtyń 1) tarmaqshasy mynadaı redaksııada jazylsyn:
«1) qor bırjasynyń resmı tizimindegi «aksııalar» sektorynyń birinshi sanatyna engizilgen emıtent aksııasynyń baǵasyna bir saýda kúni ishinde on bes jáne odan kóp paıyzǵa ózgergen;».
2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Ulttyq Bank Tóraǵasy Q.KELIMBETOV.
Qaýly Qazaqstan Respýblıkasynyń Ádilet mınıstrliginde 2015 jylǵy 10 aqpanda Normatıvtik quqyqtyq kesimderdi memlekettik tirkeýdiń tizilimine №10219 bolyp engizildi.