2014 jylǵy 24 jeltoqsan, Almaty qalasy
«Qazaqstan Respýblıkasynyń Ulttyq Banki Basqarmasynyń «Qazaqstan Respýblıkasy Ulttyq Bankiniń qysqa merzimdi notalaryn shyǵarý, ornalastyrý, aınalysqa shyǵarý jáne óteý erejesin bekitý týraly» 2005 jylǵy 15 qyrkúıektegi № 108 qaýlysyna ózgerister men tolyqtyrýlar engizý týraly»
«Qazaqstan Respýblıkasynyń Ulttyq Banki týraly» 1995 jylǵy 30 naýryzdaǵy Qazaqstan Respýblıkasynyń Zańyna sáıkes Qazaqstan Respýblıkasy Ulttyq Bankiniń Basqarmasy qaýly etedi:
1. Qazaqstan Respýblıkasynyń Ulttyq Banki Basqarmasynyń «Qazaqstan Respýblıkasy Ulttyq Bankiniń qysqa merzimdi notalaryn shyǵarý, ornalastyrý, aınalysqa shyǵarý jáne óteý erejesin bekitý týraly» 2005 jylǵy 15 qyrkúıektegi № 108 qaýlysyna (Normatıvtik quqyqtyq aktilerdi memlekettik tirkeý tiziliminde № 3894 tirkelgen) mynadaı ózgerister men tolyqtyrýlar engizilsin:
taqyryby mynadaı redaksııada jazylsyn:
«Qazaqstan Respýblıkasy Ulttyq Bankiniń qysqamerzimdi nottaryn shyǵarý, ornalastyrý, aınalysqa shyǵarý jáne óteý qaǵıdalary men talaptaryn bekitý týraly»;
1-tarmaq mynadaı redaksııada jazylsyn:
«1. Qosa berilip otyrǵan Qazaqstan Respýblıkasy Ulttyq Bankiniń qysqamerzimdi nottaryn shyǵarý, ornalastyrý, aınalysqa shyǵarý jáne óteý qaǵıdalary men talaptary bekitilsin.»;
kórsetilgen qaýlymen bekitilgen Qazaqstan Respýblıkasy Ulttyq Bankiniń qysqa merzimdi notalaryn shyǵarý, ornalastyrý, aınalysqa shyǵarý jáne óteý erejesinde:
taqyryby mynadaı redaksııada jazylsyn:
«Qazaqstan Respýblıkasy Ulttyq Bankiniń qysqamerzimdi nottaryn shyǵarý, ornalastyrý, aınalysqa shyǵarý jáne óteý qaǵıdalary men talaptary»;
kirispesi mynadaı redaksııada jazylsyn:
«Osy Qaǵıdalar «Qazaqstan Respýblıkasynyń Ulttyq Banki týraly» 1995 jylǵy 30 naýryzdaǵy Qazaqstan Respýblıkasynyń Zańyna (budan ári – Ulttyq Bank týraly zań) sáıkes ázirlendi jáne Qazaqstan Respýblıkasy Ulttyq Bankiniń qysqamerzimdi nottaryn (budan ári – qysqamerzimdi nottar) shyǵarý, ornalastyrý, aınalysqa shyǵarý jáne óteý tártibi men talaptaryn aıqyndaıdy.»;
1-tarmaqtyń 10) tarmaqshasy alynyp tastalsyn;
12 jáne 13-tarmaqtar mynadaı redaksııada jazylsyn:
«12. Ulttyq Banktiń baǵaly qaǵazdar naryǵynyń sýbektilerin qadaǵalaý bólimshesi qysqamerzimdi nottardyń árbir shyǵarylymyna ulttyq sáıkestendirý nómirin beredi.
13. Qysqamerzimdi nottardy ornalastyrý osy Qaǵıdalardyń 1-qosymshasyna sáıkes nysan boıynsha Ulttyq Banktiń qysqamerzimdi nottarymen operasııalardy jasaý tártibi týraly sharttyń negizinde Bastapqy agentter arqyly júzege asyrylady.»;
27 jáne 28-tarmaqtar mynadaı redaksııada jazylsyn:
«27. Ýákiletti bólimshe qysqamerzimdi nottardy satyp alýǵa berilgen ótinimderdi osy Qaǵıdalardyń 4-qosymshasyna sáıkes nysan boıynsha Ulttyq Banktiń qysqamerzimdi nottary aýksıonynyń jıyntyq vedomosyna Astana qalasynyń ýaqytymen saǵat 11.30-ǵa jınaqtaıdy.
28. Ýákiletti bólimsheniń basshysy ne ol bolmaǵan jaǵdaıda onyń mindetin atqaratyn adam aýksıon jóninde alynǵan derekter negizinde Astana qalasynyń ýaqytymen saǵat 11.30-dan 12.00-ge deıin baǵa talaptary, aýksıonda qysqamerzimdi nottardy satyp alýǵa berilgen ótinimderdi qanaǵattandyrý kólemi jáne qosymsha ornalastyrýdy júrgizý qajettiligi týraly dereý sheshim qabyldaıdy, budan keıin aýksıonnyń jıyntyq vedomosyna qol qoıady.»;
36 jáne 37-tarmaqtar mynadaı redaksııada jazylsyn:
«36. Kelip túsken ótinimder osy Qaǵıdalardyń 6-qosymshasyna sáıkes nysan boıynsha Ulttyq Banktiń qysqamerzimdi nottaryn qosymsha ornalastyrýdyń jıyntyq vedomosyna jınaqtalady.
37. Ýákiletti bólimsheniń basshysy ne onyń ornyndaǵy adam qosymsha ornalastyrý jónindegi alynǵan derekterdiń negizinde qysqamerzimdi nottardy qosymsha ornalastyrýǵa qabyldanǵan ótinimderdi qanaǵattandyrý kólemi týraly sheshimdi qabyldaıdy, budan keıin jıyntyq vedomosqa qol qoıady. Ýákiletti bólimshe osy sheshim negizinde qysqamerzimdi nottardy qosymsha ornalastyrýdy júrgizedi. Qosymsha ornalastyrý kezinde ótinimderdi qanaǵattandyrýda olardyń Ulttyq Bankke naqty kelip túsý ýaqytyna basymdyq beriledi.»;
39-tarmaq mynadaı redaksııada jazylsyn:
«39. Bastapqy agenttermen kelisilgen dıskonttalǵan baǵalar boıynsha qysqamerzimdi nottardy satý nysanynda qysqamerzimdi nottardy ornalastyrýdy júrgizý týraly sheshim qabyldanǵan jaǵdaıda, ýákiletti bólimshe satý júrgizilgen kúni ýákiletti bólimsheniń basshysy ne ol bolmaǵan jaǵdaıda onyń mindetin atqaratyn adam belgilegen baǵalar sheginde, dıskonttalǵan baǵalar men kólemdi olarmen keliskennen keıin, tıisti shyǵarylymnyń qysqamerzimdi nottaryn satýdy júrgizý talaptaryn Astana qalasynyń ýaqytymen saǵat 12.00-ge deıin olarǵa jiberedi.»;
41 jáne 42-tarmaqtar mynadaı redaksııada jazylsyn:
«41. Kelip túsken ótinimder osy Qaǵıdalardyń 6-qosymshasyna sáıkes nysan boıynsha Ulttyq Banktiń qysqamerzimdi nottaryn satýdyń jıyntyq vedomosyna jınaqtalady.
42. Ýákiletti bólimsheniń basshysy ne ol bolmaǵan jaǵdaıda onyń mindetti atqaratyn adam dıskonttalǵan baǵalar boıynsha qysqamerzimdi nottardy satý nysanynda alynǵan derekter negizinde qysqamerzimdi nottardy satyp alýǵa qabyldanǵan ótinimderdi qanaǵattandyrý kólemi týraly sheshim qabyldaıdy, budan keıin jıyntyq vedomosqa qol qoıady. Ýákiletti bólimshe osy sheshim negizinde qysqamerzimdi nottardy ornalastyrýdy júrgizedi.»;
45-tarmaq mynadaı redaksııada jazylsyn:
«45. Ulttyq Bank belgilegen baǵa boıynsha jazylý nysanynda qysqamerzimdi nottardy ornalastyrýdy júrgizýge arnalǵan baǵany ýákiletti bólimsheniń basshysy ne ol bolmaǵan jaǵdaıda onyń mindetin atqaratyn adam aıqyndaıdy.»;
47 jáne 48-tarmaqtar mynadaı redaksııada jazylsyn:
«47. Kelip túsken ótinimder osy Qaǵıdalardyń 6-qosymshasyna sáıkes nysan boıynsha Ulttyq Banktiń qysqamerzimdi nottaryna jazylýdyń jıyntyq vedomosyna jınaqtalady.
48. Jazylý týraly alynǵan derekter negizinde ýákiletti bólimsheniń basshysy ne ol bolmaǵan jaǵdaıda onyń mindetin atqaratyn adam qysqamerzimdi nottarǵa jazylý úshin qabyldanǵan ótinimderdi qanaǵattandyrý kólemi týraly sheshim qabyldaıdy, budan keıin jıyntyq vedomosqa qol qoıady. Ýákiletti bólimshe osy sheshim negizinde qysqamerzimdi nottardy ornalastyrýdy júrgizedi. Jazylý kezinde ótinimder qanaǵattandyrylǵan kezde olardyń Ulttyq Bankke naqty kelip túsken ýaqyty eskeriledi.»;
50 jáne 51-tarmaqtar mynadaı redaksııada jazylsyn:
«50. Tıisti shyǵarylymnyń qysqamerzimdi nottaryn ornalastyrýdyń jıyntyq kólemi ýákiletti bólimshe basshysynyń ne ol bolmaǵan jaǵdaıda onyń mindetin atqaratyn adamnyń ókimimen bekitiledi.
51. Ulttyq Bank tıisti shyǵarylymnyń qysqamerzimdi nottaryn ornalastyrý tolyq aıaqtalǵannan keıin Astana qalasynyń ýaqytymen saǵat 17.00-den keshiktirmeı ortalyq depozıtarııge jáne Bastapqy agentterge ornalastyrý nátıjelerin jiberedi.»;
52-tarmaq alynyp tastalsyn;
53-tarmaq mynadaı redaksııada jazylsyn:
«53. Ulttyq Bank kólemi shamaly jáne aqsha-kredıt saıasatynyń mindetterin oryndaý úshin jetkiliksiz, qanaǵattandyrmaıtyn baǵa talaptary bolǵan jaǵdaıda, ýákiletti bólimsheden alynǵan derekter negizinde qysqamerzimdi nottardy ornalastyrýdyń ótpegendigin jarııalaıdy. Ornalastyrýdyń ótpegendigi týraly habarlandyrý ýákiletti bólimshe basshysynyń ne ol bolmaǵan jaǵdaıda onyń mindetin atqaratyn adamnyń ókimimen bekitiledi.»;
54-tarmaq mynadaı redaksııada jazylsyn:
«54. Ulttyq Bank shyǵarylym talaptarymen belgilegen aqy tóleý jáne qysqamerzimdi nottardy ornalastyrý kúni ýákiletti bólimshe jáne Bastapqy agentter tıisti shyǵarylymnyń qysqamerzimdi nottaryn ornalastyrý nátıjesin alǵannan keıin bir saǵat ishinde, biraq Astana qalasynyń ýaqytymen saǵat 17.00-den keshiktirmeı ortalyq depozıtarııdiń Qaǵıdalar jıyntyǵyna sáıkes tıisti buıryqtardy ortalyq depozıtarııge beredi.»;
64-tarmaq mynadaı redaksııada jazylsyn:
«64. Qysqamerzimdi nottardyń aınalysy óteý kúnine deıin bir jumys kúni buryn aıaqtalady.»;
66-tarmaq mynadaı redaksııada jazylsyn:
«66. Qysqamerzimdi nottarmen operasııalar Ulttyq Bank týraly zańǵa sáıkes júzege asyrylady jáne óteý kúnine deıin bir jumys kúni buryn toqtatylady.»;
67 jáne 68-tarmaqtar mynadaı redaksııada jazylsyn:
«67. Ortalyq depozıtarıı qysqamerzimdi nottardy óteý kúniniń aldyndaǵy jumys kúni Astana qalasynyń ýaqytymen saǵat 16.00-den keshiktirmeı qysqamerzimdi nottardy óteýden aqsha alýǵa quqyǵy bar qysqamerzimdi nottardy ustaýshylardyń tizimin qalyptastyrady jáne belgileıdi.
68. Ortalyq depozıtarıı qysqamerzimdi nottardy óteý kúniniń aldyndaǵy jumys kúni Astana qalasynyń ýaqytymen saǵat 16.30-den keshiktirmeı qysqamerzimdi nottar sany, tıisti shyǵarylymdy óteý kezinde tólenýge tıis soma jáne ortalyq depozıtarııdiń derektemeleri kórsetilgen qysqamerzimdi nottardyń tıisti shyǵarylymynyń aldaǵy ótelýi týraly málimetterdi ýákiletti bólimshege beredi.»;
76-tarmaq mynadaı redaksııada jazylsyn:
«76. Ulttyq Banktiń uıymdastyrylǵan naryqta qysqamerzimdi nottardy satyp alýy qor bırjasynyń saýda júıesi arqyly júzege asyrylady jáne mámile pasportymen nemese bırja kýáligimen resimdeledi.»;
mynadaı mazmundaǵy 76-1 jáne 76-2-tarmaqtarmen tolyqtyrylsyn:
«76-1. Mámile pasportynda, bırja kýáliginde mynadaı málimetter bolady:
1) qysqamerzimdi nottardyń ulttyq sáıkestendirý nómiri nemese saýda kody;
2) qysqamerzimdi nottardy shyǵarý jáne óteý kúni;
3) qysqamerzimdi nottardyń sany;
4) bir qysqamerzimdi nottyń quny;
5) óteý merzimi;
6) operasııa kólemi (jalpy somasy teńgemen);
7) óteýge kiristilik (paıyzben kórsetilgen);
8) mámile kúni.
76-2. Ortalyq depozıtarıı qor bırjasynyń buıryǵy negizinde qysqamerzimdi nottardy uıymdastyrylǵan naryqta satyp alýdy tirkeıdi.»;
85 jáne 86-tarmaqtar mynadaı redaksııada jazylsyn:
«85. Ulttyq Banktiń qysqa merzimdi nottardy merziminen buryn óteıtini týraly sheshim ýákiletti bólimshe basshysynyń ne ol bolmaǵan jaǵdaıda onyń mindetin atqarýshynyń ókimimen resimdeledi.
86. Ortalyq depozıtarıı satyp alynǵan baǵaly qaǵazdardy esepke alý jáne olardy ortalyq depozıtarııdiń qyzmet kórsetýinen shyǵarý úshin ýákiletti bólimshe basshysynyń ne ol bolmaǵan jaǵdaıda onyń mindetin atqarýshynyń qysqa merzimdi nottardy emıtenttiń qosalqy shotynan esepten shyǵarý arqyly merziminen buryn óteý týraly ókimi negizinde qysqa merzimdi nottardy merziminen buryn óteýdi tirkeıdi.»;
1-qosymshada:
Ulttyq Banktiń qysqamerzimdi nottarymen operasııalar jasaý tártibi týraly shartta:
«200_ jylǵy «___»____________» degen belgiler, sıfrlar jáne sózder «20__ jylǵy «___»____________» degen belgilermen, sıfrlarmen jáne sózdermen aýystyrylsyn.»;
kirispesi mynadaı redaksııada jazylsyn:
«Qazaqstan Respýblıkasynyń Ulttyq Banki» respýblıkalyq memlekettik mekemesi, budan ári «Ulttyq Bank» dep atalady, «Qazaqstan Respýblıkasynyń Ulttyq Banki týraly» Qazaqstan Respýblıkasynyń Zańy negizinde is-áreket jasaıtyn _________________________ arqyly, bir jaǵynan jáne ______________________________, budan ári «Bastapqy agent» dep atalady, __________ negizinde is-áreket jasaıtyn ____________________ arqyly, ekinshi jaǵynan, budan ári birlesip Taraptar dep atalyp, tómendegiler týraly osy Shartty jasady:»;
2.4.7-tarmaq mynadaı redaksııada jazylsyn:
«2.4.2. derektemeler ózgergen jaǵdaıda, olardy ózgertken kúnge deıingi 2 (eki) jumys kúnnen keshiktirmeı bul týraly jazbasha habarlaýǵa;»;
2.4.7-tarmaq mynadaı redaksııada jazylsyn:
«2.4.7. Ulttyq Bank tarapynan Bastapqy agentke sanksııalardy, shekteýli yqpal etý sharalaryn, erterek den qoıý sharalaryn qoldanýdyń barlyq jaǵdaılary týraly Ýákiletti bólimshege habarlaýǵa mindetti.»;
3 jáne 5-qosymshalarda «200_ jylǵy «___»____________» degen belgiler, sıfrlar jáne sózder «20__ jylǵy «___»____________» degen belgilermen, sıfrlarmen jáne sózdermen aýystyrylsyn.
2. Osy qaýly alǵashqy resmı jarııalanǵan kúninen keıin kúntizbelik eki kún ótken soń qoldanysqa engiziledi.
Ulttyq Bank Tóraǵasy Q.KELIMBETOV.
Qaýly Qazaqstan Respýblıkasynyń Ádilet mınıstrliginde 2015 jylǵy 10 aqpanda Normatıvtik quqyqtyq kesimderdi memlekettik tirkeýdiń tizilimine №10220 bolyp engizildi.