Oblystyq Qazaqstan halqy Assambleıasy ǵımaratynda «Svıatlo» polıak etnomádenı birlestigi ózderiniń qurylǵanyna 15 jyl tolýyn atap ótti. Merekelik saltanattyń shymyldyǵy etnomádenı birlestiktiń júrip ótken joly, atqarǵan qyzmetteri týraly beınefılm kórsetýden bastaldy.
Birlestiktiń 15 jyldyq mereıtoıyna arnalǵan sharany Aqtóbe oblysy boıynsha Qazaqstan halqy Assambleıasy hatshylyǵynyń meńgerýshisi Joldas Nýrshın qysqasha quttyqtaý sózimen ashyp, óńirde toqsannan astam ulttyń ókilderi bir atanyń balasyndaı tatý-tátti ómir súrip, turaqtylyq pen birlikte turmys keship jatqanyn maqtanysh sezimmen jetkizdi. Odan keıin sharaǵa qatysýshylarǵa oblystyq mádenıet, muraǵattar jáne qujattama basqarmasynyń basshysy Názıra Tabyldınova quttyqtaý sóz arnady, birlestik basshylaryna Alǵyshat tabys etti.
Almatydan arnaıy kelgen Polsha Respýblıkasynyń elshisi Anjeı Papısha jáne Polsha Respýblıkasy elshiliginiń birinshi keńesshisi Radoslav Grýk ózderiniń júrekjardy jyly sózderin jetkizip, jıynǵa qatysýshylardy búgingi tańdaǵy Polsha Respýblıkasynyń ishki-syrtqy jaǵdaılarynan habardar etti. Sońynan qashanda qýanyshtarǵa ortaqtasýǵa daıyn etnomádenı birlestikter birlesip konsert berdi.
Anjeı Papısha men Radoslav Grýkti oblys ákimi Arhımed Muhambetov qabyldady.
Satybaldy SÁÝIRBAI,
«Egemen Qazaqstan».
Aqtóbe oblysy.