ASTANA. 29 naýryz. Búgin, jeksenbi kúni О́zbekstanda el prezıdentiniń saılaýy bolyp ótti. Qazir barlyq saılaý ýchaskelerinde daýys berý aıaqtaldy. Bul týraly euronews habarlady.
«О́zbekstanda jeksenbi kúni eldiń jańa tarıhyndaǵy besinshi prezıdent saılaýy bolyp ótti. Onda munyń aldyndaǵy saılaýlardaǵy sııaqty, is basyndaǵy memleket basshysy Islam Karımovtiń jeńip shyǵatynyna eshkim kúmándanyp otyrǵan joq. Ol respýblıkany 1989 jyldan basqaryp keledi. Sońǵy ret 2007 jyly ótken saılaýdyń barysynda, resmı málimet boıynsha, saılaýshylardyń 88 paıyzynyń daýysyn alǵan bolatyn», - delingen habarlamada.
Búginde jasy 77-ge kelip otyrǵan Karımov saılaýaldy naýqan kezinde eldegi jemqorlyqpen kúreste qajetti qadamdardy jasap, turǵyndardyń ál-aýqatyn kóterýdi qamtamasyz etetinin málimdegen edi.
Saılaý bıýlletenderine odan basqa taǵy úsh úmitker engizildi. Olar: Akmal Saıdov – «Mıllıı tıklanısh» («Ulttyq jańǵyrý») demokratııalyq, Hatamjon Ketmonov – Halyq-demokratııalyq partııasy, Narımon Ýmarov Sosıal-demokratııalyq «Adolat» («Ádildik») partııasy attarynan daýysqa tústi.
Saılaý ýchaskelerine bizdiń elimizdiń 20 mıllıon 798 myń 52 azamaty tirkelgen.
Prezıdenttik saılaýdyń aldyn ala nátıjeleri dúısenbi kúni jarııalanady. Ortalyq saılaý komıssııasy osyǵan ýáde berip otyr.
Murat Aıtqoja.