2015 jylǵy 18 aqpan, Astana, Úkimet Úıi
Investorlar úshin «bir tereze» qyzmetin uıymdastyrý týraly qaǵıdalardy bekitý týraly
«Investısııalar týraly» 2003 jylǵy 8 qańtardaǵy Qazaqstan Respýblıkasynyń Zańy 12-2-babynyń 2-tarmaǵyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Investorlar úshin «bir tereze» qyzmetin uıymdastyrý týraly qaǵıdalar bekitilsin.
2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń
2015 jylǵy 18 aqpandaǵy № 70 qaýlysymen bekitilgen
Investorlar úshin «bir tereze» qyzmetin uıymdastyrý týraly qaǵıdalar
1. Jalpy erejeler
1. Osy Investorlar úshin «bir tereze» qyzmetin uıymdastyrý týraly qaǵıdalar (budan ári – Qaǵıdalar) «Investısııalar týraly» 2003 jylǵy 8 qańtardaǵy Qazaqstan Respýblıkasynyń Zańy 12-2-babynyń 2-tarmaǵyna sáıkes ázirlendi jáne Qazaqstan Respýblıkasynyń zańnamasyna sáıkes memlekettik qyzmetterdi usynatyn kórsetiletin qyzmetti berýshiler arqyly ınvestısııalyq basym jobalardy iske asyratyn ınvestorlar úshin «bir tereze» qyzmetiniń tártibin belgileıdi.
2. Osy Qaǵıdalardy qoldaný maqsattary úshin mynadaı sharttarǵa sáıkes keletin zańdy tulǵa ınvestısııalyq basym jobalardy iske asyratyn ınvestor nemese onyń zańdy ókili (budan ári – ınvestor) bolyp tabylady:
1) zańdy tulǵany memlekettik tirkeý ınvestısııalyq preferensııalar alýǵa ótinim berilgen kúnge deıin kúntizbelik on eki aıdan keıin júzege asyrylady;
2) zańdy tulǵa ınvestısııalyq basym jobalardy iske asyrý úshin aıqyndalǵan qyzmettiń basym túrleriniń tizbesine engizilgen qyzmet túrlerin júzege asyrady;
3) ınvestısııalyq basym jobany iske asyrý bir ınvestısııalyq kelisimshart sheńberinde ǵana júzege asyrylady.
3. Osy Qaǵıdalarda paıdalanylatyn negizgi uǵymdar:
1) ınvestısııalyq basym joba (budan ári – ınvestısııalyq joba) – tizbesin Qazaqstan Respýblıkasynyń Úkimeti bekitken belgili bir qyzmettiń basym túrleri boıynsha jańadan qurylǵan zańdy tulǵa iske asyratyn jáne respýblıkalyq bıýdjet týraly zańda belgilengen jáne ınvestısııalyq preferensııalar berýge ótinim berilgen kúni qoldanysta bolatyn aılyq eseptik kórsetkishtiń keminde eki mıllıon eselengen mólsherindegi ınvestısııalardy júzege asyrýdy kózdeıtin ınvestısııalyq joba;
2) ınvestısııalar jónindegi ýákiletti organ (budan ári – ýákiletti organ) – Qazaqstan Respýblıkasynyń Úkimeti aıqyndaıtyn, ınvestısııalyq kelisimsharttar jasasý jáne olardyń oryndalýyn baqylaý jónindegi memlekettik organ;
3) kórsetiletin qyzmetti berýshi – Qazaqstan Respýblıkasynyń zańnamasyna sáıkes memlekettik qyzmetter kórsetetin ortalyq memlekettik organdar, Qazaqstan Respýblıkasynyń sheteldegi mekemeleri, oblystardyń, respýblıkalyq mańyzy bar qalalardyń, astananyń, aýdandardyń, oblystyq mańyzy bar qalalardyń jergilikti atqarýshy organdary, qaladaǵy aýdandardyń, aýdandyq mańyzy bar qalalardyń, kentterdiń, aýyldardyń, aýyldyq okrýgterdiń ákimderi, sondaı-aq jeke jáne zańdy tulǵalar;
4) ınvestorlar úshin «bir tereze» qaǵıdaty boıynsha ınvestısııalyq jobany qoldaý (budan ári – ınvestısııalyq jobany qoldaý) – ınvestısııalyq jobany iske asyrýǵa baǵyttalǵan ınvestorǵa aqparattyq, konsýltasııalyq, uıymdastyrýshylyq járdemdesý jónindegi is-sharalar kesheni;
5) kórsetiletin qyzmetti berýshiniń qyzmetkeri – Qazaqstan Respýblıkasynyń zańnamasyna sáıkes memlekettik qyzmetti kórsetetin kórsetiletin qyzmetti berýshiniń qyzmetkeri;
6) ınternet-resýrs – ýákiletti organ aıqyndaıtyn, ınvestısııalyq jobany iske asyratyn ınvestorǵa memlekettik qyzmet kórsetý kezeńderiniń monıtorıngine arnalǵan ınternet-resýrs;
7) ınvestordyń ótinishi – ýákiletti organnyń buıryǵymen bekitilgen, ınvestor ýákiletti organǵa beretin ótinish nysany;
8) ótinim – ınvestordyń ótinishine qosa beriletin, memlekettik qyzmet kórsetý standartynda belgilengen ótinish nysany.
2. Investorlardy qabyldaý jáne olarǵa konsýltasııa
berýdi júzege asyrý
4. Ýákiletti organ ınvestorlarǵa memlekettik qyzmet kórsetýge ótinishterdi qabyldaýǵa jáne onyń nátıjelerin berýge arnalǵan, sondaı-aq Halyqqa qyzmet kórsetý ortalyǵynyń (budan ári – HQO) ókildigin ornalastyrý úshin arnaıy belgilengen oryndy (budan ári – arnaıy belgilengen oryn) uıymdastyrady.
5. Investorlar ınvestısııalyq jobalardy iske asyrý máseleleri boıynsha qabyldaý jáne konsýltasııa berý úshin ýákiletti organǵa júginedi.
6. Ýákiletti organ memlekettik kórsetiletin qyzmetter boıynsha, sondaı-aq ınvestısııalyq jobalardy iske asyrý máseleleri boıynsha ınvestorlarǵa konsýltasııa berýdi júzege asyrady.
7. Ýákiletti organ óz quzyreti sheńberinde jáne ózine júktelgen mindetterdi oryndaý maqsatynda Qazaqstan Respýblıkasynyń Úkimeti belgilegen tártippen Qazaqstan Respýblıkasynyń tıisti memlekettik organdarynyń mamandaryn, jeke jáne zańdy tulǵalarynyń qatarynan konsýltanttar men sarapshylardy tartýǵa quqyly.
8. Kórsetiletin qyzmetti berýshiler ınvestorlardyń memlekettik kórsetiletin qyzmetti alýǵa ótinimin daıyndaý jáne resimdeý úshin qajetti materıaldardy, qujattardy jáne ózge de aqparatty ýákiletti organǵa usynýdy qamtamasyz etedi.
9. Kórsetiletin qyzmetti berýshi ýákiletti organnyń ótinishi boıynsha memlekettik qyzmetti kórsetý tártibi týraly elektrondy nemese jazbasha nysanda dereý túsindirme berýdi qamtamasyz etedi.
10. Másele kúrdeli jáne ony qosymsha pysyqtaý qajet bolǵan jaǵdaıda, kórsetiletin qyzmetti berýshiler bir kún merzimde qaǵaz jáne (nemese) elektrondy nysanda osy Qaǵıdalardyń 21-tarmaǵyna sáıkes birlesken buıryqta kórsetilgen elektrondyq mekenjaı boıynsha jaýap beredi.
11. Ýákiletti organnyń suraý salýy (jazbasha nemese elektrondy nysanda) boıynsha kórsetiletin qyzmetti berýshiler bir kún merzimde ýákiletti organ aıqyndaǵan arnaıy belgilengen orynda memlekettik kórsetiletin qyzmetti alý máseleleri boıynsha ınvestorǵa konsýltasııa berý úshin mamandardyń qatysýyn qamtamasyz etedi.
12. Kórsetiletin qyzmetti berýshiler ýákiletti organmen kelisim boıynsha ýákiletti organnyń qyzmetkerleri úshin memlekettik qyzmet kórsetý máseleleri boıynsha oqytý jáne (nemese) semınarlar uıymdastyrady jáne ótkizedi.
3. Memlekettik qyzmet kórsetýge ótinishterdi qabyldaý
jáne olardyń nátıjelerin ınvestorlarǵa berý
13. Ýákiletti organǵa júgingen ınvestorlar memlekettik kórsetiletin qyzmet standartynda belgilengen tizbe boıynsha qujattardy qosa bere otyryp, memlekettik qyzmet kórsetýge ınvestordyń ótinishin, ótinimderdi (budan ári – ınvestorlardyń qujattary) usynady.
14. Memlekettik kórsetiletin qyzmettiń ár túri boıynsha ótinimge qosa beriletin qujattar tizbesi memlekettik kórsetiletin qyzmet standartynda belgilengen.
15. Ýákiletti organ tıisti túrde toltyrylǵan jáne ýákiletti organǵa usynylǵan ınvestorlardyń qujattaryn memlekettik kórsetiletin qyzmetti usyný úshin kórsetiletin qyzmetti berýshige jiberedi.
16. Ýákiletti organ memlekettik kórsetiletin qyzmet standartynda belgilengen merzimde ınvestorlarǵa memlekettik kórsetilgen qyzmetterdiń nátıjesin beredi.
17. Kórsetiletin qyzmetti berýshilerdiń ınvestordyń qujattaryn alǵan ýaqyty men ýákiletti organnyń ınvestordyń qaralǵan qujattarynyń nátıjelerin alǵan ýaqyty memlekettik kórsetiletin qyzmet standartynda belgilengen memlekettik qyzmet kórsetý merzimine kirmeıdi.
18. Kórsetiletin qyzmetti berýshiler memlekettik qyzmet kórsetý bóliginde zańnamadaǵy ózgerister týraly ýákiletti organǵa úsh jumys kúni ishinde habarlaıdy.
19. Ýákiletti organǵa kelip túsken aqparat qupııa bolyp tabylady.
20. О́tinishterdi qabyldaý jáne qujattardy berý ótinish berýshiniń qalaýy boıynsha memlekettik nemese orys tilderinde júzege asyrylady.
4. Memlekettik qyzmet kórsetý máseleleri boıynsha ýákiletti organ men memlekettik organdardyń arasyndaǵy ózara is-qımyl
21. Ýákiletti organ memlekettik qyzmet kórsetýge jaýapty memlekettik organdarmen birlesken buıryqpen memlekettik qyzmet kórsetý sheńberinde ózara is-qımyl jasaý jáne ýákiletti organnyń ınvestısııalyq basym jobany memlekettik organdarda qoldaýy úshin jaýapty adamdardy aıqyndaıdy.
22. Kórsetiletin qyzmetti berýshiler ýákiletti organǵa memlekettik qyzmetti kórsetý úshin qajetti materıaldardy, qujattardy jáne ózge de aqparatty berýdi, onyń ishinde Qazaqstan Respýblıkasynyń zańnamasyna sáıkes aqparattyq júıelerdi yqpaldastyrý arqyly berýdi qamtamasyz etedi.
23. Kórsetiletin qyzmetti berýshiler memlekettik kórsetiletin qyzmetter standarttarynda belgilengen merzimde ýákiletti organǵa memlekettik kórsetiletin qyzmettiń nátıjelerin jiberedi.
24. Ýákiletti organ kórsetiletin qyzmetti berýshiler aldynda ınvestısııalyq jobany iske asyratyn ınvestorlardyń qujattaryn qaraý týraly ótinishhat berýge jáne ınvestorlardyń qujattaryn kórsetiletin qyzmetti berýshilerge engizýge quqyly.
25. Kórsetiletin qyzmetti berýshiniń qyzmetkeri ınternet-resýrsta kestege sáıkes ótinimniń qaralý satylarynyń aqparatyn kórsetedi.
R/s
№ Memlekettik qyzmetti kórsetý merzimi Birinshi habarlama (memlekettik kórsetiletin qyzmettiń nátıjesin berý merzimine deıin) Ekinshi habarlama
(memlekettik kórsetiletin qyzmettiń nátıjesin berý merzimine deıin) Úshinshi habarlama
(memlekettik kórsetiletin qyzmettiń nátıjesin berý merzimine deıin)
1. 10 kúnge deıin 5 kún ishinde ---- ----
2. 20 kúnge deıin 10 kún ishinde 5 kún ishinde ----
3. 30 kúnge deıin 15 kún ishinde 10 kún ishinde 5 kún ishinde
4. 30 kúnnen joǵary 20 kún ishinde 15 kún ishinde kún ishinde
26. Kórsetiletin qyzmetti berýshilerdiń qyzmetkeri belgilengen kúnnen bastap eki jumys kúni ishinde kórsetiletin qyzmetti berýshi bul týraly ýákiletti organǵa habarlaıdy.
27. Kórsetiletin qyzmetti berýshiniń jaýapty adamymen jáne (nemese) qyzmetkerimen eńbek qatynastary toqtatylǵan jaǵdaıda, kórsetiletin qyzmetti berýshi bir kún merzimde kórsetiletin qyzmetti berýshiniń jaýapty adamyn jáne (nemese) qyzmetkerin belgileıdi jáne bul týraly ýákiletti organǵa habarlaıdy.
5. Ýákiletti organnyń ınvestısııalyq jobany memlekettik organdarda qoldaýy jáne ınvestorlar úshin memlekettik qyzmet kórsetý prosesiniń monıtorıngi
28. Ýákiletti organ ınvestorlardyń memlekettik kórsetiletin qyzmetti alý úshin ınvestorlardyń qujattaryn tapsyrǵan kezinen bastap jáne memlekettik kórsetiletin qyzmetter derekteriniń berilýine deıin ınvestorlarǵa memlekettik qyzmetterdiń ýaqtyly jáne tolyq kórsetilýi máseleleri boıynsha qoldaýdy júzege asyrady.
29. Ýákiletti organ ınvestordyń qujattaryn arnaıy belgilengen orynda qabyldaıdy.
30. Ýákiletti organ ınvestorlardyń memlekettik qyzmetti alýǵa arnalǵan qujattaryn memlekettik qyzmetti kórsetetin HQO-ǵa, kórsetiletin qyzmetti berýshige jiberedi.
31. Ýákiletti organ osy Qaǵıdalardyń 25-tarmaǵyna sáıkes kórsetiletin qyzmetti berýshi bergen aqparatqa taldaýdy júzege asyrady.
32. Kórsetiletin qyzmetti berýshiler memlekettik qyzmet kórsetý merzimderin buzǵan jaǵdaıda, ýákiletti organ dereý elektrondy jáne (nemese) jazbasha nysanda kórsetiletin qyzmetti berýshige osy buzýshylyqtardy joıý qajettiligi týraly habarlama jiberedi.
33. Memlekettik kórsetiletin qyzmetterdiń qaralý satylary týraly aqparat ınvestısııalyq jobany iske asyratyn ınvestor úshin ınternet-resýrsta onlaın rejımde qoljetimdi bolady.
34. Ýákiletti organ memlekettik qyzmettiń kórsetilýine monıtorıngti júzege asyrý úshin ınternet-resýrstyń jumys isteýin qamtamasyz etedi.
35. Ýákiletti organ ınvestorlarǵa ınvestısııalyq jobalardyń ınternet-resýrsyna ruqsat beredi.
36. Ýákiletti organ kórsetiletin qyzmetti berýshiniń qyzmetkerine ınvestısııalyq jobalardyń ınternet-resýrsyna ruqsat beredi.
37. Investorlardyń ótinimderi ınternet-resýrsta tirkeledi.
38. Investorlardyń memlekettik kórsetiletin qyzmetti alý úshin memlekettik qyzmetti berýshilerge jiberilgen qujattary boıynsha málimetter ınternet-resýrsqa engiziledi.