2015 jylǵy 19 aqpan, Astana, Úkimet Úıi
Joldarda kólik quraldarynyń júrisin toqtatý nemese ýaqytsha shekteý qaǵıdalaryn bekitý týraly
«Jol júrisi týraly» 2014 jylǵy 17 sáýirdegi Qazaqstan Respýblıkasynyń Zańy 9-babynyń 8) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Joldarda kólik quraldarynyń júrisin toqtatý nemese ýaqytsha shekteý qaǵıdalary bekitilsin.
2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2015 jylǵy 19 aqpandaǵy № 74 qaýlysymen bekitilgen
Joldarda kólik quraldarynyń júrisin toqtatý nemese ýaqytsha shekteý qaǵıdalary
1. Jalpy erejeler
1. Osy Joldarda kólik quraldarynyń júrisin toqtatý nemese ýaqytsha shekteý qaǵıdalary (budan ári – Qaǵıdalar) «Jol júrisi týraly» 2014 jylǵy 17 sáýirdegi Qazaqstan Respýblıkasynyń Zańy 9-babynyń 8) tarmaqshasyna sáıkes ázirlendi jáne joldarda kólik quraldarynyń júrisin toqtatý nemese ýaqytsha shekteý tártibin aıqyndaıdy.
2. Osy Qaǵıdalarda mynadaı uǵymdar paıdalanylady:
1) aıryqsha maqsattaǵy avtomobıl – kúzetiletin adamdardy tasymaldaýǵa jáne (nemese) olarmen birge ilesip júrýge arnalǵan kólik quraly;
2) áskerler kolonnasy – kók tústi nemese kók jáne qyzyl tústi jarqyldaýyq shamdary qosylyp turǵan bas kólik quralynyń bastaýymen farasyn únemi qosyp, bir qozǵalys jolaǵymen biriniń artynan biri tikeleı júrip kele jatqan jáne áskerı tasymaldardy júzege asyratyn Qazaqstan Respýblıkasynyń ulttyq qaýipsizdik, arnaýly memlekettik organdarynyń, Qarýly Kúshteriniń, basqa da áskerler jáne áskerı qurylymdarynyń úsh jáne odan kóp mehanıkalyq kóliktik quraldarynyń toby;
3) jol – jaılastyrylǵan nemese yńǵaılastyrylǵan jáne kólik quraldarynyń júrýi úshin paıdalanylatyn jerdiń barlyq bólingen jolaǵy ne jasandy qurylystyń ústi (jol bir nemese birneshe júrý bólikterin, sondaı-aq tramvaı joldaryn, trotýarlardy, jol jıekterin jáne olar bolǵan kezde bólý jolaqtaryn qamtıdy);
4) jol júrisi – joldar sheginde kólik quraldary arqyly nemese olarsyz adamdardyń jáne júkterdiń oryn aýystyrý prosesinde týyndaıtyn qoǵamdyq qatynastardyń jıyntyǵy;
5) jol júrisi qaýipsizdigi – qatysýshylarynyń jol-kólik oqıǵalary men olardyń zardaptarynan, sondaı-aq jol júrisiniń ekologııalyq jaǵdaıǵa, halyqtyń densaýlyǵyna teris áserinen qorǵalý dárejesin kórsetetin jol júrisiniń jaı-kúıi;
6) jol júrisi qaýipsizdigin qamtamasyz etý – jol-kólik oqıǵalaryn, jol júrisiniń ekologııalyq jaǵdaıǵa, halyqtyń densaýlyǵyna teris áserin bolǵyzbaýǵa, olardyń zardaptarynyń aýyrlyǵyn azaıtýǵa, sondaı-aq osyndaı zardaptardy joıýǵa baǵyttalǵan qyzmet;
7) jol júrisin uıymdastyrý – jol júrisin basqarý jónindegi uıymdyq-quqyqtyq, normatıvtik-ádistemelik, jobalaý-izdestirý, uıymdyq-tehnıkalyq, baqylaý-qadaǵalaý, ókimdik jáne basqa da is-sharalar kesheni;
8) jol júrisine qatysýshy – jol júrisi prosesine jaıaý júrginshi, jolaýshy nemese júrgizýshi retinde tikeleı qatysatyn adam;
9) jol ıeleri – joldyń menshik ıeleri bolyp tabylatyn nemese sharýashylyq júrgizý nemese jedel basqarý quqyǵynda joldardy basqarý jónindegi qyzmetti júzege asyratyn jeke nemese zańdy tulǵalar;
10) jol-kólik oqıǵasy (budan ári – JKO) – kólik quralynyń jolda júrýi prosesinde jáne onyń qatysýymen týyndaǵan, adamnyń densaýlyǵyna zııan keltirýge, ólimine, kólik quraldarynyń, qurylystardyń, júkterdiń búlinýine ne ózge de materıaldyq zalalǵa ákep soqqan oqıǵa;
11) kólik quraly – adamdardy, júkterdi nemese ústine ornatylǵan jabdyqty joldarmen tasymaldaýǵa arnalǵan qurylǵy.
3. Joldarda nemese jekelegen jol ýchaskelerinde jol júrisin ýaqytsha shekteý nemese oǵan tyıym salý:
1) jol júrisi qaýipsizdigine, onyń ishinde jeke adamdardyń ómirine jáne (nemese) densaýlyǵyna qater tóngen;
2) joldardyń saqtalýyna qater tóngen;
3) JKO;
4) atmosferalyq aýa hımııalyq jáne ózge de zattar konsentrattarynyń jol beriletin shekti normatıvterinen artyq lastanǵan;
5) dúleı zilzalalar, qolaısyz jol-klımat jaǵdaılary;
6) buqaralyq, sporttyq jáne ózge de is-sharalar ótkizgende kólik quraldary men jaıaý júrginshilerdiń qaýipsiz júrýi úshin qajetti jaǵdaılar jasaý maqsatynda ne kólik quraldaryn paıdalaný jol júrisi qaýipsizdigine qater tóndirgen;
7) eger temirjol ótpeleri jol júrisi qaýipsizdigin qamtamasyz etý talaptaryna saı kelmegen;
8) joldarda jóndeý-qurylys jáne basqa da jumystar júrgizilgen;
9) terrorızmge qarsy operasııalar jáne (nemese) kúzet is-sharalary júrgizilgen;
10) áleýmettik, tabıǵı jáne tehnogendik sıpattaǵy tótenshe jaǵdaılar men olardyń zardaptaryn boldyrmaý jáne (nemese) joıý jónindegi is-sharalar júrgizilgen;
11) joldardyń konstrýktıvtik elementteri jaı-kúıiniń kórsetkishteri jol júrisi qaýipsizdigin qamtamasyz etýdiń tehnıkalyq normalaryna sáıkes kelmegen;
12) mynalar:
joldardyń normatıvtik ótkizý qabiletin qamtamasyz etý maqsatynda aqyly qoljetimdilikti qamtamasyz etý;
belgilengen ýaqytta kólik quraldarynyń belgili bir sanattarynyń kirýine shekteý qoıý nemese tyıym salý;
júk jáne tranzıttik kólik quraldarynyń júrýin shekteý arqyly normatıvten artyq júkteme bolǵan;
13) mynadaı:
aıryqsha maqsattaǵy avtomobıldermen ilesip júrgen kezde;
uıymdastyrylǵan avtobýs kolonnalarynyń;
áskerler kolonnalarynyń jol júrisi qaýipsizdigin qamtamasyz etý jónindegi is-sharalar júrgizilgen jaǵdaılarda engiziledi.
2. Joldarda kólik quraldarynyń júrisin
toqtatý nemese ýaqytsha shekteý tártibi
4. Osy Qaǵıdalardyń 3-tarmaǵynda kózdelgen jaǵdaılar oryn alǵan kezde joldarda kólik quraldarynyń júrisin ýaqytsha toqtatý nemese oǵan ýaqytsha shekteý engizý týraly sheshimdi jol ıeleri ýákiletti organdarmen birlese otyryp, óz quzyreti sheginde qabyldaıdy.
5. Jol ıeleri osy Qaǵıdalardyń 3-tarmaǵynda kózdelgen jaǵdaılar oryn alǵan kezde bul týraly jol júrisine qatysýshylarǵa buqaralyq aqparat quraldary arqyly habarlaı otyryp, joldarda nemese jekelegen jol ýchaskelerinde jol júrisin ýaqytsha shekteý nemese toqtatý, ony uıymdastyrýdy ózgertý jóninde shuǵyl sharalar qoldanady.
6. Osy Qaǵıdalardyń 3-tarmaǵynda kózdelgen jaǵdaılar oryn alǵan kezde jol ıeleri habarlamalardy qabyldaýdy júzege asyrady, joldarda beketterdi uıymdastyrý men belgilerdi ornatýdy júrgizetin jol júrisi qatysýshylaryna jáne jol júrisi qaýipsizdigin qamtamasyz etý jónindegi ýákiletti organnyń aýmaqtyq bólimshelerine kólik quraldarynyń júrisin ýaqytsha toqtatý nemese ony shekteý týraly habarlaýdy qamtamasyz etedi.
7. Osy Qaǵıdalardyń 3-tarmaǵynyń 1), 2), 4), 5) jáne 11) tarmaqshalarynda kózdelgen jaǵdaılar oryn alǵan kezde mynadaı is-sharalar júrgiziledi:
1) jol ıeleri jol júrisi qaýipsizdigin qamtamasyz etý jónindegi ýákiletti organnyń aýmaqtyq bólimshelerimen birlesip, joldar nemese joldardyń jekelegen ýchaskeleri boıynsha kólik quraldarynyń júrisin toqtatý nemese ýaqytsha shekteý týraly sheshim qabyldaıdy;
2) jol ıeleri jol júrisi qaýipsizdigin qamtamasyz etý jónindegi jáne qorshaǵan ortany qorǵaý salasyndaǵy ýákiletti organdarmen birlesip, avtovokzaldardyń, kóliktik uıymdardyń kezekshi-dıspetcherlik qyzmetterine, sondaı-aq jol júrisi qaýipsizdigin qamtamasyz etý jónindegi ýákiletti organnyń kórshi oblystardaǵy aýmaqtyq bólimshelerine jáne shekaralas memleketterdiń tótenshe jaǵdaılar boıynsha memlekettik organdarǵa onyń saldarynyń aldyn alý jáne olardy joıý boıynsha jedel sharalardy qoldaný jáne kómek kórsetý úshin habarlaıdy;
3) jol júrisi qaýipsizdigin qamtamasyz etý jónindegi jáne qorshaǵan ortany qorǵaý salasyndaǵy ýákiletti organdar jol ıelerimen birlesip, kólik quraldarynyń qaýipsiz jáne kedergisiz júrip ótý úshin jaǵdaıdy qamtamasyz etedi.
8. Osy Qaǵıdalardyń 3-tarmaǵynyń 3), 7) tarmaqshalarynda jáne 13) tarmaqshasynyń úshinshi jáne tórtinshi abzastarynda kózdelgen jaǵdaılar oryn alǵan kezde mynadaı is-sharalar júrgiziledi:
1) jol ıeleri jol júrisi qaýipsizdigin qamtamasyz etý jónindegi ýákiletti organnyń aýmaqtyq bólimshelerimen birlesip, joldar nemese joldardyń jekelegen ýchaskeleri boıynsha kólik quraldarynyń júrisin toqtatý nemese ýaqytsha shekteý týraly sheshim qabyldaıdy;
2) jol ıeleri oqıǵa bolǵan jerge jol, avarııalyq-qutqarý, órt sóndirý jáne medısınalyq qyzmetterdiń, quqyq qorǵaý men arnaıy memlekettik organdardyń kólik quraldarynyń kedergisiz júrip ótýin qamtamasyz etedi.
9. Osy Qaǵıdalardyń 3-tarmaǵynyń 6) tarmaqshasynda kózdelgen is-sharalar ótkizilgen jaǵdaıda mynadaı is-sharalar júrgiziledi:
1) is-sharalardy ótkizýge jaýapty memlekettik organ is-shara ótkiziletin kúnge deıin úsh jumys kúni ishinde jol ıeleri men jol júrisi qaýipsizdigin qamtamasyz etý jónindegi ýákiletti organnyń aýmaqtyq bólimshelerine habarlaıdy;
2) jol ıeleri men jol júrisi qaýipsizdigin qamtamasyz etý jónindegi ýákiletti organnyń aýmaqtyq bólimsheleri is-sharalardy ótkizýge jaýapty memlekettik organ is-sharalardy ótkizý merzimi men tıisti syzbalardy usynǵan kezde osy is-sharalardy jazbasha túrde kelisedi.
10. Jol ıeleri jol júrisi qaýipsizdigin qamtamasyz etý jónindegi ýákiletti organmen birlesip, jóndeý-qurylys jumystaryn júrgizgen kezde tıisti jol belgilerin ornatyp jáne buqaralyq aqparat quraldary arqyly ol týraly jergilikti atqarýshy organdardy jáne avtomobıl joldaryn paıdalanýshylardy habardar etý arqyly kólik quraldarynyń júrisin toqtatý nemese jabý quqyǵyna ıe.
Osy Qaǵıdalardyń 3-tarmaǵynyń 8) tarmaqshasynda kózdelgen jaǵdaılar oryn alǵan kezde jol ıeleri ýaqytsha aınalma jol salý boıynsha jumystar júrgizedi.
11. Osy Qaǵıdalardyń 3-tarmaǵynyń 9) tarmaqshasynda kózdelgen jaǵdaı oryn alǵan kezde kólik quraldarynyń júrisin toqtatýdy nemese ýaqytsha shekteýdi terrorızmge qarsy operasııalardy jáne (nemese) qorǵaý is-sharalaryn ótkizý aımaǵynda terrorızmge qarsy operasııalarǵa qatysýshy laýazymdy adamdar júzege asyrady.
Aıryqsha maqsattaǵy avtomobılderdiń qaýipsiz júrisin qamtamasyz etý maqsatynda kólik quraldarynyń júrisin toqtatýdy nemese ýaqytsha shekteýdi Qazaqstan Respýblıkasynyń zańnamasyna sáıkes Qazaqstan Respýblıkasy Memlekettik qorǵaý qyzmetiniń jáne ulttyq qaýipsizdik organdarynyń sheshimi boıynsha laýazymdy adamdar júzege asyrady.
Qorǵaý is-sharalaryn júrgizý kezinde arnaıy trassalarda jáne olarǵa irgeles aýmaqtar men akvatorııalarda jóndeý, qurylys, montaj jáne ózge jumystardyń barlyq túriniń óndirisi Qazaqstan Respýblıkasy Memlekettik qorǵaý qyzmetiniń kelisimi boıynsha júzege asyrylady. Qorǵaý is-sharalaryn júrgizý kezeńinde arnaıy trassalarda jóndeý, qurylys, montaj jáne ózge jumystardyń barlyq túri toqtatylýy múmkin.
Terrorızmge qarsy operasııa júrgiziletin aımaqta terrorızmge qarsy operasııaǵa qatysýshy adamdar jeke adamdardy jergilikti jerdiń jekelegen ýchaskelerinen jáne obektilerden shyǵarý, kólik quraldarynyń, onyń ishinde dıplomatııalyq jáne konsýldyq ókildikterdiń kólik quraldarynyń jol júrisin, olardy súırep áketýdi qosa alǵanda, ýaqytsha shekteý nemese tyıym salý boıynsha is-sharalar ótkizedi.
12. Osy Qaǵıdalardyń 3-tarmaǵynyń 10) tarmaqshasynda kózdelgen jaǵdaı oryn alǵan kezde mynadaı is-sharalar júrgiziledi:
1) jol ıeleri jol júrisi qaýipsizdigin qamtamasyz etý jónindegi ýákiletti organnyń aýmaqtyq bólimshelerimen birlesip, joldar nemese joldardyń jekelegen ýchaskeleri boıynsha kólik quraldarynyń júrisin toqtatý nemese ýaqytsha shekteý týraly sheshim qabyldaıdy;
2) jol ıeleri jáne jol júrisi qaýipsizdigin qamtamasyz etý jónindegi ýákiletti organnyń aýmaqtyq bólimsheleri avtovokzaldardyń, kóliktik uıymdardyń kezekshi-dıspetcherlik qyzmetterine, sondaı-aq jol júrisi qaýipsizdigin qamtamasyz etý jónindegi ýákiletti organnyń kórshi oblystardaǵy aýmaqtyq bólimshelerine jáne shekaralas memleketterdiń tótenshe jaǵdaılar boıynsha memlekettik organdarǵa, onyń saldarynyń aldyn alý jáne olardy joıý boıynsha jedel sharalardy qoldaný jáne kómek kórsetý úshin habarlaıdy;
3) qutqarý jáne basqa da kezek kúttirmeıtin jumystardy júrgizý úshin jol ıeleri oqıǵa bolǵan jerge jol, avarııalyq-qutqarý, órt sóndirý jáne medısınalyq qyzmetterdiń kóliktik quraldarynyń kedergisiz júrip ótýin qamtamasyz etedi;
4) jaı-kúıi avtomobıl joldary salasyndaǵy ýákiletti oragan bekitken «Avtomobıl joldaryn paıdalaný kezindegi qaýipsizdik talaptary» tehnıkalyq reglamentinde belgilengen talaptarǵa sáıkes keletin joldardy kútip ustaý jumystaryn jol ıeleri júrgizedi.
13. Osy Qaǵıdalardyń 3-tarmaǵynyń 12) tarmaqshasynda kózdelgen jaǵdaı oryn alǵan kezde jol ıeleri joldar nemese joldardyń jekelegen ýchaskeleri boıynsha kólik quraldarynyń júrisin ýaqytsha shekteý týraly sheshim qabyldaıdy jáne jol júrisi qatysýshylaryna jol belgilerin ornatý arqyly shekteý merzimin kórsete otyryp, habarlaýdy qamtamasyz etedi.
14. Shekaralyq keńistik sheginde shekaralyq izdeýlerdi jáne operasııalardy, ózge de izdeý is-qımyldaryn júrgizý kezinde Ulttyq qaýipsizdik komıtetiniń Shekara qyzmeti jalpy paıdalanýdaǵy avtomobıl joldarynda is-sharalardy ótkizý ýaqytynda baqylaý beketterin ornatady.
15. Kólik quraldarynyń qozǵalysyn toqtatý nemese ýaqytsha shekteý týraly aqparatty jol júrisine qatysýshylarǵa habarlaý teleradıo habarlaryn taratýdy tehnıkalyq súıemeldeý salasyndaǵy ýákiletti organ bekitken Adamdardyń ómirine, densaýlyǵyna tóngen qaýip-qater jáne tabıǵı jáne tehnogendik sıpattaǵy tótenshe jaǵdaılar kezinde qalyptasqan jaǵdaıdaǵy is-qımyldar tártibi týraly halyqty habardar etý, sondaı-aq qorǵanys, ulttyq qaýipsizdik jáne quqyqtyq tártipti qorǵaý múddelerinde teleradıo habarlaryn taratý jelilerin paıdalaný qaǵıdalaryna sáıkes júrgizedi.
16. Osy Qaǵıdalardyń 3-tarmaǵynda kózdelgen jaǵdaılardy joıý jáne boldyrmaý boıynsha ótkizilgen is-sharalardan keıin jáne jol júrisi qaýipsizdigin qamtamasyz etý jónindegi ýákiletti organnyń aýmaqtyq bólimshelerinen alynǵan derekterdi taldaý men baǵalaý negizinde jol ıeleri kólik quraldarynyń júrisin ýaqytsha shekteýdi jańartý nemese alyp tastaý týraly sheshim qabyldaıdy.