Elbasy Nursultan Nazarbaev Bas prokýror Ashat Daýylbaevty qabyldady, dep habarlady Prezıdenttiń baspasóz qyzmeti.
Kezdesý barysynda A.Daýylbaev Memleket basshysyna quqyq qorǵaý organdarynyń qyzmeti, sondaı-aq, halyqtyń áleýmettik álsiz toptary men kásipkerlerdi qorǵaýdy kúsheıtý jónindegi tapsyrmanyń oryndalý barysy týraly baıandady.
Elbasy prezıdenttik saılaýǵa ázirlik pen ony ótkizý kezeńinde zańdylyqtyń saqtalýyn qamtamasyz etý qajettigine nazar aýdardy.
Nursultan Nazarbaev Ulttyq qordan ekonomıkany qoldaýǵa bólinetin qarajattyń maqsatty paıdalanylýyn qadaǵalaýdy odan ári kúsheıtýdiń mańyzdylyǵyn atap kórsetti.
Memleket basshysy bıznes sýbektilerin zańsyz tekserýlerdiń sany 6 ese qysqarǵanyna toqtaldy jáne kásipkerler quqyǵynyń múltiksiz saqtalýyn baqylaýdy odan ári qamtamasyz etýdi tapsyrdy.
Sonymen qatar, Qazaqstan Prezıdenti azamattardyń eńbek quqyǵyn, ásirese, eńbekaqy tólemderine qatysty quqyqty qorǵaý qajettigin aıtty.
Bas prokýror respýblıkanyń barlyq óńirinde sotqa deıingi tergeýdiń Biryńǵaı reestri iske qosylyp, jumys istep jatqany týraly baıandady. Onda qylmystyq quqyq buzý belgileri bar áreketter týraly aryzdar men habarlar tirkeledi.
A.Daýylbaev, sondaı-aq, bıýdjetti toltyrýǵa jáne paıdalanylmaıtyn jerlerdi memleket menshigine qaıtarýǵa baǵyttalǵan sharalar týraly baıandap, qadaǵalaý qyzmetiniń ózge de ózekti máseleleri týraly aıtty.
Kezdesý qorytyndysy boıynsha Memleket basshysy birqatar naqty tapsyrma berdi.
Sýretterdi túsirgender
S.BONDARENKO, B.OTARBAEV.