ASTANA. 18 mamyr. Qytaıdyń Shanhaı qalasynda jeńil atletıkadan «Gaýhar lıga» jarysynyń ekinshi kezeńi ótti. Onda úsh qarǵyp sekirýden London olımpıadasynyń chempıony, otandasymyz Olga Rypakova qola júldeger atandy. Bul týraly egemen.kz habarlady.
Osy nátıjesimen Olga kelesi jyly Rıo-de-Janeıroda ótetin Olımpıadaǵa joldama jeńip aldy. Bul sportshynyń 2015 jyldaǵy alǵashqy jarysy. Soǵan qaramastan, 14,38 metrdi baǵyndyryp, úzdik úshtikten kórindi.
Jarysty Kolýmbııa sportshysy Katerın Ivargýen jeńdi (14,85 m.), Ýkraına senim artqan Olga Saladýha kúmis júldege qol jetkizdi (14,62 m.).
Rypakova osymen úshinshi Olımpıadasyna qatyspaq. Buǵan deıin 2008 jyly Beıjińdegi Oıyndarda baq synaǵan ol 4-orynnan kóringen bolatyn. Al 2012 jyly Londonda Olımp shyńyn baǵyndyrdy.
Elaman Qońyr.
Derek: egemen.kz.
Sýret: yvision.kz.