QARAǴANDY. 18 mamyr. Qala irgesindegi Qarabas temirjol stansasynda turatyn 10-synyp oqýshysy ózine qol jumsap, qaıtys boldy. Bul týraly egemen.kz tilshisi habarlady.
Oqýshysynyń óli denesi ózi turatyn úıdiń aýlasyndaǵy saraıdan tabyldy. Ázirge jetkinshektiń ne úshin ózin ólimge qıǵany jaıynda naqty málimet joq. Mundaı jolǵa nege barǵany týraly eshqandaı jazbada tabylmaǵan.
Oryn alǵan sýısıdke baılanysty Abaı aýdandyq prokýratýra qyzmetkerleri men tártip saqshylary isti anyqtaýǵa kiristi.
Aıta keteıik, qaıtys bolǵan jetkinshektiń otbasynda osyndaı qaıǵyly oqıǵa ekinshi márte oryn alyp otyr. Osydan týra 4 jyl buryn marqumnyń ápkesi de ózine qol jumsaǵan.
Aıqyn Nesipbaı.
Derek: egemen.kz.
Sýret: volzsky.ru.