AQTAÝ. 18 mamyr. Aqtaýda jol-kólik oqıǵasynan keıin ashý qysqan er adam áıelge balta alyp júgirdi. Bul týraly lada.kz saıtyna silteme jasap, egemen.kz tilshisi habarlady.
Jergilikti quqyq qorǵaý organdary qyzmetkerleriniń aıtýynsha, 37 jastaǵy áıel oblysqa qarasty Munaıly aýdany Qyzyltóbe aýylynyń turǵyny. Shabýyldaǵan er adam apatqa ekinshi kólikti basqarǵan áıel kináli dep sanaıdy. Sol úshin de álgindeı áreketke barǵan. Mundaıdy kútpegen kelinshek birden polıseılerdi shaqyrdy.
Qazir osy oqıǵaǵa baılanysty 29 jastaǵy er adam kúdikti dep tanyldy. Aqtaý qalasyndaǵy 1-shi shaǵyn aýdanda turatyn odan eshqaıǵa ketpeý týraly qolhat alyndy. Sondaı-aq, ashýǵa erik bergeni úshin «buzaqylyq» baby boıynsha qylmystyq is qozǵaldy.
Ázirge basqa derekter belgisiz. Istiń aq-qarasy anyqtalýda.
Gúlaıym Shyntemirqyzy.
Derek, sýret: lada.kz.