Astana qalasyndaǵy Ǵafý Qaıyrbekov atyndaǵy №2 mektep-gımnazııada qala mektepteriniń 5-11 synyp oqýshylary arasynda «Aıdyny keń arqaly aqyn» atty aqyn óleńderin jatqa oqýdan jarys ótti.
Shara Ǵafý aqynnyń 85 jyldyǵyna arnaldy. О́leń dodasyna 50-ge jýyq oqýshy qatysyp, oǵan aqynnyń uly, Sháken Aımanov atyndaǵy «Qazaqfılm» kınostýdııasynyń prezıdenti Baqyt Ǵafýuly qatysyp sóz sóıledi. «Búgin ákemniń arýaǵy bir aýnap túsken shyǵar, jas urpaqty óleńge, ákem sekildi tabıǵatqa, el men jerge ǵashyq etý jolynda jasap jatqan eńbekterińizge alǵysym sheksiz», deı kelip, Baqyt Qaıyrbekov mektep kitaphanasyna óziniń orys tilinde jazylǵan kitaptaryn tabys etti.
Mektep dırektory Gamıl Maǵajiruly qala deńgeıinde ótkizilip otyrǵan jıynnyń mańyzdylyǵyn aıta kelip, Ǵafý aqynnyń esimimen atalatyn bilim shańyraǵynda aqyn óleńi men ómirin jas urpaqqa nasıhattaý isiniń óte joǵary deńgeıde qolǵa alynyp otyrǵanyn, aqyn murajaıy qalalyq deńgeıde ótken jarystarda júldeli oryndardan kóringenin tilge tıek etti. Aqyn, dramatýrg, Ǵafý aqynnyń rýhanı shákirti Baıanǵalı Álimjanov tóraǵalyq etken sharada Tilderdi damytý basqarmasy onomastıka bóliminiń basshysy Aıjan Oraqqyzy jáne Astana qalalyq bilim basqarmasynyń ádiskeri Kúnimbala Iztileýqyzy men mektep dırektorynyń tárbıe isi jónindegi meńgerýshisi Saltanat Kampıtova jas órenderdiń ónerine baǵa berdi. Sondaı-aq, gımnazııanyń qazaq tili men ádebıeti pániniń muǵalimderi Alma Núrekenova, Aıgúl Zaletaeva, Lázzat Turymtaeva, Anar Aıtaqovalar jıynnyń joǵary deńgeıde ótýine atsalysty.
Torǵaıdan túlep ushqan Ǵafý Qaıyrbekov qazaq ádebıeti men mádenıetine erekshe sara jol salǵan tulǵa desek, Ǵafý aǵanyń jýrnalıstıka, baspa isi, án óneri, drama óneri, poezııa men aýdarma salasyndaǵy qyrýar dúnıeleriniń árqaısysy bólek-bólek zerttelýge turatyn qymbat mura deý kerek. Aqynnyń «Qazaq ádebıeti» gazeti men «Juldyz» jýrnalynda eńbek etip, Jazýshylar odaǵynyń poezııa seksııasyn basqarýy sol kezeń úshin ońaı sharýa emes edi. «Qurdastar» jınaǵynan soń «Dala qońyraýy» poemasy, «Jer astyndaǵy juldyzdar», «Qanatty jyldar» eńbegi, «Belasar» qos tomdyǵy men «Juldyzdy taǵdyrlar» atty óleńder jınaǵy oqyrman júregine jol tapty. Sóıte júrip, aýdarma deıtin aýyr jolda Rýdakıdiń, Baıronnyń, Pýshkınniń, Lermontovtyń, Tolstoıdyń týyndylaryn tárjimalady.
Mektep oqýshylary arasynda aqyn óleńderin keńinen nasıhattaý, óleń-sózdiń qudiretin uǵyný, jas aqyndarǵa áleýmettik-rýhanı qoldaý bildirý – sharanyń basty maqsaty retinde belgilense, oqýshylar oqyǵan óleń osy úmitti aqtaı aldy. Aqyn óleńderinen alǵash ret ótip otyrǵan bul jarys aldaǵy ýaqytta toqtap qalmaı, taǵy da jalǵasa beretin bolyp sheshildi. Sebebi, Ǵafý aqyn óleńderiniń maqamy jattaýǵa ońaı, kóńilge qonymdy, tárbıelik máni asa zor. Aıtpaqshy, aqyn aǵamyz balalar taqyrybyn nazardan tys qaldyryp qoıǵan emes. Qalamgerdiń bul oraıda «Balyqshy Ivan», «Balqýraı», «Kún balasy», «Aq kóılekti shal» atty kitaptaryn oqyǵan balalar kóp qyzyqqa keneleri sózsiz. О́leń dodasyna qatysýshylardyń deni Ǵafý aqynnyń «Bizdiń Aıdar mektepte», «Syılastyqqa ne jetsin», «Ǵafý-Ǵafýralar», «Dombyra», «Qazaq qyzyna», «Meniń úıim», «Almatyda aýyl bar», «Kók baıraq», «Ustazben syrlasý» óleńderin jatqa oqydy. Eki kezeńnen turǵan baıqaýdyń nátıjesinde júldeli I oryndy Madııar Mysyrǵajy jeńip alsa, II oryn Dilnaz Qudaıbergenovaǵa buıyrdy, III oryndy Merýert Ertaeva, Araılym О́tepbergen men Rabıǵa Shaıhyslam bólisti. «Ǵafý izimen» aıdarynda oqýshynyń tól týyndysy tyńdaldy. Júlde úlestirgende I oryndy Ádilet Qanafın qanjyǵasyna baılasa, II oryndy Aıaýlym Qýanysheva men Qadyrgúl Aldanazar ıelendi, III oryndy Aıajan Esqara, Aıajan Shúıinishbaı men Symbat Baıbeısenova mise tutty. Poezııanyń shyńyna adaldyq pen arqaly jyrdy tý etip ilgen aıdyny keń arqaly aqyn jyrynyń shýaǵy qandaı mol edi...
Qundyz ERALY.