Úshemniń salmaqtary da shamalas, 2,5 kılodan. Olardyń anasy, Qazyǵurt aýdanynyń týmasy Quralaı Taǵaeva búǵan deıin bes perzenttiń anasy edi. Bir qyzyǵy, úshemniń aldynda egiz qyzdardy dúnıege ákelgen eken.
Áli otyzǵa da jetpegen qaıratty kelinshektiń úıinde úıelmeli-súıelmeli jeti qyz, bir altyn aıdarly ul ósip jatyr.
Dúnıege óz deneńnen kesip bergendeı perzent ákelý ońaı emes. Al, úshemniń jóni bir basqa. Quralaı óziniń aman-esen bosanýyna jaǵdaı jasaǵan Shymkent qalasyndaǵy №1 perınataldyq ortalyqtyń bas dárigeri Mádına Kókenova men náresteler bóliminiń meńgerýshisi Saltanat Aqqoshqarovaǵa jáne meıirbıkelerge alǵysyn aıtady.
Ońtústikti jurt bekerden-beker altyn qursaq dep atamaıdy. Máselen, soltústik oblystardaǵy analardyń bir jylda týatyn sábılerin qudaıǵa shúkir, Ońtústik analary bir aıda jaryq dúnıege ákeledi.
Qazaqstan – keń-baıtaq. Allanyń bergen baǵyn qolda bekem ustaý úshin, táýelsizdigimizdiń tuǵyry bıik, egemendigimiz baıandy bolýy úshin qazaq kóbeıýi kerek. О́z jerine ózgeler kóz alartpas úshin myqty bolmasqa bolmaıdy.
Keń qursaq Ońtústik demografııaǵa osylaısha úles qosyp jatyr.
Baqtııar TAIJAN,
«Egemen Qazaqstan».
Ońtústik Qazaqstan oblysy.
Sýretti túsirgen
Qaısar Sherim.