ASTANA. 19 mamyr. AQSh-tyń ataqty kásipqoı boksshysy Floıd Meıvezer Gennadıı Golovkınniń arqasynda qomaqty utysqa ıe boldy. Bul týraly sovsport.ru habarlady.
«Aqsha» degen laqap aty bar Meıvezer 17 mamyrda ótken Golovkın men Vıllı Monro arasyndaǵy jekpe-jekke bás tikken. Atalǵan kezdesýmen qatar ol «Klıppers» pen «Rokets» komandalary arasyndaǵy basketbol matchyna da boljam jasaǵan. Eki sporttyq sharaǵa 350 000 dollar tikken boksshy nátıjesinde 827 000 dollar utyp aldy. Bul jóninde sportshy bás tikken esep qaǵazynyń sýretin ǵalamtorǵa jarııalaǵan kezde belgili boldy.
Aıta keteıik, Floıd Meıvezer 2 mamyrda Fılıppın boksshysy Mennı Pakıaomen judyryqtasyp, kezekti jeńisine qol jetkizdi. «Ǵasyr jekpe-jegi» atanǵan sol kezdesýde amerıkalyqtyń syıaqysy 120 mıllıon dollardy qurady. Al Gennadıı Golovkın Monromen jekpe-jegi úshin 1,5 mıllıon dollar aldy.
Elaman Qońyr.
Derek: sovsport.ru.
Sýret: mmaboxing.ru.