ASTANA. 1 shilde. Ońtústik Qazaqstanda eki qyzyn býyndyryp óltirgen áıelge oblystyq qylmystyq is jónindegi mamandandyrylǵan soty úkim shyǵardy. Úkimde qylmysker 20 jylǵa sottalǵany aıtylǵan. Bul týraly nur.kz habarlady.
Oblys turǵyny osy jyldyń sáýir aıynda Saryaǵash qalasynda 2004 jáne 2006 jyly týǵan eki qyzyn asa qatygezdikpen óltirgen bolatyn. Belgili bolǵandaı ol qyzdaryn er adamnyń galstýgimen býyndyrǵan. Sýdıanyń aıtýynsha, ol aldymen úlken qyzyn, artynsha kishi qyzyn óltirgen.
Sýdıa Samıdın Temirálıev: «Áıel aıybyn moıyndap aýdandyq ishki ister bólimine ózi kelgen. Oǵan Qylmystyq kodekstiń 99-baby 1,3,14-tarmaqtarynyń 2-bólimi boıynsha aıyp taǵyldy. Sondaı-aq, Týlaǵanovanyń aıyby sotta tolyqtaı dáleldendi. Sot oǵan jalpy rejimdegi kolonııada 20 jylǵa jazasyn óteý úkimin shyǵardy», – dedi.
Aıta keteıik, qylmyskerdiń taǵy eki eresek balasy bar. Olar týysqandarynyń qolynda tárbıelenýde. Jetkinshekterdiń aldaǵy taǵdyry sotpen sheshiletin bolady. Al sottalǵan ana ata-analyq quqyǵynan aıyrylýy múmkin.
Talǵat Raıymbek.
Derek, sýret: nur.kz.