PETROPAVL. 1 shilde. Qalalyq sot jer qatynastary bóliminiń basshysy D. Saǵynovaǵa 45 myń teńge para alǵany úshin 2 mıllıon 450 myń teńge mólsherinde aıyppul tóleý týraly úkim shyǵardy. Bul týraly oblystyq sottyń baspasóz qyzmeti habarlady.
Sonymen qatar paraqordyń dúnıe-múlki tárkilenip, memlekettik jáne ózin-ózi basqarý organdarynda ómir boıy jumys isteý quqynan aıryldy.
D. Saǵynova qyzmet babyn paıdalaný arqyly birneshe ret para alǵany úshin 6 naýryzda ustalyp, sot sheshimimen qamalǵan bolatyn. Endi jazasyn paranyń jetpis ese quny kóleminde óteıdi.
Sondaı-aq «Ǵylymı-óndiristik jerge ornalastyrý ortalyǵy» Petropavl qalalyq bóliminiń basshysy A. Poplavskıı de para berýshi retinde jazaǵa tartylyp, 1 mıllıon 400 myń teńge aıyppul salyndy. Onyń da dúnıe-múlki tárkilenip, memlekettik qyzmette jumys isteý quqynan aıryldy.
О́mir Esqalı.
Derek: Soltústik Qazaqstan oblystyq soty.
Sýret: egemen.kz