ALMATY. 19 mamyr. Ánshiniń týǵan kúnine oraı Respýblıka alańyna onyń dostary men áriptesteri, shyǵarmashylyq ıntellıgensııa ókilderi jınalyp eske alý keshin ótkizdi. Bul týraly egemen.kz habarlady.
Máskeý qalasynan arnaıy kelgen MÝZ-TV telearnasynyń dırektory Arman Dáýletııarov: «Men Batyrdyń týǵan kúninde ony eske alyp otyrǵan óz otandastarymmen birge osynda, Almatyda bolǵandy boryshym dep sanadym. Onyń áserli ánderi bizdiń júregimizde máńgi saqtalady. Batyrhan – Qazaqstan men Reseıdiń mýzykalyq mádenıetiniń damýyna úlken úles qosqan erekshe tulǵa» dedi.
Qazaqstandyq «Chick Flick» ánshiler toby Batyrdyń repertýarynan tanymal hıtter oryndady. Jastar súıikti ánshisiniń saǵymdaı bolyp qalǵan ánderin kózderine jas alyp tyńdady.
Batyrhan Shókenovtiń týǵan kúnine oraı eske alý keshi Reseı men Qytaıda da ótti.
Aıta keteıik, ánshi kózi tiri bolsa bıyl 53 jasqa tolar edi.
Talǵat Súıinbaı.
Derek, sýret: egemen.kz.