Qazaqstan musylmandary dinı basqarmasynyń negizgi jumys baǵyttarynyń biri – qaıyrymdylyq. Osy baǵytta Bas múftı bastamasymen turmysy tómen, kópbalaly otbasynan shyqqan sábılerge, ata-ananyń qamqorlyǵynsyz qalǵan balalarǵa, sondaı-aq, áleýmettik kómekke zárý januıalarǵa kómek berý sharalary jalǵasýda.
Jýyrda 26 jyl qujatsyz júrgen Orynbek Izet esimdi azamat áıeli men ul-qyzdarynyń qujatyn jasap berý úshin Dinı basqarmanyń kómegine júgindi. О́tinish hatty Bas múftıge jazǵan onyń tilegi oryndalyp, Almaty oblysynyń ımamdary tarapynan qajetti kómek kórsetildi.
«Men Orynbek Izet Orynbekuly, sizge ótinish bildirgen edim. Sol ótinishimdi oqyp, siz kómek berdińiz. Jıyrma alty jyl qujatsyz júrgen áıelim men ul-qyzym qoldaryna qujat aldy. Sizge Alla razy bolsyn!» – dep QMDB Baspasóz qyzmetinen habarlaǵanyndaı lebizin, aıryqsha alǵysyn bildiripti hat ıesi.