Jalpy, Ekibastuzdaǵy Bolat Nurjanov atyndaǵy GRES-1 stansanyń jobalaý qýaty 4 000 MVt bolatyn kondensattyq tıptegi asa iri jylý elektr stansasy sanalady. О́tken jyly elektr energııasyn óndirý 14,1 mlrd. kVt/saǵatqa jetti. 2014 jylǵy sáýirden bastap «Ekibastuz 1-MAES» AQ-tyń 100 paıyz qatysý úlesine elimizdegi «Samuryq-Energo» AQ ıe boldy.
– Stansada shekti tarıfter baǵdarlamasy boıynsha sońǵy bes jyl ishinde jabdyqtardy jańǵyrtý, qorshaǵan ortaǵa tıgizetin áserdi azaıtatyn ozyq tehnologııalardy endirý, boıynsha jobalar iske asyryldy. «Samuryq-Energo» AQ elimiz ekonomıkasynyń damýyna yqpal ete otyryp, tarıfterdi tómendetý jáne tutynýshylarymyzǵa qoldaý kórsetý týraly osyndaı sheshim qabyldady, – deıdi stansanyń bas dırektory Rysqan Svambaev.
Sóıtip, alyp stansa aqpan aıynan bastap elektr energııasyn bosatý baǵasyn 1 kVt/saǵat úshin 8,65 teńgege deıin azaıtty. 2015 jylǵa Ekibastuz GRES-1 úshin bekitilgen tarıf mólsheri kVt/saǵ. úshin 8,8 teńgeni quraıdy. Al, bul kúnderi «Investısııaǵa almastyratyn tarıf» qaǵıdaty boıynsha 2009 jyldan bastap stansa jobalyq qýatyn 4 000 MVt-ǵa deıin arttyrdy. «Stansany qaıta qurý jáne keńeıtý» jobasy iske asyrylýda. 2012 jyly qýaty 500 MVt qaıta qalpyna keltirilgen № 8 energııa blogy paıdalanýǵa berildi. О́tken jyly qalpyna keltirilgen №2 energııa blogy da (500 MVt) jelige qosyldy. Qazirgi kezde iske qosý merzimi 2017 jyl dep belgilengen №1 energııa blogy boıynsha (qaýaty 500 MVt) jumystar júrgizilýde. Shekti tarıfter esebinen barlyq jumys istep turǵan energııa bloktarynda elektr súzgilerin ornatý boıynsha jobalar iske asyryldy. Otyn berý júıesin jáne jalpy stansa jabdyqtaryn jańǵyrtý bastaldy. 2009 jyldan bastap GRES-1 stansasyna shekti tarıfter baǵdarlamasy aıasynda 202 mlrd. teńgeden astam ınvestısııa salyndy. Bıyl qarjylandyrý kólemi 53 mlrd. teńgeni quraıdy. Stansanyń paıdalanatyn negizgi otyny Ekibastuzdyń tas kómiri ekeni belgili. О́ndirilgen elektr energııasynyń basym bóligi elimizdiń energetıkalyq naryǵyna shyǵarylady.
Farıda BYQAI,
«Egemen Qazaqstan».
EKIBASTUZ.