ATYRAÝ. 6 naýryz. Atyraý oblysynyń Jylyoı aýdanynda kúnnen qýat jınaıtyn stansa salý qolǵa alynady. Bul týraly egemen.kz tilshisi habarlady.
Taýlary men qyrattary joqqa tán jazyq dalada ornalasqan Atyraý oblysy jel men kúnnen qýat jınaýǵa taptyrmaıtyn óńir. Qazirdiń ózinde Atyraý oblysynda jelden energııa óndiretin qondyrǵylardy paıdalanyp otyrǵandar bar. Endi Jylyoı aýdanynyń aýmaǵynan kúnnen qýat óndiretin arnaıy stansa salý isi qolǵa alynǵaly otyr. Qazirdiń ózinde bul jobany iske asyrý úshin arnaıy jer telimi berildi.
Atyraýda alǵash ret qolǵa alynatyn joba boıynsha 10 MVt elektr energııasyn óndirý josparlanǵan. Jobaǵa 10 mıllıon dollar kóleminde ınvestısııa salynbaq. Jobany iske asyratyn merdigerlikke «Ekoproekt-Qulsary» seriktestigi tańdalyp otyr.
Joldasbek Shópeǵul.
Derek: egemen.kz.
Sýret: business.gov.kz.