ShYMKENT. 6 naýryz. Ońtústik jurtshylyǵy Prezıdent saılaýy sekildi asa mańyzdy saıası naýqandy ótkizýge bul joly da úlken belsendilik belsendilik tanytýda. Muny aımaqta júrgizilgen qoǵamdyq pikir baıqatyp otyr. Bul týraly zertteý materıaldaryna súıengen egemen.kz tilshisi habarlady.
Qoǵamdyq pikirdi zertteý ortalyǵynyń mamandary saýalnama arqyly jergilikti elektorattyń saıası oqıǵaǵa degen kózqarasy aıqyn baıqalǵanyn málimdedi.
Ortalyq qyzmetkerleri 18 jastan joǵary oblystyń barlyq aýdan-qalalarynda turatyn ártúrli ult ókilderinen 1600-den astam turǵynǵa suraý salǵan. Qorytyndylar saılaýdyń qoǵamdyq-saıası aqýalǵa oń áseri bolatynyn ańǵartady. Qatysýshylardyń 96,4 paıyzy saılaý týraly bastama dál merziminde kóterildi dep sanaıdy.
Qazaqstanda kezekten tys Prezıdent saılaýy 2015 jyldyń 26 sáýirinde ótedi. Muny Memleket basshysy Nursultan Nazarbaev alǵash halyqqa arnaǵan úndeýi arqyly jarııa etti.
Zertteý qorytyndylary Prezıdent saılaýyna turǵyndardyń belsendiligi óte joǵary ekenin kórsetip otyr. Saýalnamaǵa qatysqandardyń 85,1 paıyzy mindetti túrde daýys berýge baratynyn aıtsa, 10,5 paıyzy daýys berýge qatysýy múmkin ekenin alǵa tartqan. Al respondentterdiń 4,4 paıyzy saıası oqıǵadan qalys qalýy múmkin ekenin jasyrmady.
Baqtııar Taıjan.
Derek, foto: otyrar.kz.