ASTANA. 20 mamyr. Germanııanyń Gannover qalasynda myńdaǵan turǵyn áýe bombasynyń tabylýyna baılanysty qaýipsiz jerge kóshirildi. Bul týraly VVS habarlady.
Gannoverden Ekinshi dúnıejúzilik soǵys kezinde jarylmaı qalǵan áýe bombalary tabylǵan. Osyǵan oraı qalanyń 30 myńnan astam turǵyny 19 mamyr kúni keshte qaýipsiz jerge kóshirildi. Qala turǵyndary úılerine jarylǵysh zattar zalalsyzdandyrylǵannan keıin ǵana orala alady.
Jergilikti baspasóz qyzmetiniń derekterine súıensek, salmaǵy 250 kg. bolatyn bomba jer astynda 70 jyl boıy jatqan. Qaýipti zat burynǵy joǵarǵy oqý orny ǵımaratyn buzý kezinde tabylǵan. Mamandar bombanyń qanshalyqty qaýipti ekenin naqty aıta almaı otyr.
Jalpy, Germanııada soǵys kezinen jarylmaı qalǵan jarylǵysh zattar jıi tabylyp jatady. Sebebi, soǵys jyldary Gannover odaqtastardyń eń basty áýe nysany bolǵany belgili. Ekinshi dúnıejúzilik soǵys kezinde bul qalaǵa tastalǵan jarylǵysh zattyń sany 100 myńnan asyp jyǵylady.
Elaman Qońyr.
Derek: BBC.
Sýret: newsfiber.com.