Jambyl oblysynyń ákimi Kárim Kókirekbaev jergilikti bıýdjet esebinen alynǵan 11 sanıtarlyq kóliktiń kiltterin emdeý mekemeleriniń basshylaryna tabys etti. Atap aıtar bolsaq, Baızaq, Turar Rysqulov, Talas, Qordaı aýdandyq ortalyq aýrýhanalary men Taraz qalasyndaǵy birneshe emdeý mekemeleri jańa tehnıkaǵa ıe boldy.
Búginde Jambyl oblysy halqynyń densaýlyǵy úshin 42 aýrýhana, sonyń ishinde 10 ortalyq aýdandyq aýrýhana jáne 7 aýyldyq aýrýhana, sondaı-aq, 377 ambýlatorııalyq-emhana qyzmet etip jatyr. Elimizde densaýlyq saqtaý salasyn damytý, turǵyndarǵa zamanaýı, qoljetimdi ári sapaly medısınalyq qyzmetter kórsetýde barlyq jaǵdaı jasalýda.
– Sondyqtan búgingi kúni densaýlyq saqtaý salasyndaǵy eń basym baǵyttardyń biri ana men balanyń densaýlyǵyn qorǵaý bolyp tabylady, – deıdi Jambyl oblystyq densaýlyq saqtaý basqarmasynyń basshysy Erlan Masalımov. – 2015 jyldyń 4 aıynyń nátıjesinde analar ólimi kórsetkishi 47,5 paıyzǵa tómendedi. Qazir oblys halqyna medısınalyq kómekti 2751 dáriger jáne 9834 orta býyn qyzmetkerleri kór-
setýde. Sondaı-aq, jyldan-jylǵa jas mamandar sany da ósýde. О́tken jyly oblysqa 121 jas maman kelse, onyń 73,6 paıyzy aýyldyq jerlerge jumysqa ornalastyrylǵan.
Sondaı-aq, óńirde respýblıkalyq jáne jergilikti bıýdjet esebinen 2010-2014 jyldar aralyǵynda 74 densaýlyq saqtaý nysanynyń qurylysy salynǵany belgili bolyp otyr.
Oralhan DÁÝIT,
«Egemen Qazaqstan».
Jambyl oblysy.
Sýretti túsirgen
Vıktor BARBASh.