QOSTANAI. 20 mamyr. Qostanaı oblysynda qyrylǵan aqbókenderdiń sany 19 231-ge jetti. Bul týraly oblystyq tótenshe jaǵdaılar departamentine silteme jasap, egemen.kz tilshisi habarlady.
Buǵan deıin ólgen janýarlardyń sany 10 myńnan asqany týraly habarlanǵan. Degenmen, atalǵan departament búginge deıin kómilgen aqbókenderdiń sany joǵarydaǵy kórsetkishke jetkenin aıtty. Aldyn ala belgili bolǵan málimetterge súıensek, olardyń jappaı qyrylýyna pasterellez aýrýy sebep bolýy múmkin.
Qazirgi tańda tótenshe jaǵdaıdyń saldaryn joıý jumystary júrgizilýde. Oǵan 515 adam jáne 76 tehnıka jumyldyrylǵan. О́ńirdiń ońtústigindegi Amangeldi aýdanynyń aýmaǵynda arnaıy lagerler qurylyp, 100 adam ornalastyryldy. Túnde túneý úshin aýdan ákimdigi 3 kıiz úı, Aqmola oblysy tótenshe jaǵdaılar departamenti – 3, Qostanaı oblysy tótenshe jaǵdaılar departamenti ashanaǵa arnalǵan – 1, №6697 áskerı bólimi 6 shatyr tikti. Olardyń úsheýi qosalqy maqsatta. Jeke quram aýyzsý, tehnıka jáne janarmaımen qamtamasyz etilgen. Sondaı-aq, aýdan ákimdigi, atalǵan áskerı bólim jáne «Altyn dala» memlekettik mekemesiniń úlesimen 3 tamaqtandyrý pýnkti jumys isteýde.
Názıra Járimbetova.
Derek: Qostanaı oblystyq tótenshe jaǵdaılar departamenti.
Sýret: szh.kz.