QYZYLORDA. 20 mamyr. Ústimizdegi aıdyń 18-i men 22-si aralyǵynda Qyzylorda oblysy aýmaǵynda «Zańsyz kelýshi-2015» jedel profılaktıkalyq is-sharasynyń birinshi kezeńi ótkizilip jatyr. Bul týraly egemen.kz habarlaıdy.
Atalǵan shara boıynsha Qyzylorda oblystyq ishki ister departamentiniń kúshi men quraldary jumyldyrylyp, bir kúnniń ózinde 279 zań buzýshylyq faktisi anyqtaldy. Nátıjesinde Qazaqstan Respýblıkasynda júrý erejelerin buzǵan 274 azamat ákimshilik sharaǵa tartyldy. Kóshi-qon zańnamasyn buzǵany úshin Qazaqstannyń 20 azamaty jaýapkershilikke tartylyp, turǵylyqty mekenjaıy jáne qujaty joq 8 shetel azamaty qabyldaý-taratý oryndaryna jatqyzyldy. Sot sheshimimen 6 sheteldik azamat el aýmaǵynan shyǵarylyp, 71 sheteldiktiń elde ýaqytsha bolýynyń merzimi qysqartyldy.
Sonymen qatar, Qylmystyq kodekstiń 393-baby boıynsha sheteldiktiń nemese azamattyǵy joq adamnyń el aýmaǵynan shyǵaryp jiberý týraly sheshimdi oryndamaǵany úshin 3 qylmystyq is qozǵaldy.
Erjan Baıtiles.
Derek, sýret: egemen.kz.