QARAǴANDY. 26 tamyz. Qaraǵandy oblysynda polısııa qyzmetkerleri «GAZel» júk kóligin aıdap áketken kolledj stýdentin qolǵa túsirdi. Bul týraly oblystyq ishki ister departamentiniń baspasóz qyzmeti habarlady.
Júk kóligin zańsyz aıdap áketken stýdent Qaraǵandydaǵy kolledjderdiń birinde oqıdy eken. Jol-patrýldik polısııa qyzmetkerleri kúdiktini Temirtaý qalasynda kólikti júrgizip bara jatqan kezinde quryqtady. Stýdenttiń mundaı qadamǵa ne úshin, nendeı maqsatpen barǵany ázirge túsiniksiz. Qazir ol ýaqytsha ustaý ızolıatorynda qamaýda otyr.
Osy oqıǵa boıynsha qylmystyq is qozǵalyp, tergeý aldy amaldary júrgizilip jatyr.
Qaırat Ábildınov.
Derek: Qaraǵandy oblystyq ishki ister departamentiniń baspasóz qyzmeti.
Sýret: autokolesa.kz.