Elbasy tóńiregine toptasaıyq

Qazaqstandyqtar kezekten tys prezıdenttik saılaýdyń mán-maǵynasyn osylaı baǵalaýda

*Prezıdent poshtasynan – deıdi Memleket basshysynyń saılaýǵa túsýin qalaıtynyn aıtyp hat jazǵan qazaqstandyqtar Prezıdent saılaýyn ótkizý týraly sheshimge qoldaý bildirgen jáne Nursultan Nazarbaevtyń kandıdatýrasy usynylýyn ótingen hattar men jedelhattar áli de kóptep kelip jatyr, dep habarlady Prezıdenttiń baspasóz qyzmeti. Memleket basshysynyń atyna eńbek ujymdarynan, belgili sportshylardan, densaýlyq saqtaý salasy qyzmetkerlerinen, sondaı-aq, eldiń túrli óńirindegi turǵyndardan Nursultan Nazarbaevtyń aldaǵy prezıdenttik saılaýǵa qatysýyn ótingen hattar legi áli jalǵasýda. «Kentaý transformator zaýyty» AQ men «Alageum Electric» elektrotehnıkalyq holdınginiń eńbek ujymy prezıdenttik saılaý­dy ótkizý týraly sheshimge biraýyzdan qoldaý bildirgen jáne Memleket basshysynyń saılaýǵa qatysýyn ótingen. «Nursultan Nazarbaevqa senim mandaty eldi júıeli damytý men órkendetý úshin josparlanǵan barlyq aýqymdy sharalardy júzege asyrýǵa múmkindik beredi», – delingen hatta. «Taý-ken óndirý jáne taý-ken metallýrgııalyq kásiporyndardyń respýblıkalyq qaýymdastyǵy» ZTB jumyskerleri Qazaqstan táýelsizdik jyldary Prezıdenttiń kóregen saıasaty arqyly ótpeli kezeńdegi qalyptasýdyń barlyq qıyndyqtaryn eńsergenin, etnos­aralyq kelisimdi saqtaǵanyn jáne halyqaralyq arenada laıyqty oryn ıelengenin atap ótken. «Siz eńbek jolyńyzdy Qara­ǵandy metallýrgııalyq kombınatynda bastaý arqyly Qazaqstannyń taý-ken metallýrgııalyq salasyn qalyptastyrýdyń bastaýynda turdyńyz. Qaýymdastyqtyń jáne barlyq múshe-kásiporyndardyń atynan Sizdiń kandıdatýrańyzdyń usynylýyn suraımyz, óıtkeni, biz Sizdi elimizdiń laıyqty Kósh­basshysy sanaımyz», – dep jazady avtorlar. Batys Qazaqstan oblysy ká­sipkerler palatasynyń ókilderi elge memlekettiń qarqyndy damýyn qoǵamdaǵy tatýlyq pen kelisimdi saqtaı otyryp qamtamasyz etýge qabiletti dana basshy kerek ekenin atap ótken. «Bizdiń aspanymyz ashyq, alań­syz jumys isteımiz, bıznesti damytyp, balalarymyzdy ósirýdemiz. Bolashaqqa jospar qura alamyz. Bul – táýelsiz Qazaqstannyń Siz­diń basshylyǵyńyzben jetken eń basty jetistigi. Sizdiń ilge­rishil basshy retindegi kópjyl­dyq tájirıbeńiz eldiń ári qaraı órkendeýiniń, turaqtylyq pen halyq birligin saqtaýdyń kepi­li. Osyǵan baılanysty Sizden Qazaqstan Respýblıkasy Prezı­dentin aldaǵy saılaýda kandı­datýrańyzdyń usynylýyn su­raımyz», – delingen hatta. «Premera» turǵyn úı-qu­ry­lys kooperatıviniń ujymy óz atynan jáne Almaty qalasynyń Naýryzbaı aýdanynyń turǵyndary atynan Prezıdentke ótinish joldap, Elbasy kandıdatýrasynyń al­daǵy saılaýda usynylýyn suraıdy. «Qazir Sizdiń arqańyzda qazaq­standyqtardyń erteńgi kúnge degen senimi men Sizdiń baǵdaryńyz durys ekenin seziný bar. Táýelsiz memleketimizdi qalyptastyrýdaǵy Siz qabyldaǵan sharalardyń bar­lyǵy halyqtyń muń-muqtajyn jaq­sy biletinińizdi kórsetedi. Qýat­ty kóshbasshynyń arqasynda ǵana Qazaqstan halyqaralyq are­na­da bedelge jáne álemdik derja­valardyń qurmetine ıe boldy. Biz Siz sekildi adammen bir ýaqyt­ta ómir súrip jatqanymyzǵa maq­tanamyz», – dep jazady avtorlar. Qyzylorda oblysy Qarmaqshy aýdanynan «Turmaǵambet» JShS ujymy memleket kásipkerlerge qoldaý kórsetip otyrǵanyn aıryq­sha atap ótken. «Siz jarııalaǵan «Nurly Jol» baǵdarlamasy eldiń ál-aýqatyn kóterý úshin jasalǵan mańyzdy qa­dam ekenine senimdimiz. Biz táýel­siz Qazaqstandy Sizben birge nyǵaıt­qymyz keledi», – delingen hatta. «Isker Company» JShS eńbek ujymy Prezıdenttiń kópetnosty Qazaqstan halqynyń birligin ny­ǵaıtýǵa baǵyttalǵan qyzmetin tolyq qoldaıtynyn aıtqan. «Biz Sizge senemiz, sondaı-aq, órkendeý, tatýlyq jáne jalpy­adamzattyq qundylyqtar saltanat quratyn joldy tańdaı­myz. Qaýipsizdik jáne qazaqstan­dyqtardyń ál-aýqatyn jaqsartý respýblıkamyzdy damytýdyń basymdy baǵyttary bolyp sanalady. Sondyqtan, Sizdiń saılaýǵa túsýińizdi suraımyz. Sizben birge Qazaqstan mindette túrde tabysqa jetedi jáne álemniń ekonomıkalyq turǵydan eń damyǵan 30 eliniń qataryna kiredi», – dep jazady avtorlar. Qaskeleń qalasyndaǵy «Ham­le Kompanııa Ltd.» JShS jumys­kerleri Memleket basshysynyń jumsaǵan kúsh-jigeriniń arqasynda elde qolaıly ınvestısııalyq ahýal qalyptasqanyn aıtady. «Qazaqstannyń jarqyn bola­shaqqa qajetti zor áleýeti bar, sol sebepti de biz prezıdenttik saı­laýdyń ótkenin qoldaımyz jáne naq Sizdiń kandıdatýrańyzdyń usynylǵanyn qalaımyz», – de­lingen hatta. «Almatykitap baspasy» JShS jumyskerleri Nursultan Nazar­baevtyń kóregen saıasatynyń arqasynda Qazaqstan burynǵy keńestik keńistikte ekonomıkalyq damýdaǵy kóshbasshy ǵana emes, álemdik arenadaǵy salmaqty saıası oıynshyǵa da aınalǵanyn atap ótken. «Biz álemniń básekege qabiletti 50 eliniń qataryna kirgen óz elimizdi maqtan tutamyz. Sizdiń basshylyǵyńyzben Qazaqstan álemniń damyǵan 30 eliniń de qataryna kiretinine senimdimiz. Qazaqstannyń bolashaǵy úshin, balalarymyz men nemerelerimizdiń bolashaǵy úshin aldaǵy saılaýda Sizdiń kandıdatýrańyzdyń usynylýyn suraımyz. Bizdiń ujym Siz qabyldaǵan sheshimdi qoldaıdy», – dep jazady avtorlar. «BN-A» JShS kópultty ujy­my qazir barlyq adamı resýrstardy «Nurly Jol» Joldaýynda qoıylǵan maqsattarǵa jetý úshin jumyldyrý kerektigine toqtalǵan. «Bizdiń kásiporynnyń jumys­shylary aldaǵy prezıdenttik saılaý qoǵamdy uıystyryp, júrekterimizge erteńgi kúnge degen senim uıalatatynyna bek senimdi. Biz qýatty ári biregeı Qazaqstandy tańdaımyz», – delingen hatta. «Qazaqstan Respýblıkasynyń ulttyq ınjenerlik akademııasy» respýblıkalyq qoǵamdyq birlestiginiń músheleri ýaqyt talabynan týyndaǵan prezıdenttik saılaý ótkizý týraly sheshimdi tolyǵymen qoldaıtynyn aıtady. «Memleket basshysy aı­qyndaǵan joldyń durystyǵyn sezine otyryp, biz Tuńǵysh Prezıdentimiz ǵana eldi aldaǵy qıyndyqtardan abyroımen alyp ótetinine senimdimiz. Sizden óz kandıdatýrańyzdyń aldaǵy saılaý­da usynylýyn suraımyz», – dep jazady avtorlar. «Asar» respýblıkalyq qo­ǵamdyq birlestiginiń ókilderi de Memleket basshysynyń saıasatyna qoldaý bildiredi jáne onyń saılaýǵa túskenin qalaıdy. «Múgedekter jáne áleýmettik beıimdelý qoǵamy» qoǵamdyq birlestiginiń músheleri Memleket basshysyna múmkindigi shekteýli jandarǵa kórsetilip otyrǵan qoldaý sharalary úshin alǵys aıtqan jáne Elbasynyń basshy­lyǵymen Qazaqstan halqy barlyq maqsattaryna jete alatynyn atap ótken. «Sizden saılaýǵa túsýińizdi suraımyz. Bizdiń árqaısymyz Sizge daýys beretin bolamyz», – delingen hatta. «Kómek» ardagerler keńesi» qoǵamdyq birlestiginiń ókilderi Nursultan Nazarbaevqa ardagerlerge udaıy kóńil bólip, qam­qorlyq tanytyp otyrǵany úshin alǵys bildirip, Elbasyn el pre­zı­denti laýazymyna úmitkerler qata­rynan kórgisi keletinderin aıtqan. «Táýelsiz Qazaqstan men onyń halqynyń ıgiligi úshin istep jatqan qajyrly eńbegińizdi bári biledi. Siz el tarıhynyń jáne jańa asta­nasynyń jańa betin ashtyńyz. Res­pýblıkamyzda tatýlyq pen keli­sim bolsyn, halqymyzdyń ıgi­ligi arta bersin. Al onyń kepili – Siz. Biz elimizge, qarttyǵymyzǵa alań­da­maı­myz. Aldaǵy ýaqytta da solaı bola bersin», – dep jazady avtorlar. О́z tilekterin bilim berý salasy qyzmetkerleri de joldady. Má­selen, A.Myrzahmetov atyndaǵy Kókshetaý ýnıversıtetiniń pro­fessorlyq-oqytýshylar ujy­my men stýdentteri el prezıdenti saılaýyn ótkizý strategııalyq baǵdarlamalardy tabysty iske asyrýǵa septigin tıgizetinine nazar aýdarǵan. Qyzylorda qalasyndaǵy «Bolashaq» ýnıversıtetiniń oqy­tý­shylary men stýdent jas­tary Memleket basshysynyń basshylyǵymen elimiz álemdik ekonomıkadaǵy kúrdeli jaǵdaıǵa baılanysty qıyndyqtardy tabysty eńseretinin aıtady. Osyǵan oraı avtorlar Nursultan Nazarbaevtyń kandıdatýrasy aldaǵy prezıdenttik saılaýda usynylsa degen ótinishin jetkizgen. Qaskeleń gýmanıtarlyq-teh­nıkalyq kolledjiniń ujy­my Memleket basshysyna «Qazaqstan-2050» Strategııasyn jáne «Máńgilik El» ıdeıasyn júzege asyrý úshin senim mandatyn berý qajet dep sanaıdy. «Biz – turaqtylyq pen ósip-órkendeý, óskeleń urpaqtyń alańsyz bolashaǵy jaǵyndamyz. Biz úshin Siz sııaqty Elbasynyń basshylyǵynda bolý mártebe bolyp sanalady. Sondyqtan biz Sizden prezıdenttik saılaýǵa qa­ty­sýyńyzdy ótinemiz», – delingen hatta. I.Ábdikárimov atyndaǵy Qy­zylorda agrarlyq-tehnıkalyq kolledjiniń pedagogıkalyq ujy­my da Prezıdent saılaýyn ótkizý týraly sheshimdi qoldaıtynyn málimdep, oǵan Nursultan Na­zarbaevtyń qatysýy jóninde ótinish aıtady jáne ol úshin óz daý­ys­taryn berýge ázir ekendigin bildiredi. Almaty oblysy Qarasaı aý­da­nynyń túrli mektepteriniń muǵalimderi men oqýshylary Mem­leket basshysynyń táýelsizdik jyldary Qazaqstannyń damýyna, onyń halqynyń ál-aýqatyn arttyrýǵa qosqan úlesin atap ótken. Avtorlar Nursultan Nazar­baevtyń prezıdenttik saılaýǵa qatysýyn ótinipti. Almaty oblysy Qarasaı aýda­nynyń medısına qyzmetkerleri de kóshbasshynyń basshylyǵymen elimiz damý jolynda batyl qadam basyp kele jatqanyn aıtady. «Prezıdent saılaýyn ótkizýdi biraýyzdan qoldaı otyryp, Sizden halyqtyń keń qoldaýyna ıe kóshbasshy retinde oǵan qatysýdy ótinemiz», – dep jazady avtorlar. Mádenıet salasy ókilderi de óz hattaryn joldady. Atap aıtqanda, Orys halyq áni teatrynyń kórkemdik jetekshisi M.Granova Memleket basshysymen birge elimiz barlyq qıyndyqty eńsere alatynyna senimin bildirgen. «Bizdiń árqaısymyz shyn jú­regimizben Sizdi qoldaımyz, da­nalyq úshin, elimizdegi beı­bitshilik pen kelisim úshin alǵys aıtamyz. Memleketimizdiń basynda Sizdi ǵana elestete alamyz, sondyqtan aldaǵy saılaýǵa qatysýyńyzdy ótinemiz», – delingen hatta. N.Bekejanov atyndaǵy Qyzyl­orda oblystyq qazaq mýzykalyq-dramalyq teatrynyń ujymy Memleket basshysy ustanyp otyr­ǵan baǵytty qoldaıtyndary týraly málimdeıdi. Almaty qalasynan kompozıtor B.Jumanııazov pen kınotanýshy G.Kóbek, Qyzylorda qalasynan Qa­zaqstan Respýblıkasynyń eń­bek sińirgen qaıratkeri E.Ýáıis Memleket basshysyna qol­daý lebizderin aıtyp, oǵan Qazaq­stan­nyń jan-jaqty damýyna baǵyt­talǵan kúsh-jigeri úshin rıza­shylyq bildiredi. Qaraǵandy qalasyndaǵy «Shahter» klýby fýtbolshyla­ry Nursultan Nazarbaevty al­daǵy saılaýda óz kandıdatýrasyn usynýǵa shaqyra otyryp, Mem­leket basshysynyń arqasynda Qazaqstan egemendik alýdan qazirgi zamannyń jahandyq máselelerin sheshýge deıingi baıypty joldan ótkenin aıtqan. «Sizdiń esimińizben Otany­myzdyń táýelsizdigi tuǵyrynyń nyǵaıýyndaǵy eń jarqyn jaıttar baılanysty. Biz Sizben birge ǵana Qazaqstan alǵa qaryshtaı ilgerilep, kózdelgen barlyq maqsatqa jetetinine senimdimiz. Siz tikeleı qatysqan jaǵdaıda ǵana elimiz jedel qarqynmen alǵa qoıylǵan maqsattarǵa qaraı jyljı alady. Qazaqstan halqy Sizge senedi», – dep jazady avtorlar. Memleket basshysynyń bir top synyptasy «Nurly Jol» baǵdarlamasynyń tıimdi iske asyrylýy tek Nursultan Nazarbaevtyń tikeleı basshylyǵymen ǵana múmkin ekenine senim bildirgen. «Osyǵan baılanysty Sizden aldaǵy saılaýǵa túsýdi ótinemiz. El kóshbasshysy retinde Sizben birge biz álemdegi damyǵan 30 memlekettiń qataryna qosyla alamyz dep senemiz», – delingen hatta. Qaraǵandy oblysy Abaı qalasynyń bir top turǵyny el prezıdentiniń aldaǵy saılaýynyń taǵdyrsheshti mańyzyna toqtalyp ótken. «Qazaqstandyqtardyń san myń­daǵan hatyna biz de óz úni­mizdi qosqymyz keledi. Sizden osy saılaýǵa mindetti túrde qaty­sýyńyzdy suraımyz. Biz 2015 jylǵa turaqtylyq sezimimen, birlese atqarý qajet zor mindet­terdi sezine otyryp qadam bas­tyq. Biz Prezıdent saılaýynda birtutas otbasy retinde boı kór­setip, Sizben birge qýatty, qarysh­ty, zamanaýı memleket qurý jo­lynda eńbek etýge, ortaq taǵdyr jolynda ómir súrip, ortaq bolasha­ǵymyzdy óz qolymyzben jasaý­ǵa ázirmiz. Sizdiń esimińizben biz Qazaqstannyń gúldenýin baılanystyramyz. Bizdiń daýsymyz ben júregimiz Sizben birge», – dep jazady avtorlar. Almaty oblysy Qarasaı aý­da­nyndaǵy Uly Otan soǵysynyń ardageri Ú.Tastanbekuly Qazaq­stannyń gúldenýine baǵyttalǵan sharalardyń tabysty jalǵasýy úshin Nursultan Nazarbaevtyń aldaǵy Prezıdent saılaýyna qa­tysýynyń mańyzdylyǵyn aıtady. Almaty oblysy Úshqońyr aýy­lynda turatyn Uly Otan soǵy­synyń ardageri V.Shýstov eli­mizdegi beıbitshilik pen órkendeý Qazaqstan Prezıdentiniń eńbegi ekenin atap ótken. «Men óz aýylymnyń kónekóz turǵyny retinde aldaǵy saılaýdan Sizdiń kandıdatýrańyzdy kóremin jáne qoldaımyn. Siz laıyqty adamsyz. Kózdelgen maqsattardy iske asyrý ońaı sharýa emes. Bar­lyq isti aıaǵyna deıin Siz ǵana jet­kize alady dep esepteımin», – delingen hatta. Aqtóbe qalasynyń turǵyny, eńbek ardageri L.Chıchaeva Memleket basshysynyń qysqa merzimde óz eńbegi jáne syndarly saıasaty arqyly Qazaqstandy berekeli jáne búkil álemge belgili elge aınaldyra alǵanyn atap ótken. «Siz ǵana Qazaqstandy ósip-órkendegen el, al halyqty baqytty ete alasyz. Siz – jahandyq jáne bárin qamtıtyn ıdeıalardyń el ıgiligi jolynda kúni-túni jumys isteıtin eń qýatty generatorysyz», – dep jazady avtor. Qyzylorda qalasyndaǵy «Syr medıa» JShS bas dırektory A.Ońǵarbaev óńirdiń jýrnalıster qoǵamdastyǵy atynan Memleket basshysy tóńiregine toptasýǵa ázir ekendikterin bildire kelip, ony Prezıdent saılaýyna óz kandıdatýrasyn usynýǵa shaqyrady. Jambyl oblysy Aqbulym aýylynyń turǵyny S.Toqbaev aýyl turǵyndarynyń tabystary týraly aıta kelip, Memleket basshysynyń bastamalaryn naqty ispen qoldaýǵa daıyn ekenin atap kórsetken. Prezıdenttik saılaý ótkizý týraly sheshimdi qoldaǵan avtorlar Memleket basshysyn saılaýǵa túsýge shaqyrǵan. Taldyqorǵan qalasynyń tur­ǵyny T. Baıbuqasheva qaladaǵy bar­lyq analardyń atynan prezı­denttik saılaý ótkizý týraly she­shimdi qoldaıtynyn jáne saılaýǵa Nursultan Nazarbaev qatysady dep úmittenetinin jetkizgen. Ekibastuz qalasynyń turǵyny M.Karımov Memleket basshysynyń prezıdenttik saılaýǵa qatysýy mańyzdy ekenin ataı otyryp, óz daýysyn Nursultan Nazarbaevqa berýge daıyn ekenin málimdegen. Almaty oblysynyń Qa­rasaı aýdanynyń turǵyny A.Bek­­baeva, Astana qalasynan E.Ámir­­ǵalıev, Kókshetaý qalasy­nan E.Qurmanǵalıuly el ekono­mıkasynyń ósiminen, halyqtyń ál-aýqatynyń artýynan baıqalyp otyrǵan jetistikterge toqtalǵan. Osyǵan baılanysty avtorlar Memleket basshysy Prezıdent saılaýyna qatysýy tıis dep sanaıtyndaryn aıtqan. Kókshetaý qalasyndaǵy №1 orta mekteptiń 8-synyp oqýshysy T.Baphoeva Memleket basshysynyń kandıdatýrasy usynylýyn ótinip, hat jazǵan. «Men prezıdenttik saılaýda daýys berýge áli qatysa almaımyn, biraq Qazaqstanda tynyshtyq pen turaqtylyq bolǵanyn qalaımyn. Siz basqarǵan Qazaqstan ǵana budan ári de tabysqa jetip, órkendeı alady. Eldegi tatýlyq pen baq-berekeniń kepili Siz ǵana bola alasyz», – delingen hatta. Qazaqstan Respýblıkasy Pre­zıdentiniń kezekten tys saılaýyn taǵaıyndaýǵa baılanysty kelip jatqan hattar legi jalǵasýda.