Jaryq dúnıe tabaldyryǵy

Perzenthana – el erteńiniń bastaýy, ult ósiminiń órisi. Ińgalaǵan talaı sábı jaryq dúnıe esigin ashar tabaldyryǵy. Bastaýy bútin, tabaldyryǵy berik, órisi keń eldiń bolashaǵy da baıandy. Táýelsizdik besigi – elordada úsh perınataldyq ortalyq bar eken. Sonyń biri de biregeıi – Astana qalasynyń №3 perınataldyq ortalyǵy bolyp tabylady. Densaýlyq saqtaýdy damytý jónindegi respýblıkalyq ortalyqtyń dástúrli reıtıngi boıynsha 2013-2014 jyldardyń qorytyndysynda №3 perınataldyq ortalyq stasıonarlyq perzenthanalar arasynda respýblıka boıynsha úzdikter qatarynan tanylypty. «Jaqsyny kórmek úshin» degen ulaǵatty úkilep, elordalyq №3 perınataldyq ortalyqtyń tabaldyryǵyn attadyq. Ortalyqty medısına ǵylymdarynyń kandıdaty, joǵary dárejeli dáriger Zaıtýna Hamıdýllına basqarady eken. Júzinen jylylyq nury esken bas dáriger naǵyz aq halatty abzal jandarǵa tán izgilikpen baýrap aldy. – Bizdiń perzenthana Astana qala­syndaǵy eń salıqaly emdeý orta­lyqtarynyń birinen sanalady. Onyń irgetasy 1964 jyly qalanǵan. Sodan beri kún saıyn ondaǵan náreste dúnıe esigin ashyp, elimizdiń erkin ulandarynyń qataryna qosylady. 2014 jyldan bas­tap bizdiń perzenthananyń dárejesi joǵarylatylyp, perınataldyq ortalyq retinde quryldy. Iаǵnı bizdiń ortalyqta búgingi zamanaýı tehnologııaǵa negizdelgen qural-jabdyqtarmen tolyqqan qabyldaý – dıagnostıkalyq, jańa týǵan sábılerdi jetildirý, shala týǵan nárestelerdi ońaltý, balalar reanımasııasy sııaqty bólimder ashyldy, – deıdi Z.Ǵadılqyzy. Perınataldyq ortalyqta genıko­logııalyq syrqattardy saýyqtyrýdyń keshendi qyzmeti kórsetiledi. Bedeýlikke qarsy, jatyr isikterin joıý jáne basqa kúrdeli otalar jasalady. Sonymen birge, ortalyq bazasynda bir aýysymda 500 adam qabyldaıtyn áıelder emhanasy jumys isteıdi. Emhanada júkti áıelderge jan-jaqty aqyl-keńes berilýimen qatar, aýrýdyń barlyq túrleri boıynsha medısınalyq kómek kórsetiledi. Bas dáriger Zaıtýna Hamıdýllınanyń aıtýynsha, Astana qalalyq №3 perı­nataldyq ortalyǵynda aıaǵy aýyr analardyń bala kóterý kezeńderindegi aýytqýshylyq úrdisteriniń barlyq túrleri boıynsha shıpaly em jasalynatyn kórinedi. Tipti, munda medısınalyq zertteýler boıynsha bala kóterýge bolmaıtyn áıelderdi emdep, ana bolý baqytyn kórýge jaǵdaı týǵyzady eken. Ortalyqtyń ota jasaıtyn bólimshesi osy sanattaǵy aýrýhanalardyń ishindegi ozyq jabdyqtalǵan bólimshelerdiń qatarynan sanalady. Ortasha alǵanda munda kúnine ózdiginen bosana almaıtyn áıelderge 6-7 ota jasalatyn kórinedi. О́tken jyly №3 perınataldyq ortalyqta 1200 anaǵa ota jasalyp, osynshama sábıge jaryq dúnıege joldama berilipti. Astana qalalyq №3 perınataldyq ortalyqta zaman talabyna qaraı ǵyly­mı izdenisterge keń jol ashylǵan. Orta­lyq bazasynda Astana medısınalyq akademııasynyń gınekologııa jáne aký­sherlik kafedralary jumys isteıdi. Bul eki kafedrada bilikti ǵalym, professor Galına Ahmedııanovanyń jetek­shiligimen jas mamandardyń ǵylym jolyn­daǵy izdenisteri shyńdalady. Mine, osyndaı jan-jaqty izdenisterdiń nátı­jesinde bul ortalyqta áıelderge laparoskopııalyq ota jasaý ádisi keńinen qolǵa alynǵan. Máselen, buryn jatyr isigin alyp tas­taý úshin, búkil qaryndy tilgilep, ishti aqtarýǵa týra keletin. Endi, lapa­roskopııalyq ádis boıynsha qarynǵa kishkene ǵana tesik jasap, lazer arqyly jatyr isigin joıyp jiberýge múmkindik jasalady. Ortalyqta mamandardyń kásibı bilik­tiligin arttyrýǵa barynsha kóńil bólinedi eken. О́tken jyly №3 perınataldyq ortalyqtyń birqatar dárigerleri Fransııa, Qytaı, Reseı, Baltyq jaǵalaýy elderi sııaqty, shet memleketterde bolyp, kásibı biliktiligin shyńdaǵan. Jaqynda Baltyq jaǵalaýy elderinen osynda bir top ǵalym mamandar kelip, ortalyqtyń akýsher-gınekologtary arasynda sheberlik klasstaryn ótkizipti. –       №3 perınataldyq ortalyqqa Den­saýlyq saqtaý mınıstrligi men qalalyq densaýlyq saqtaý basqarmasy tarapynan shynaıy qamqorlyq jasalyp keledi. О́tken jyly Astana qalalyq ákimdigi men qalalyq densaýlyq saqtaý basqarmasynyń tikeleı kómeginiń arqasynda jańa týǵan sábılerdi jetildirý jáne jańa týǵan shaqalaqtardy adam qataryna qosýǵa arnalǵan búgingi ǵylymı tehnologııanyń joǵarǵy jetistikterine negizdelgen ekstroklasty medısınalyq jabdyqtar aldyq. Ortalyqtyń medı­sınalyq quraldarmen jabdyqtalýy talapqa saı. Maman kadrlarymyzdyń biliktiligi de joǵary. Sondyqtan, biz syrqaty asqynǵan áıelderdi de, sońǵy kezde tolǵaǵy aýyr analardy da qabyldap qatarǵa qosyp kelemiz. Bul bizdiń elimizdegi medısınaǵa degen Memleket basshysynyń shynaıy janashyrlyǵynyń jemisi, – deıdi ortalyqtyń bilikti basshysy Zaıtýna Hamıdýllına. Joǵaryda aıtyp ótkenimizdeı, Den­saýlyq saqtaýdy damytý jónindegi respýblıkalyq ortalyqtyń reıtıngi boıynsha, №3 perınataldyq ortalyqta ana men balanyń shetineý oqıǵasy bolmaǵan. Jańa týǵan balalardy jetildirý, analardy saýyqtyrý sapasy elimiz boıynsha eń joǵarǵy kórsetkish dárejesine jetken. Kadrlardyń biliktiligi joǵary bolsa, ortaq istiń jemisi de máýeli bolmaq. №3 perınataldyq ortalyqtaǵy akýsher-gınekologtardyń 60-70 paıyzy bir ortalyqta uzaq ýaqyt qyzmet atqaryp, tájirıbe jınaqtaǵan salıqaly mamandar kórinedi. Árıne, oqý oryndarynda alǵan bilimderin tájirıbemen ushtastyrýǵa umtylǵan jastar da barshylyq. Degenmen, ortalyqtaǵy ana men balanyń densaýlyǵyn saqtaý jolyndaǵy joǵary sapaǵa qol jetkizýde óz isine shynaıy berilgen, uzaq ýaqyt osy oraıda izdenisti jumys atqarǵan tájirıbeli mamandardyń úlesi zor ekendigi daýsyz. Osy rette Aıgúl Dúısembaeva, Halıda Sháripova, Elena Tıhomırova, Ekaterına Konkova, Qarlyǵash Aǵybaeva, Baqyt Anapına, Ásııa Smaǵulova sııaqty tájirıbeli dárigerlerdiń, Janar Shyndalıeva, Galına Trýshevna, Natalıa Ahrımenko sııaqty orta býyn akýsherlerdiń esimin erekshe atap ótken oryndy. Búgingi kóktem mere­kesi, 8 naýryz – halyqaralyq áıelder kúni qarsańynda ómirge adam ákeletin bul abzal jandardyń eńbegi odan ári jana bersin. «№3 perınataldyq ortalyq orna­lasqan ǵımarattyń salynǵanyna elý jylǵa jýyqtapty. Osy rette jańa ǵımaratqa kóshý oılaryńyzda joq pa?», – degen suraǵymyzǵa da bas dárigerdiń jaýaby tııanaqty boldy. – Medısınalyq mekemelerdiń mate­rıaldyq bazasyn nyǵaıtý degenimiz, eskiniń bárin syryp tastaý emes qoı. Mine, ózderińiz kórdińizder, bizdiń orta­lyqtyń barlyq bólimsheleri kirse shyqqysyz, syńǵyrlap tur. Bólmeler taza, jaryq ári jyly. Munyń bári 2013 jyly qalalyq ákimdiktiń kómegimen jasalǵan kúrdeli eýropalyq jóndeýdiń nátıjesi. Bólimderdegi ınjenerlik kommýnaldyq qyzmettiń jumysy da kidirissiz. Sharýashylyq jónindegi orynbasarym Gúlnar Belgibaevanyń tynymsyz qaraketiniń arqasynda biz kommýnaldyq júıelerdiń toqyraýyn sezip kórgenimiz joq, dedi bas dáriger. – Bizdiń 500-ge jýyq adam eńbek etetin ujymymyz iskerlik pen ujymshyldyqty ushtastyra otyryp, sońǵy jyldary medısınalyq qyzmet kórsetýdiń joǵary sapalyq deńgeıine shyqty. Bul, eń aldymen, ujymǵa basshylyqqa kelgen Zaıtýna Hamıdýllınanyń tájirıbesi men iskerliginiń arqasy, – deıdi osy sátte áńgimege aralasqan bas dárigerdiń emdeý sharalary jónindegi orynbasary Aıgúl Dúısembaeva. Astanalyq aıaǵy aýyr analar arasynda nárestemdi №3 perınataldyq ortalyqta ómirge ákelsem degen astarly arman bar eken. Bul – osy ortalyqtaǵy ana men bala ómiriniń arashashysyna aınalǵan tájirıbeli akýsher-gınekologtar eńbegine degen baǵa, shyn mánindegi aq halatty abzal jandarǵa degen shynaıy senim. О́tken jyly osy ortalyqta dúnıege kelgen 7 myń sábı sol aqıqattyń aınasy bolsa kerek. Jylqybaı JAǴYPARULY, «Egemen Qazaqstan». Sýretterde №3 perınataldyq ortalyqtyń bas dárigeri Z.Hamıdýllına jáne ortalyqtan kórinis.