Sh.Ýálıhanov atyndaǵy Kókshetaý memlekettik ýnıversıtetinde Bilim jáne ǵylym mınıstrliginiń Ǵylym komıteti Memleket tarıhy ınstıtýty fılıalyna qarasty arheologııa kabıneti men etnografııa murajaıynyń ashylýy bolyp ótti, dep habarlady Aqmola oblysynyń ishki saıasat basqarmasy janyndaǵy «Aqmola medıa ortalyǵy».
Bul mańyzdy murajaı tarıh, zańtaný, óner jáne sport fakýltetiniń negizinde qurylyp otyr. Atalǵan sharaǵa Bilim jáne ǵylym mınıstrligi Ǵylym komıteti Memleket tarıhy ınstıtýtynyń dırektory Búrkit Aıaǵan qatysyp, osy tektes kabınetter men murajaılardyń qashanda qajet ekendigine toqtaldy, jas tarıhshylardyń óz bilimderin tájirıbe júzinde jetildirýge jol ashatyndyǵyn tilge tıek etti. Is-shara Qazaq handyǵynyń 550 jyldyǵy men Qazaqstan halqy Assambleıasynyń 20 jyldyǵyna arnaldy.
Sharaǵa qurmetti qonaqtar, ýnıversıtet oqytýshylary men stýdentteri qatysty. Jınalǵan qaýymǵa qazaq jáne ózge ult ókilderiniń kıim-keshegi, buıymdary, stýdentterdiń óz qolymen jasaǵan zattary men ekspedısııadan jınalǵan qundy dúnıeler nazarǵa usynyldy.
KО́KShETAÝ.