8 naýryz – Halyqaralyq áıelder kúni qurmetine oraı Qazaqstan Respýblıkasynyń Prezıdenti N.Á.Nazarbaevpen «Kóktem shýaǵy» kezdesýine qatysqan Qazaqstannyń áıelder qoǵamdastyǵynyń ókilderi
Irına Petrovna ARONOVA, Qazaqstan Respýblıkasy Parlamenti Májilisiniń depýtaty. 58 jasta. Májilistiń Áleýmettik-mádenı damý jónindegi komıtetiniń múshesi. Qazaqstan Respýblıkasynyń Qurmet gramotasymen (2007 j.), «Qurmet» ordenimen (2012 j.) marapattalǵan. Aýdandyq mádenıet úıiniń metodısinen, mádenıet jónindegi komıtet tóraıymy, aýdandyq mádenıet bóliminiń meńgerýshisi, ákimshilik basshysynyń orynbasary, aýdan ákimine deıingi eńbek jolynan ótti. Qostanaı oblysy az qamtamasyz etilgen azamattardy qoldaý jónindegi óńirlik qordy basqardy (1988-2007). 2007 jyldyń tamyzynda Qostanaı oblystyq máslıhatynyń depýtaty bolyp saılandy. 2007 jyldyń mamyrynan «Nur Otan» partııasy Qostanaı oblystyq fılıaly tóraǵasynyń birinshi orynbasary bolyp tabylady. Saltanat AHMETOVA, «Astana Opera» opera jáne balet teatrynyń jetekshi solısi. 28 jasta. Máskeýde ótken «Úlken opera» jas oryndaýshylardyń televızııalyq baıqaýynyń jeńimpazy. 2014 jyldyń 29 qarashasynda Chaıkovskıı atyndaǵy konservatorııanyń zalyndaǵy Saltanattyń óner kórsetýin kórermender dý qol shapalaqpen qarsy aldy. Germanııadaǵy Neue Stimmen halyqaralyq baıqaýynyń Klassik-Herbst Forderpreis arnaıy júldesiniń ıegeri. Kókshetaý qalasyndaǵy Birjan sal atyndaǵy mýzyka kolledjiniń (2004) jáne Qazaq ulttyq mýzyka akademııasynyń (2008) túlegi. Italııadaǵy Vokal óneri akademııasynda tájirıbeden ótti (2009). Ánshiniń enshisinde birneshe respýblıkalyq jáne halyqaralyq baıqaýlardaǵy jeńister, olardyń arasynda Bıbigúl Tólegenova, Glınka, Villaincanto (Italııa) atyndaǵy baıqaýlar bar. Aqnur JUMABAEVA, «Queen of the Planet-2014» Gran-prıi ataǵynyń ıegeri. 35 jasta. Kóp balaly ana Aqnur joldasymen birge 6 balany (3 qyz jáne 3 ul) tárbıelep júr, «Kúmis alqa» ıegeri. Erli-zaıyptylarǵa bala tárbıeleýde úlken yntymaqty úıde birge turyp jatqan eriniń ata-anasy kómektesedi. Eki joǵary bilimi bar. Ekonomıka ǵylymdarynyń magıstri. Konsaltıngtik kompanııany basqarady jáne 15 jyldan astam ýaqyttan beri baǵalaý qyzmet salasynda eńbek etedi. Queen of the Planet ataǵyn alýdaǵy jeńis – bul qazaqstandyq áıelderdiń osynaý halyqaralyq baıqaýdaǵy alǵashqy jeńisi. Ol muny tek óziniń ǵana emes, sonymen birge, «Meniń elimniń eńbegi» dep esepteıdi. Queen of the Planet baıqaýynyń ıdeıasy – otbasylyq qundylyqtardy dáripteý, ana bedelin arttyrý. Halyqaralyq baıqaýǵa qatysý ıdeıasy Aqnurǵa QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa men «Sezon» jýrnaly «Qazaqstan arýy-2011» balaly áıelder arasynda uıymdastyrǵan ulttyq baıqaýdan keıin kelgen. Quralaı Ahmetqyzy AQQOShQAROVA, professor, Qazaqstan ınjenerlik akademııasynyń akademıgi. 65 jasta. Ál-Farabı atyndaǵy Qazaq ulttyq ýnıversıtetin, A.Baıkov atyndaǵy Máskeý metallýrgııa ınstıtýtynyń aspırantýrasyn bitirgen. Oqytýshydan dekanǵa deıingi eńbek joly ýnıversıtette ótti. Qazaqstan Respýblıkasynyń bilim jáne ǵylymǵa eńbek sińirgen qyzmetkeri. 2013 jyly ýnıversıtettiń Ǵylymı keńesi oǵan «Ýnıversıtet kafedrasynyń qurmetti meńgerýshisi» ataǵyn berdi. Júzden astam ǵylymı eńbekterdiń, sondaı-aq, «Fızıka. Teorııa. Esepter. Suraqtar. Ony sheshýdiń joldary» atty alǵashqy memlekettik tildegi oqýlyqtyń avtory. Ǵalym N.Qoıshybaevpen birlesken osynaý eńbek QR BǴM tapsyrysy boıynsha «Atamura» baspasynan (2006 j.) jaryqqa shyqty jáne sheshý joldary men jaýaptary keltirilgen myńnan astam test suraqtary men esepterden turady. 1972 jyly «Molodaıa gvardııa» (Máskeý) baspasynan «Stýdentterdiń búkilodaqtyq sleti» atty kitaby shyqty, onda slet delegattary aldynda sóz sóılep, KSRO basshysy L.I.Brejnevten alǵys alǵan qazaq stýdenti Q.Aqqoshqarova týraly materıal jarııalandy. «Eńbektegi erligi úshin» medalimen marapattalǵan. Mereke Serikqalıqyzy AQSIEVA, kóp balaly ana. 38 jasta. Batys Qazaqstan oblysynyń Qaztalov aýdanyndaǵy Qaıshaqudyq aýylynda turady. Orta bilimi bar. 2011 jyldan selolyq klýb meńgerýshisi bolyp jumys isteıdi. Joldasy Ermekpen birge 7 bala (4 ul jáne 3 qyz) tárbıelep otyr, «Altyn alqa» ıegeri. Eri sharýa qojalyǵyn basqarady. Mereke óz ýaqytynyń kóbin bala tárbıesine bóledi. Bul iste oǵan mektepte muǵalim bolyp isteıtin qyzdarynyń úlkeni kómektesedi. Mýzykany unatady, dombyra tartady. Sabına ALTYNBEKOVA, voleıbolshy, Qazaqstan Respýblıkasy jasóspirimder qurama komandasynyń múshesi. 18 jasta. Sabına 16 jasynan «Almatınochka-Almaty» klýbynda oınaıdy. Komandamen birge 2013-2014 jyldyń maýsymynda «A» Joǵary lıgasynyń kúmis medalin jeńip aldy. Ál-Farabı atyndaǵy QazUÝ-dyń 1-kýrsynda «bıologııa-bıotehnologııa» mamandyǵy boıynsha oqıdy. 2014 jyly S.Altynbekova Qazaqstan Respýblıkasy Qyzyl Jarty aıynyń alǵashqy resmı volonteri boldy. Bul qoǵam álemniń 189 elindegi 500 mln. adamdy biriktiretin Qyzyl Krest jáne Qyzyl Jarty aı halyqaralyq qozǵalysynyń bóligi bolyp tabylady. Almaty qalasy memlekettik jastar saıasatyn júzege asyrý máseleleri jónindegi keńestiń múshesi. Taıbeıdegi (QHR) voleıboldan jasóspirimder arasyndaǵy Azııa chempıonatynda álemdik baqtar Sabınany «Qazaqstannyń eń sulý voleıbolshysy», sondaı-aq, «chempıonattyń eń sulý voleıbolshysy» dep atady. Taıvan, Japonııa jáne basqa da azııalyq elder televıdenıesi Sabınaǵa birqatar reportajdar arnady. Daily Mail gazetiniń sholýshysy S.Altynbekovaǵa ózi qatysqan oqıǵany óz tulǵasymen kómeskilendirýdiń sáti tústi dep atap ótti, baspasózde chempıonat týraly árbir eki jolǵa tikeleı ol týraly on betten keldi. Zarına DIAS, tennısshi, WTA reıtınginde álemniń 30-shy raketkasy, jeke razrıadta bes ITF týrnıriniń jeńimpazy. 21 jasta. Zarına 13 jasynda Qazaqstan Respýblıkasynyń sport sheberi boldy. 15 jasynda Astanadaǵy 25-myńdyqta Zarına birinen soń biri bes matchty utty jáne óziniń alǵashqy kásibı mártebesin jeńip aldy. Jas otandasymyzdyń tabysyn Ulttyq federasııa atap ótti – ol ulttyq qurama komandaǵa shaqyryldy jáne Federasııa kýbogynda ol úshin bir match oınady. Sıýanchjoýda jeńip alǵan mártebe, Strasbýrgtegi, Malaızııadaǵy, Hobarttaǵy, Shenjendegi WTA týrnıriniń shırek fınalyndaǵy jeńis, Nottıngemdegi, Osakadaǵy fınalǵa shyǵýy, Úlken Shlem Týrnırindegi tabysty óner kórsetýleri, Ýımbldonnyń 1/8, Avstralııa Openniń 1/16 fınalyna shyǵýy, US Open-de juptasyp, shırek fınalǵa shyǵýy – bir jylǵy tabystary osyndaı. Júzden astam pozısııalardy oınap, ol maýsymdy jeke reıtıngte álemniń 30-shy raketkasy bolyp aıaqtady. Qytaı mamany Alan Manyń Gýanchjoýdaǵy akademııasynda jattyǵady. Janar DUǴALOVA, belgili qazaqstandyq ánshi, aktrısa, kompozıtor. 28 jasta. GITIS túlegi (Máskeý) 2001 jylǵy «Jas qanat» baıqaýynyń Gran-prı ıegeri, kóptegen halyqaralyq baıqaýlardyń jáne Reseıdegi, Polshadaǵy, Estonııadaǵy, Fransııadaǵy, Bolgarııadaǵy, Qytaıdaǵy festıvaldardyń laýreaty. Qazanda ótken «Turkvizion-2014» II Halyqaralyq án baıqaýynyń jeńimpazy, onda «túrik áleminiń altyn daýysy» retinde tanyldy. Janar Duǵalova óziniń baıqaýdaǵy jeńisin Qazaqstan Respýblıkasynyń Prezıdenti Nursultan Nazarbaevqa arnady. Janar ózi jazǵan «Izin kórem» kompozısııasy boıynsha óner kórsetti jáne jıyntyǵynda 225 ball aldy. Barlyǵy fınalǵa Qazaqstannan, Tatarstannan, Túrkııadan, Bashqurtstannan, Reseıden, О́zbekstannan, Qyrǵyzstannan, Makedonııadan, Irannan, Qyrymnan, Bosnııadan, Bolgarııadan, Iаkýtııadan, Ázerbaıjannan jáne Túrikmenstannan 15 konkýrsant qatysty. Gúlnaz JOLANOVA, «Qazaq arýy-2014» respýblıkalyq sulýlyq baıqaýynyń jeńimpazy. 21 jasta. Aqtaý qalasynda týǵan. Aqtaý qalasyndaǵy ekonomıkalyq lıseıdiń túlegi. Ál-Farabı atyndaǵy Qazaq ulttyq ýnıversıtetiniń «týrızm mamandyǵy» boıynsha 4-kýrs stýdenti. Reseıde (2006 j.), Chehııada (2008 j.), Avstrııada (2008 j.), Makedonııada (2009 j.), Armenııada (2010 j.) ótken ulttyq bılerdi ozyq oryndaýda halyqaralyq baıqaýlar laýreaty bolyp tabylady. «Mahabbatym júregimde» teleserıalyndaǵy basty róldi (Kamshat), «Qyzdar» teleserıalynda basty róldi (Zere) oryndaýshy. Qazirgi ýaqytta ýnıversıtettegi oqýdy «Shine Production» prodıýserlik ortalyǵyndaǵy jumyspen (aktrısa, telejúrgizýshi) qosa alyp júr. Nazym QYZAIBAI, bokstan álem chempıony. 21 jasta. Qazaqstannyń áıelder boksy tarıhyndaǵy alǵashqy álem chempıony. 2014 jyldyń qarashasynda Ońtústik Koreıada ótken áıelder arasyndaǵy chempıonatta Nazym altyn medaldi jeńip aldy. Eńbek sińirgen sport sheberi. 2009-dan 2014 jylǵa deıin Qazaqstan chempıony. 2011-2012 jj. álem júldegeri. Bokstan halyqaralyq klastaǵy sport sheberi. Almaty qalasyndaǵy sport jáne týrızm akademııasynyń 3-kýrsynda oqıdy. Qyzaıbaı otbasynda 6 bala bar. Ata-analary bokspen aınalysýyna qoldaý bildirdi. Bokstan tys Nazym sporttyń basqa túrlerimen de aınalysty: mektepte voleıbol, fýtbol oınady. Sporttaǵy daryndy balalarǵa arnalǵan ınternatqa túskennen keıin bes aıdan soń jasóspirimder arasyndaǵy Qazaqstan chempıonatynda birinshi oryndy jeńip aldy. Tatıana Nıkolaevna NEMSAN, selolyq mektep dırektory. 50 jasta. Mektep dırektory. Aqmola oblysy Arshaly aýdanyndaǵy «Aqbota» qoǵamdyq qoryn basqarady. Qazaqstan jastary arasyndaǵy «jasyl bastama» qozǵalysynyń bastamashysy bolyp tabylady. О́ńirlik, oblystyq jáne ulttyq deńgeılerde jergilikti halyqtyń arasynda energııa jáne sý únemdeý tehnologııalaryn alǵa bastyrý jumystaryna jetekshilik jasaıdy. Energııa tıimdi tájirıbeni (kún kollektorlary, pırolızdi jylytý, kún batareıalary), sondaı-aq, sý únemdeý tehnologııalaryn ( tamshylatyp sýarý, energııa tıimdi jylyjaılar) engizý boıynsha úkimettik emes uıymdardyń resýrstyq jelisin uıymdastyrdy, ol balalardy vıtamındi tamaqtandyrý máselesin sheshýde jumyssyz áıelder úshin jańa jumys oryndaryn ashýǵa jaǵdaı jasaıdy. Taıaýda Týnıste V energııa tıimdiligi jónindegi halyqaralyq forýmda Qazaqstannyń energııa tıimdi bastamasyn alǵa bastyrýdaǵy tájirıbeni usyndy. Qazaqstan Respýblıkasy bilim berý isiniń úzdigi. Turmysqa shyqqan. Eki bala tárbıelep otyr. Dınara Muratqyzy RYSBEKOVA, mergen. 26 jasta. Kishi serjant Dınara Rysbekova kelisimshart boıynsha 2002 jyldan Qarýly Kúshter qatarynda áskerı qyzmet atqaryp júr. 2007 jyly Semeı polıtehnıkalyq kolledjin aıaqtaǵan. Turmysqa shyqqan, eki bala tárbıelep otyr. Garnızonnyń qoǵamdyq-saıası ómirine belsendi aralasady. 2013 jáne 2014 jyldardaǵy áskerılendirilgen paradqa qatysqan. Gúljan Janpeıisqyzy QARAQUSOVA, Parlament Májilisiniń depýtaty, Qarjy jáne bıýdjet komıtetiniń tóraıymy. 63 jasta. S.M.Kırov atyndaǵy Qazaq memlekettik ýnıversıtetiniń saıası ekonomıka fakýltetin támamdaǵan (1972). Ekonomıka ǵylymdarynyń doktory, professor. Qazaq memlekettik ýnıversıtetiniń saıası ekonomıka kafedrasynyń aǵa oqytýshysy, Ekonomıka jáne quqyq ýnıversıtetiniń kafedra meńgerýshisi bolyp eńbek etti. 1994 jyldan 1995 jylǵa deıin Qazaqstan Respýblıkasy Prezıdentiniń kómekshisi – Ekonomıkalyq keńesshiler keńesiniń jetekshisi, 1997 jyldan 2001 jyldary Parlament Senatynyń depýtaty, Ekonomıka, qarjy jáne bıýdjet jónindegi komıtet tóraıymy, 2001 jyldan 2007 jylǵa deıin Qazaqstan Respýblıkasynyń Eńbek jáne halyqty áleýmettik qorǵaý mınıstri qyzmetterin atqardy. 2012 jyldyń qańtar aıynan bastap Qazaqstan Respýblıkasy Parlamenti besinshi shaqyrylymyndaǵy Májilistiń Qarjy jáne bıýdjet komıtetiniń tóraıymy qyzmetin atqarady. «Parasat», II-dárejeli «Barys», «Yntymaqtastyq» ordenderimen marapattalǵan. Aqtolqyn QURMAShEVA, baqshashy, jeke kásipker. 43 jasta. Aqtolqyn baý-baqsha isimen aınalysady. Alma jáne basqa jemis-jıdek ósiredi. Qazir onyń 14 gektar jerdi alyp jatqan alma baǵynda 5 myńnan astam alma aǵashy bar. Alma tuqymyn jaqsartý maqsatynda jemis aǵashtaryn býdandastyrýmen aınalysady. «Baq otyrǵyzý bolashaqqa baǵa jetpes mura qaldyrýmen para-par», deıdi Aqtolqyn. Qaraǵandy polıtehnıkalyq ýnıversıtetin óndiristik jáne azamattyq qurylys mamandyǵy boıynsha támamdaǵan. 2001-2012 jyldar aralyǵynda «Arys» óndiristik kooperatıvinde eńbek etti. 2012 jyldan beri baý-baqsha ósirýmen aınalysady. Qarlyǵash jáne Nurdáýlet atty balalary bar. Balalary oqý ozattary jáne kóptegen olımpıadalyq oıyndar men baıqaýlardyń jeńimpazdary. Shyryn Asylhanqyzy QURMANBAEVA, Qazaq gýmanıtarlyq-quqyqtyq ınnovasııalyq ýnıversıtetiniń rektory. 57 jasta. Qazaqstan Respýblıkasy bilim berý salasynyń úzdik qyzmetkeri (2004). S.M.Kırov atyndaǵy Qazaq memlekettik ýnıversıtetin «tarıhshy» mamandyǵy (1980), Qazaq quqyqtyq akademııasyn «zańger» mamandyǵy boıynsha (2000) támamdaǵan. Saıasat ǵylymdarynyń doktory, professor. Reseı Federasııasy Saıası akademııasynyń akademıgi (2007). «Shapaǵat» medalimen (2008) marapattalǵan. 7 monografııanyń, 10 oqý quralynyń, 100 ǵylymı eńbektiń avtory. «Ajar» áıelder jetistigin qoǵamdyq moıyndaý ulttyq syılyǵynyń «Ǵylym jáne bilim» nomınasııasy boıynsha laýreaty (2003). Qazaqstan Respýblıkasy Prezıdenti janyndaǵy Áıelder isi jáne otbasylyq-demografııalyq saıasat jónindegi ulttyq komıssııasynyń múshesi. Turmys qurǵan. Uly, 2 qyzy jáne 5 nemeresi bar. Serına SÝNAGAVA, «Astana Opera» teatrynyń balerınasy. 31 jasta. Serına Astanalyq «Astana Opera» teatrynda óner kórsetetin japon balerınasy. Ol óziniń jastyq shaǵyn Okınava aralynda ótkizgen. 5 jasynan bastap balet ónerimen aınalysyp, Reseı balet mektebinen dáris alýdy armandaǵan. Onyń armany oryndalyp, Sankt-Peterbýrgtaǵy Vaganov balet akademııasyn támamdaǵan. 2005 jyldan 2013 jylǵa deıin K.Baıseıitova atyndaǵy Ulttyq opera jáne balet teatrynda balet ártisi bolyp jumys istedi. 2013 jyly «Astana Opera» teatryna jumysqa qabyldandy. Operalyq ánshi Súndet Baıǵojınǵa turmysqa shyǵyp, ol óziniń ómirin Qazaqstanmen máńgi baılanystyrdy. Serına otbasynyń basshysy erkek bolýy kerek dep esepteıdi jáne ony qazaqtyń ulttyq taǵamdarymen erkeletedi. Úıde qazaqsha, oryssha jáne japon tilderinde sóılesedi. Qazir erli-zaıyptylar Sánııa atty 4 jasar qyzdy tárbıelep otyr. Tatıana Nıkolaevna Býrmıstrova, «Trıo Tatıan» 80-jyldary KSRO-da eń tanymal óner toby bolǵan. 57 jasta. Tatıana Býrmıstrova Ońtústik Qazaqstan oblysynyń Alǵabas kensharynda orys otbasynda dúnıege keldi. Bala jasynan bastap dombyra tartyp, tek qazaq tilinde ǵana óleń aıtady, ásirese, termelerdi naqyshyna keltirip oryndaıdy. Tashkent Ortaazııalyq pedıatrııalyq ınstıtýtyn bitirgen. Stýdenttik jyldary oqý men aıtys ónerin qosa damytty. Qazirgi tańda halyq aýyz ádebıeti shyǵarmashylyǵy arqyly memlekettik tildi úıretý, rýhanı-adamgershilik qundylyqtardy nasıhattaý jónindegi «Ulttyq óner ortalyǵy» atty ortalyq quryp jumys júrgizýde. 3 bala tárbıelep ósirgen, 1 nemeresi bar. Qazaqstan Respýblıkasynyń eńbek sińirgen qaıratkeri. Tatıana Dmıtrıevna POLTAVSKAIа, Qazaq KSR mádenıetine eńbek sińirgen qyzmetker. 55 jasta. Halyqaralyq konkýrstardyń laýreaty. 80-jyldardyń basynda Tatıana Poltavskaıa óziniń tamasha soprano daýsymen sol kezde dańqy shyqqan «Altybaqan» jáne «Tamasha» telebaǵdarlamalarynda turaqty óner kórsetti. Poltavskaıa trıo quramyndaǵy óziniń óner jolyn erekshe eske alady. Qazaq tili ol úshin árqashan týǵan til bolǵandyǵyn jáne jyldar óte kele de solaı bolyp qalatyndyǵyn atap kórsetedi. Qazirgi kezde Máskeý qalasynda turady, «Izmaılova» atyndaǵy Máskeý pedagogıkalyq kolledj dırektorynyń tárbıe berý jáne áleýmettik jumystar jónindegi orynbasary bolyp eńbek etedi. Jubaıymen birge qyz ósirip otyr. Tatıana Vladımırovna MARTYNENKO, Shymkent qalasyndaǵy №66 «Bolashaq» balalar baqshasynyń meńgerýshisi. 48 jasta. Ońtústik Qazaqstan oblysy Ordabasy aýdanynyń Chýbarovka selosynda týǵan. 1987 jyly Shymkent mádenıet ınstıtýtyn támamdaǵan. Ol óziniń ómirlik jolyn balalarǵa bilim jáne tárbıe berýden tapty. Balalar baqshasynda tárbıeshi, №5 orta mektepte muǵalim bolyp eńbek etti. Mine, 16 jyldan beri Shymkent qalasyndaǵy №66 «Bolashaq» balalar baqshasynyń meńgerýshisi bolyp eńbek etedi. 1985 jyly Máskeý qalasynda ótken 12-shi Búkilálemdik jastar jáne stýdentter festıvalin ótkizýge daıyndyq jumystaryn júrgizý boıynsha medal alǵan. Qazaqstan Respýblıkasynyń eńbek sińirgen qaıratkeri. Sáken О́mirzaqovqa turmysqa shyqqan. 3 bala jáne 2 nemere tárbıelep otyr. Aınur TAShANOVA, «Astana Solar» fotoelektrlik modýlderdi qurastyrý jónindegi zaýyttyń óndiristik aýysymynyń tehnıgi. 23 jasta. Qostanaı memlekettik ýnıversıtetin «qarjy» mamandyǵy boıynsha támamdaǵan. Qazirgi ýaqytta zaýyttaǵy eńbegin M.Dýlatov atyndaǵy Qostanaı ınjenerlik-ekonomıkalyq ýnıversıtetinde «elektrenergetıkasy» mamandyǵy boıynsha oqýmen ushtastyrýda. Elordadaǵy 50 MVt fotoelektrlik modýlderin qurastyrý jónindegi zaýyttyń shyǵaratyn kún batareıalarynyń qýaty 2 iri elektr stansasynyń óndiretin elektr qýatyna teń. A.Tashanovanyń mindeti shyny panelderin kún elementteriniń áshekeılerimen bezendirý, olardy shyny panelderde ornalastyryp peshke qyzdyrýǵa jiberý bolyp tabylady. 1 saǵatta zaýyt konveıerinen osyndaı 30 panel shyǵyp otyrady. Jaıdary da jyly júzdi Aınur zaýyttyń qoǵamdyq ómirine belsene aralasady, Tapqyshtar men kóńildiler klýbynyń, spartakıadalardyń belsendi qatysýshysy bolyp tabylady. Mýzykany jany súıedi. Larısa Nıkolevna FINK, aýdandyq aýrýhananyń bas dárigeri. 43 jasta. Aqmola memlekettik medısına ınstıtýtyn «dáriger-terapevt» mamandyǵy boıynsha támamdaǵan (1995). Instıtýtty bitirgennen keıin Qostanaı oblysynyń Fedorov aýdanyndaǵy medısınalyq mekemelerde ártúrli qyzmetter atqardy. Jalpy, jumys ótili – 19 jyl. 2012 jyldyń qarasha aıynan beri «Fedorov ortalyq aýdandyq aýrýhanasy» kommýnaldyq memlekettik mekemesin basqarady. Jubaıy Evgenıı Vıktorovıch Fınk osy aýrýhananyń hırýrgııa bólimshesiniń meńgerýshisi bolyp tabylady, «2009 jyldyń úzdik aýyldyq dárigeri» qurmetti ataǵy bar. Jubaıy dárigerler áýletiniń ókili bolyp tabylady. Onyń ata-anasy, aǵasy dárigerler. Otaǵasy – Qazaqstan Respýblıkasynyń eńbek sińirgen dárigeri. Larısa Nıkolaevnanyń 2 uly – Artýr (2000 j.t.), Robert (2009 j.t.) bar. Otbasyndaǵy 2 ul da qazirgi kúnnen áýlettik dástúrdi jalǵastyryp, dáriger bolýdy armandaıdy. Láıla SULTANQYZY, «Qazaqstan» RTRK» AQ «Balapan» balalar telearnasynyń dırektory. 37 jasta. Belgili qazaqstandyq telejúrgizýshi Láılá Sultanqyzy qazirgi kúnde «Balapan» balalardyń oıyn-saýyq tanymdyq telearnasyn basqarady. Telekórermenderdiń jas ereksheligi 3 jastan 10 jasqa deıingi búldirshinderdi qamtıdy. HD formatynda táýligine 14 saǵat boıy qazaq tilinde habar júrgizedi. «Men 5 jyl balalar men úıde otyryp, barlyq balalarǵa arnalǵan telearnalardy qaradym. Men úshin balalarymdy qandaı habarlar qyzyqtyratyny basymdyq bolyp tabylady. Osy jyldar ishinde men shetelderdiń balalarǵa arnalǵan telebaǵdarlamalaryn keńinen zerttedim», dep oı bólisedi Láılá Sultanqyzy. «Balapan» telearnasy kontentiniń kishkentaı telekórermender úshin qyzyqty bolýy maqsatynda «NickJr», «Marvel», «Disney» sııaqty belgili shetel kompanııalarynyń anımasııalyq serıaldary men fılmderi satyp alyndy. Aldaǵy ýaqytta orys tildi balalarǵa memlekettik tildi oqytý maqsatynda aýdıtorııany odan ári keńeıtý josparlanyp otyr. Osy maqsat úshin ıntellektýaldy, tanymdyq-otbasylyq jáne sporttyq birqatar jobalar iske qosyldy. Dalıda Maratovna SIVARAKShA, «Avtomattandyrý jáne aqparattandyrý júıesi» kafedrasynyń dosenti, tehnıka ǵylymdarynyń kandıdaty. 29 jasta. Akademık Q.I.Sátbaev atyndaǵy Ekibastuz ınjenerlik-tehnıkalyq ınstıtýtynda dáris beredi. Máskeýde jáne Fraıberg qalasynda (Germanııa) ótken halyqaralyq konferensııalarda sóz sóılegen bizdiń elimizdiń ekologııalyq ahýalyn jaqsartý jónindegi jobalardy belgilep keledi. Bilim jáne ǵylym qyzmetimen belsendi aınalysady. «Bogatyr» kómir razrezindegi qorshaǵan ortany lastandyrý qaýpin azaıtý jónindegi ádisterdi óndiriske engizý ádisiniń avtory bolyp tabylady. «In Kaz» ekologııa, týrızm jáne kásipkerlik salasyndaǵy halyqaralyq ınnovasııalyq forýmynyń dıplomymen marapattalǵan. Turmysta, 1 sábı tárbıelep otyr. Bıbigúl SÚIINShÁLINA, qazaqstandyq jáne reseılik kınoaktrısa. 23 jasta. Kishkentaı kezinde ata-anasymen birge Máskeýge qonys aýdarǵan. Eńbektegi alǵashqy tájirıbesi – 2 jasta teledıdar jarnamasynda kishkentaı japon balasynyń rólin oınaǵan. 9 jasta NýrMýr «Juldyzym» tobynyń mýzykalyq klıpine túsken. 15 jasynda kelisimshart jasap Sıngapýrde jáne Taılandta model bolyp jumys istegen. 2006 jyly reseılik belgili «Gromovtar. Úmit úıi» televızııalyq serıalynda Faıka rólin oınaǵan. Osy rólden keıin Bıbigúldi basqa jobalarǵa da shaqyra bastady. 2007 jyly rejısser Oleg Fesenkonyń «Saga o hantah» fılmindegi rólde oınady. 2009 jyly qatarynan 3 fılmde: «Trýbadýr» – Zarına basty rólinde, «Astana – meniń mahabbatym» – Marjan basty rólinde, Ámir Qaraqulovtyń «Vırtýalnaıa lıýbov» fılminde – Elıa basty rólinde oınady. 2013-2014 jyldary reseılik «Vyjıt posle» 12 serııalyq televızııalyq fılminde Aıjan rólinde, barlyǵy Bıbigúl 12 kıno jáne serıaldarda oınaǵan. Qazirgi kezde ol reseılik memlekettik agrarlyq ýnıversıtetinde sporttyq at baptaý mamandyǵy boıynsha syrttaı dáris alýda. Sonymen birge, Berlın qalasynda nemis tilin úırenedi. Fotosýretke túsirý jáne sýret salý ónerimen shuǵyldanady.