Gúlmıra ISMAǴULOVA,
Prezıdent janyndaǵy Qazaqstan strategııalyq zertteýler ınstıtýtynyń jetekshi ǵylymı qyzmetkeri:
– Prezıdenttiń tapsyrmasyn oryndaý maqsatynda ústimizdegi jyldan óńirlerdi damytýdyń 2020 jylǵa deıingi jańa besjyldyq baǵdarlamasy iske qosyldy. Bul baǵdarlama, sondaı-aq, turǵyn úı-kommýnaldyq sharýashylyǵyn jańǵyrtýdy da qamtıdy.
Turǵyndar aldan kóp nárse kútse, ol Memleket basshysynyń atymen tikeleı baılanysty. О́ıtkeni, álemdik daǵdarysqa qaramastan, Prezıdent Úkimetke TKSh-ny jańǵyrtý shyǵyndaryn qysqartpaý týraly tapsyrma berdi emes pe? Kerisinshe, naq osy aıdyń ózinde buǵan deıin jasalǵan jylý berý, sýmen qamtamasyz etý jáne káriz júıelerin jańǵyrtý boıynsha 86 jobany qarjylandyrý bastalyp ketti. Osy maqsattarǵa ústimizdegi jyly 60 mıllıard, 2016 jyly 100 mıllıard teńge bólinetin bolady. Sondyqtan, bastalǵan jáne basqa da baǵdarlamalardy júzege asyrý úshin Prezıdent Nursultan Nazarbaev memleket basynda qalǵany durys dep esepteımin. Sonda kóptegen másele óz sheshimin tabatynyna nyq senimdimin.
ASTANA.
Ásııa DÝANBAEVA,
Qostanaı oblystyq máslıhaty apparatynyń jetekshisi:
– Táýelsiz Qazaqstan qalyptasýynyń alǵashqy jyldarynda men Áýlıekól aýdany ákiminiń orynbasary bolyp jumys istedim. Atalǵan aýdan oblystaǵy eń irileriniń biri bolyp tabylady. Sol kezderdi eske alsam, kóńil qulazıdy: óndirister jabylyp jatty, jumyssyzdyq beleń ala tústi, jalaqy, zeınetaqy men tólemaqy aılap berilmedi. Búgin osynyń bári kórgen tústeı. Jedel damyp kele jatqan Qazaqstan ekonomıkasy barlyq syn-qaterlerge qarsy tura alatyn deńgeıge kóterildi. Jyl ótken saıyn halyqtyń ál-aýqaty artyp keledi. Al sodan beri 20 jyldan sál ǵana astam ýaqyt ótti!
Qazaqstan halqynyń baqyty bar eken, sol taǵdyrsheshti kezeńde memleket basynda Nursultan Nazarbaev turdy. Endigi kezeńde de bizder, qazaqstandyqtar, ózimizdiń bolashaǵymyzdy Elbasymen tikeleı baılanystyramyz. Menińshe, búgin oǵan balama joq. Qyryq jyldyq ótili bar memlekettik qyzmetshi, el azamaty, áıel retinde suraıtynym, Nursultan Ábishulynyń prezıdenttikke óz kandıdatýrasyn usynýy.
Qostanaı.
Klara ALIPOVA,
«OQO azamattyq Alıansy» QB prezıdentiniń keńesshisi:
– Meniń jasymdaǵy adamdardyń kezekten tys prezıdenttik saılaý týraly máselege kózqarasy aıqyn. Bárimiz de oǵan durys qaraımyz. Bul bastamany bıyl qurylǵanyna 10 jyl tolatyn Ońtústik Qazaqstan oblystyq azamattyq Alıansyna kiretin kóptegen qoǵamdyq birlestikter qoldady.
Biraq búgin myna másele týraly aıtqym keledi. Mysaly, aldaǵy saılaýǵa jastardyń da optımıstik kózqaras tanytyp otyrǵany qýantady. Olar neniń aq, neniń qara ekenin durys aıqyndaı otyryp, basymdyqtardy da durys tańdaı biledi. Osynyń nátıjesinde ómirge de shyndyq turǵysynan qaraıdy.
Aldaǵy saılaý týraly máseleni men jaqyndarymmen de talqyladym. Olar da turaqtylyqty, tynysh ómirdi jáne eldiń odan ári qaraı damýyn qalaıdy. Bul – ár qazaqstandyq úshin erteńgi kúnge degen senimdi ómir kepili. Búgingi saılaý ótetini aıqyndalǵan tusta, Is basyndaǵy Prezıdent Nursultan Nazarbaev taǵy da óz moınyna úlken jaýapkershilik alsa degen tilegimiz bar.
ShYMKENT.
Aleksandra KOLPAKOVA,
«Chervona rýta» etnomádenı birlestiginiń múshesi:
– Maǵan, tarıh pániniń muǵalimine kelisim men turaqtylyqtyń qanshalyqty baǵaly ekeni jaqsy málim. Sondyqtan bárimizge de izgi kórshilestik pen toleranttylyqty kózdiń qarashyǵyndaı saqtaý paryz. Prezıdent Nursultan Nazarbaev elimizdiń basty baılyǵy ultaralyq tatýlyq pen túsinistik ekenin aıtýdan jalyqqan emes. Meniń jerlesterim álemde qalyptasqan túrli jaǵdaılar tutastyq pen birlesýdiń qanshalyqty baǵaly ekenin jaqsy túsinedi. Sondyqtan Qazaqstan halqy Assambleıasy Keńesiniń bıyl kezekten tys prezıdenttik saılaý ótkizý týraly bastamasy der kezinde kóterilip otyr dep bilemin.
Memleket basshysy saılaýǵa arnalǵan Úndeýinde óte durys atap ótkenindeı, álemdik qarjy-ekonomıkalyq daǵdarys beleń ala túsip otyrǵan tusta halyqqa erteńgi kúnine degen senimdilik qajet. Bul senimdilik bizge Memleket basshysy belgilep bergen jasampazdyqtyń dara jolymen júrýge múmkindik bermek. Sondyqtan shyn júregimnen Elbasyna aldaǵy saılaýǵa túskenin qalaıtynymdy jetkizgim keledi.
Batys Qazaqstan oblysy.
Toıǵan IHSANOVA,
tiginshi:
– Men óndiriste tiginshi bolyp 2012 jyldan beri jumys isteımin. Osydan úsh jyl buryn eski hımııa zaýytynyń bazasynda polıpropılennen qapshyqtar shyǵaratyn zamanaýı kásiporyn ashylǵan bolatyn. Prezıdent Úkimettiń keńeıtilgen otyrysynda sóılegen sózinde barlyq memlekettik organdar men kásiporyn basshylarynyń aldyna jumys oryndaryn qysqartpaý týraly mindet qoıdy. Men bul sózderdi Elbasy qarapaıym eńbek adamdarynyń oılary men sezimderin dóp basyp aıtqanyna senimdimin.
Biz úshin eń bastysy jumystyń bolýy men der kezinde jalaqy alýymyz. Al ózimiz jaýapkershilikpen jumys isteýge umtylatyn bolamyz. Sondyqtan óndiristegi tabys árqaısymyzǵa táýeldi ekenin jaqsy túsinemiz. Eger kásiporyn tabysty bolsa, memleketke de jaqsy – bıýdjetke salymdar kóbirek túsedi. Bul qarjyǵa, óz kezeginde, jańa mektepter men aýrýhanalar, joldar salýǵa bolady. Demek, Elbasynan aldaǵy prezıdenttik saılaýǵa qatysýyn suraımyz. О́ıtkeni, onyń jeńiske jetetinine senimdimiz.
ATYRAÝ.
Mádına QASYMJANOVA,
S.Asfendııarov atyndaǵy Qazaq memlekettik medısına ýnıversıtetiniń 6-kýrs stýdenti:
– Kezekten tys prezıdenttik saılaý ótkizý týraly bastamany tolyqtaı qoldaımyn. Sapaly bilim alýdy qalaıtyn jáne álemdik medısına salasynda básekege qabiletti bolǵysy keletin men sııaqty stýdent úshin elde keń aýqymdy jańǵyrtýlardyń strategııalyq baǵyty jalǵastyrylǵany óte mańyzdy. Qazaqstannyń burynǵysynsha serpindi túrde álemdegi asa damyǵan 30 memlekettiń qataryna qosylý maqsatynda ilgeri qaraı umtylǵany kerek. Bolashaq dáriger retinde memleket júzege asyrylyp jatqan baǵdarlamalar jalǵastyrylyp qana qoımaı, óziniń túpki maqsatyna deıin jetkiziledi ǵoı dep úmittenemin. Al olardyń nátıjesi qazaqstandyqtardyń ómir sapasyn jaqsartýǵa múmkindik beretini kúmánsiz.
Osy jerde ekpin túsire aıtarym, Prezıdenttiń júrgizip kele jatqan saıasatyna tolyqtaı senemin jáne kezekten tys prezıdenttik saılaý taǵaıyndalǵanyn eń utymdy sheshim dep esepteımin. Buǵan qosarym, barsha qazaqstandyqtar sekildi aldaǵy prezıdenttik saılaýǵa Elbasy óziniń kandıdatýrasyn usynǵanyn qalaımyn.
ALMATY.