Keshe Astanada Premer-Mınıstrdiń orynbasary Berdibek Saparbaev densaýlyq saqtaý obektileriniń qyzmetimen tanysyp, qalalyq jedel medısınalyq járdem stansasyn, №10, 2 emhanalardy, №2 aýrýhanany aralap kórdi, dep habarlady Premer-Mınıstrdiń baspasóz qyzmeti.
Medısınalyq uıymdardy aralaý barysynda Premer-Mınıstrdiń orynbasary qalalyq densaýlyq saqtaý uıymdarynyń ınfraqurylymdarymen, medısınalyq uıymdardyń jumysymen, olardyń materıaldyq-tehnıkalyq jaraqtanýymen tanysty. B.Saparbaev halyqqa medısınalyq qoljetimdi kómek jáne onyń ýaqtyly kórsetilýimen, olardy jaqsartý joldarymen, densaýlyq saqtaý júıesiniń sheńberindegi jańa medısınalyq tehnologııalardy jáne aqparattyq júıelerdi engizý aspektilerimen tanysty. Sondaı-aq, Vıse-premer bastapqy medısınalyq-sanıtarııalyq kómek kórsetýdi jetildirý, emhanalardaǵy kezekter máselelerin, profılaktıka jáne aýrýlardy emdeý bóliginde azamattardy aqparattandyrý deńgeıin, halyqpen keri baılanystyń tıimdiligin retteý máselelerin pysyqtady.
Aralaý qorytyndysy boıynsha Vıse-premer DSÁDM-niń, astanalyq densaýlyq saqtaý basqarmasy basshylarynyń nazaryn qazirgi tańdaǵy oryn alyp otyrǵan ózekti problemalyq máselelerge aýdardy. Sonymen qatar, halyqqa kórsetiletin medısınalyq kómektiń, basqa da medısınalyq qyzmetterdiń sapasyn budan ári joǵarylatý, sondaı-aq, EKSPO-2017 halyqaralyq mamandandyrylǵan kórmesin medısınalyq qamtamasyz etý boıynsha baǵdarlamany ázirleýge qatysty birneshe tapsyrma berdi.