Merekelik sharalar aıasyndaǵy Astana

Astana qalasynyń tól merekesine oraı birqatar qalalyq saýda jelilerinde merekelik aksııalar ótedi. Atap aıtqanda, «5 mınýt» sýpermarketinde 1-19 shilde aralyǵynda ótetin jeńildikter aksııasyn nasıhattaýǵa baǵyttalǵan kitapshalar taratyldy. Astana qalasy  ákimdigi Kásip­kerlik jáne ónerkásip basqar­masynyń habarlaýynsha, «Anvar» sýpermarketter jelisiniń barlyq dúkenderinde keıbir azyq-túlik jáne ónerkásiptik taýarlar 17 paıyzdan 50 paıyzǵa deıingi jeńildiktermen satylmaq. «Aq Orda Capital» JShS merekege oraı birqatar azyq-túlikterdiń baǵasyna (sút ónimi – 7-15%, «Assam» shaıy – 7%, jumyrtqa – 10%, qus eti – 10%, táttiler – 30%, sýsyndar – 20%) 30 paıyzǵa deıin jeńildikter jasaıdy. Al, elordalyq «Green» saýda jelisi 1-7 shilde aralyǵynda «Master», «Arýjan» jáne «Han Shatyr» saýda ortalyqtarynda óz taýarlaryn 17 paıyz jeńildikpen satady jáne shildeniń 6 kúni saýda ortalyqtaryna kelýshiler erekshe iltıpatqa bólenbek. Ár satyp alýshyǵa, balalarǵa tátti taǵamdar usynylady. «Astyqjan» saýda ortalyǵy Elorda kúni aıasynda turǵyndarǵa SMS habarlama jiberip, jekelegen taýarlarǵa 50 paıyz jeńildikter jasalatyny týraly habarlaıtyn bolady. Sonymen birge, 1-6 shilde aralyǵynda «Astyqjan» dúkenderinde áleýmettik mańyz­dy taýarlarǵa jeńildikter qaras­tyrylǵan. 1 shilde kúni «Astyq­jan» saýda júıesiniń ókil­deri balalardyń júıke jáne sal aýrý­lary ortalyǵynda bolyp, múm­kindigi shekteýli balalardy me­rekemen quttyqtady. Olardyń kóńilin kóterý sharalaryn uıymdastyryp, merekelik syılyqtar tapsyrdy. Sondaı-aq, bul saýda júıesine qarasty barlyq dúkender mereke kúnderi kóz tartatyndaı bezendiriledi. Sonymen qatar, «Small», «A2», «Magným  Keshen end Kerı», «Astana mır vkýsa» saýda jeli­lerinde de merekelik sharalar uıym­dastyrylyp, jekelegen taýarlar jeńildikpen satylatyn bolady. «Egemen-aqparat».